Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Գերմանիոյ եւ Թուրքիոյ Արտաքին գործոց նախարարները մերձեցման կոչ կ՚ընեն

am
Germanioy ew T`owrk`ioy Artak`in gortsots` nakhararnere merdzets`man koch` k'enen_38721

Երկու տարիէ ի վեր Անգարայի եւ Պերլինի յարաբերութիւններուն մէջ տիրող ցուրտը այնպէս կը թուի, թէ սկսած է իր տեղը զիջիլ աւելի գաղջ մթնոլորտի մը: Վերջերս, Թուրքիոյ մէջ ձերբակալուած ծագումով թուրք գերմանացի լրագրողուհի Մեշալէ Թոլուի, –թէկուզ՝ պայմանական,– ազատ արձակման առթիւ երկուստեք կատարուած յայտարարութիւններու ոճը արդէն կռահել կու տար նման միտում մը:

Թուրքիոյ Արտաքին գործոց նախարար Չաւուշօղլու Յունուար 6-ին Գերմանիա կատարած իր այցելութեան առթիւ ունեցած յայտարարութիւններով ալ հաստատած է ատիկա: “Պերլին ե Անգարա պատրաստ են երկխօսութեամբ հարթելու իրենց տարակարծութիւնները”, ըսած է թուրք նախարարը: Իսկ Գերմանիոյ Արտաքին գործոց նախարար Սիկմար Կապրիէլը, որուն ամենէն ստորնացուցիչ ածականները կը «շռայլէր» թրքական ճակատը յարաբերութիւններու թէժագոյն օրերուն, հիմա Չաւուշօղլուի կողմէ արժանացած է «անձնական բարեկամ» մը ըլլալու պատիւին:

Երկու երկիրներու յարաբերութիւններուն մէջ այս «ձիւնհալ»-ը բնականաբար չէր կրնար միակողմանի ջանքերով ըլլալ: Ուստի, գերման նախարարն ալ լրջօրէն վերատեսութեան ենթարկած ըլլալ կը թուի իր եւ իր երկրին քաղաքականութիւնը, քանի ի՛նք է, որ հրաւիրած է Չաւուշօղլուն, ա՛յն ալ իր ծննդավայր Կոսլար քաղաքը՝ Գերմանիոյ հիւսիսը: Հոն, թուրք նախարարը նոյնիսկ այցելած է գերման իր պաշտօնակիցին տունը:

Մամլոյ միացեալ ասուլիսի ընթացքին Չաւուշօղլու չէ վարանած Կապրիէլը «անձնական բարեկամ» կոչելու եւ Գերմանիան ու Թուրքիան բնութագրած՝ «հպարտ» երկիրներ: Նոյն առիթով, Չաւուշօղլու կրկնած է կարեւորութիւնը՝ ԵՄ-ի եւ Թուրքիոյ միջեւ մաքսային միութեան մը ստեղծման շուրջ բանակցութիւններու վերսկսման:

Իր կարգին, վարպետ դիւանագէտ Կապրիէլ յայտարարած է, որ վերստին պիտի ձեռնարկուի տնտեսական միացեալ յանձնաժողովի մը ստեղծման գործին, ինչ որ խափանուած էր դիւանագիտական փոթորիկով: Ան նաեւ յայտարարած է, որ իրենք (իմա՝ ինք եւ Չաւուշօղլու) ամէն ինչ պիտի ընեն որպէսզի՝ապագային համաձայնութեան աւելի շատ դաշտեր գտնենք։

Երկու կողմերու տարակարծութիւններու նիւթերէն մէկն ալ կը վերաբերէր Թուրքիոյ մէջ ձերբակալուած՝ Die Welt-ի ծագումով թուրք գերմանացի լրագրող Տենիզ Եիւճէլի պարագային: Այս ասուլիսի ընթացքին շրջանցուած է հարցը: Բայց Կապրիէլ անուղղակի կերպով յայտնած է, թէ իրենց գլուխ-գլուխի զրոյցի ընթացքին շօշափած են Եիւճէլի պարագան եւսթ այս մասին հարցումի մը տալով հետեւեալ պատասխանը. “Մեր հանդիպումին արծարծեցինք անխտիր բոլոր նիւթերը, ներառեալ ամենէն դժուարինները։

Կապրիէլ նաեւ կտրականապէս հերքած է գերման բանտարկեալներու ազատ արձակումը ձեռք ձգելու համար Անգարայի վրայ ճնշում բանեցնելու նպատակով՝իր երկրին կողմէ Թուրքիոյ սպառազինութեան մատակարարման կասեցման վերաբերող պնդումները: Աւելցուցած է, որ գերման կառավարութիւնը ի մօտոյ պիտի քննէ թրքական զրահապատները ականներէ պաշտպանելու ուղղուած ռազմական սարքերու վաճառքի հարցը:

 

Ասիկա բացարձակապէս ոչ մէկ առընչութիւն ունի Թուրքիոյ մէջ բանտարկուածներուն հետ”, նշած է Գերմանիոյ Արտաքին գործոց նախարարը:

 

 

Աղբիւրը՝ Նոր Յառաջ

Լրահոս
Ամենաընթերցվածը

Նմանատիպ նորություններ