Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ:

Րաֆֆի

Դամասկոսի մէջ ծանր իրավիճակ. Վիրաւորներուն մէջ կայ հայորդի մը

am
Damaskosi mej tsanr iravichak. Virawornerown mej kay hayordi me_31669

Սուրիոյ մայրաքաղաք Դամասկոսը անցնող 48 ժամերէն սկսեալ ծանր իրավիճակ մը կ'ապրի:

Մայրաքաղաքի մեր գտնուող գիւղական աւաններուն մէջ տեղակայուած ահաբեկչական խմբաւորումներ թիրախ կը դարձնեն մայրաքաղաքի խաղաղ բնակչութեան տարբեր մարդաշատ թաղամասերը:

Այս մասին տեղեկութիւնը տրուած է «Սանա» լրատուական գորղակալութեան կողմէ, որ նաեւ կը յայտնէ, թէ անցնող ժամերուն (մասնաւորապէս երէկ գիշեր եղած հրթիռարձակումներէն ետք) զոհերուն թիւը հասած է 8-ի, իսկ վիրաւորներունը ՝ 15-ի:

 

Ըստ «Արեւելք» կայքին վիրաւորուածներուն մէջ է նաեւ Դամասկահայ Պօղոս Ստեփանեանին անունը, որ վիրաւորուած է Պապ Թումա հայահոծ շրջանին մէջ ու ապա փոխադրուած է հիւանդանոց:

 

Արաբական տարբեր աղբիւրներ կը հաւաստեն, որ զոհուած ու վիրաւորում ստացած են երկու պատանիներ, որոնք երէկ դպրոցէն տուն կը վերադառնային եւ անոնցմէ մին զոհուած է:

 

Կարգ մը վարժարաններ ապահովական նկատառումներով յարմար նկատած են այսօր փակել իրենց դռները, մինչ մեր աղբիւրներուն համաձայն Դամասկոսի հայկական 5 դպրոցներն ալ բնականոն կերպով կը շարունակեն իրենց դասաւանդութիւնները:

Մայրաքաղաքի տարբեր մարդահոծ թաղամասերուն մէջ ալ զգալի դարձած է լարուածութիւնը եւ մարդիկ կը նախընտրել զգուշաւոր ըլլալ իրենց շրջագայութիւններուն մէջ:

 

 

Սագօ Արեան. «Հայ Ձայն»ի աւագ յօդուածագիր

Լրահոս
Ամենաընթերցված

Նմանատիպ նորություններ