Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Էրտողան ... չոր փայտի վրայ չէ

am
Ertoghan ... ch`or p`ayti vray ch`e_35379

Երուսաղէմի շուրջ կատարուած դէպքերը նոր ախորժակ տուած են Թուրքիոյ ղեկավարութեան: Թուրքիոյ նախագահ Ռէճէպ Թայէպ Էրտողան, որուն համար ալ «հին երազ» է խօսիլ Օսմանեան կայսրութեան սուլթանական լեզուով Միացեալ Նահանգներու նախագահ Տանըլտ Թրամբի կատարած «զգայացունց» յայտատարութենէն ետք կ'ապրէր «աստեղային պահեր»:

Արաբական եւ յատկապէս Պաղեստեան հարցը Անգարայի սեղանին դնելու եւ «երեւցնելու» Էրտողանի փորձը նորութիւն չէ:

Ասկէ առաջ ալ Էրտողան նոյն ոճով խօսած է ու փորձած է իր ճառի սահմանները վերագծել ու կոչ ընել Կազայէն, Ռապաթ, Պէյրութ եւ ... Երուսաղէմ:

 

Բնական է, որ Թուրքիոյ այս վարչաձեւին համար «իսլամութեան» թեման դառնայ յուզող եւ գետնի վրայ նոր շարժում առաջացնող թեմա մը, որուն համար ալ Էրտողան եւ իր համախոհները առիթ պիտի չփախցնեն առկայ գործընթացներուն մէջ իրենց ակնկալիքները վերաշարադրել:

Ինչո՞ւ այս հանգրուանին Էրտողան յիշեց, որ կայ պաղեստինեան դատ եւ Երուսաղէմը կը պատկանի նախ եւ առաջ իսլամական աշխարհին:

Եւ ինչ պատահեցաւ, որ Անգարա մէկ օրէն միւսը անտես առնէ Թէլ Աւիւ- ՆԱԹՕ- Ուաշինկթըն եռանկիւնը եւ խնդրին առումով հանդէս գայ «պապէն աւելի պապական»ի դերով ու դիրքով:

 

Այս բոլորին պատասխանները պարզ ու յստակ են, սակայն ամենակարեւորն այն է, որ այս ընտրանքին պարագային Էրտողան կը քալէ «թաց փայտի» մը վրայէն:

 

Ինչո՞ւ. Որովհետեւ Երուսաղէմի հարցով ալ արաբներուն մօտ յստակ բաժանում մը կայ, որուն հետեւանքով ալ Երուսաղէմը «պայքարի դրօշ» դարձնելու Էրտողանի փորձերը պիտի պսակուին ձախողութեամբ:

Արաբական աշխարհի մեջ իսլամութեան երեսակով մտնել փորձող այսօրուայ Անգարան, սխալ ընտրանքներու մէջ է:

Կրնայ կորսնցնել ՆԱԹՕ-ի աջակցութիւնը, ԱՄՆ-ի «հին» բարեկամութիւնը եւ մանաւանդ դեռ չվաստակուած արաբ «եղբայրներու» խախուտ բարեկամութիւնը:

 

 

Սագօ Արեան. «Հայ Ձայն»ի, Աւագ յօդուածագիր

Լրահոս
Ամենաընթերցվածը

Նմանատիպ նորություններ