Մեր ճակատի գիրը մենք պիտի գրենք

Ժամանակն է` գրենք մեր ճակատի գիրը, որ ուրիշները չգրեն, որովհետև ինչ էլ որ գրել են ուրիշները մինչև հիմա, ի վնաս մեզ է եղել

ՍՈՍ ՍԱՐԳՍՅԱՆ

Արցախի ՄԻՊ-ը բարձրաձայնում է Ադրբեջանում հայատյացության խնդրի մասին. հատուկ զեկույց է հրապարակվել

am en
Arts`akhi MIP-e bardzradzaynowm e Adrbejanowm hayatyats`owt`yan khndri masin. hatowk zekowyts` e hraparakvel_102525

Արցախի Հանրապետության ՄԻՊ գրասենյակը ներկայացրեց «Հայատյացությունն Ադրբեջանում. կազմակերպված ատելության խոսքն ու թշնամությունն ընդդեմ հայերի» հատուկ զեկույցը: 

Արցախում հրավիրված ասուլիսում ԱՀ մարդու իրավունքների պաշտպան Ռուբեն Մելիքյանը նշեց, որ զեկույցը համապարփակ ներկայացնում է դեպքերը, օրինակները՝ կապված հայատյացության հետ:

«Այս զեկույցը յուրահատուկ է նրանով, որ այստեղ հայատյացության օրինակները ներկայացվում են իրավական համատեքստում: Սա բացառապես մարդու իրավունքներին վերաբերող խնդիր է, մենք իրավական գնահատականներ ենք ներկայացրել՝ անդրադառնալով հարցերին միջազգային իրավունքի, կոնվենցիաների, նախադեպերի տեսանկյունից: Մեր գլխավոր նպատակը միջազգային հանրությանը Ադրբեջանում հայատյացության խնդիրները ներկայացնելն է»,- ասաց Ռուբեն Մելիքյանը:

Արցախի ՄԻՊ-ը նշեց, որ այս գործընթացում պետք է ներգրավել քաղաքացիական հասարակության ինստիտուտներին, որպեսզի բավական լավ տեղեկացված լինեն խնդրից, իսկ դրա համար անհրաժեշտ է ճշգրիտ տեղեկատվություն:

Թուֆենկյան բարեգործական հիմնադրամի գործադիր տնօրեն Րաֆֆի Դուդակլյանը նշեց, որ փաստերը վկայում են՝ Ադրբեջանում հայատյացությունը կազմակերպված է. «Այն մեկօրյա, մեկամսյա դրսևորում չի ունենանում, այլ շարունակական է: Լինում են շրջաններ, որ այդ խնդիրը սրվում է, լինում է, որ նվազում է, սակայն այն մնայուն կերպով կազմակերպված իրականացվում է: Պետք է շարունակել նման ուսումնասիրությունները, հետևել և բացահայտել հայատյաց քարոզչության աղբյուրները: Այսպիսի ուսումնասիրությունները չպետք է լինեն ներքին սպառման համար: Մեր ազգը զգացել է հալածանք, կոտորած, ցեղասպանություն, դա մեզ համար նորություն չէ: Պետք է այնպես կազմակերպել գործընթացը, որ միջազգային կազմակերպությունները տեղեկանան այն իրադարձություններին, որոնք տեղի են ունենում Ադրբեջանում»:

Ադրբեջանական հարցերով փորձագետ Անժելա Էլիբեգովան էլ նշեց, որ Ադրբեջանը անկախացումից հետո որդեգրեց հայատյացությունը որպես պաշտոնական քաղաքականություն:

«Առաջին դեմքի ամեն երկրորդ ելույթում տեսնում ենք հայատյացության դրսևորում, հայերը ադրբեջանցիների համար մեկ թշնամին են: Հասարակությունն էլ այդ թեզերն ընդունում է: Նախարարների, պատգամավորների մակարդակով նույն հայատյացության թեզերը հետևողաբար հասցվում է հասարակությանը: Նույնն անում է փորձագիտական հանրությունը: Նույնիսկ մանկական խաղերի, հեքիաթների, դասագրքերի միջոցով երեխաներին սովորեցնում են ատել հայերին: Ի դեպ, դա անում են ապատեղեկատվության միջոցով»,-ասաց Անժելա Էլիբեգովան:

Փորձագետի խոսքով, այսօր Ադրբեջանը խնդրի լուծում չի պատրաստվում տալ: Նրա խոսքով, նույնիսկ եթե Ադրբեջանի իշխանությունը սկսի փոխել քաղաքականությունը, մաքրի գրքերը, մամուլը, ապա պետք է մեկ, երկու սերունդ  անցնի, որ թունավորված գիտակցությունը մարդկանցից դուրս գա: Փորձագետն այսօր նման միտումներ չի տեսնում:

«Ադրբեջան չեն թողնում մարդկանց, ովքեր ունեն հայկական ազգանուններ, հետապնդում են նրանց, ովքեր ունեն հայկական արյուն:  Երկրում ցանկացած բացասական երևույթ կապվում է հայերի հետ: Այս ամենը կարելի է տեսնել բացելով ցանկացած ադրբեջանական կայք»,-հավելեց նա:

Լրահոս
Ամենաընթերցվածը

Նմանատիպ նորություններ