Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Նիկոլ Փաշինյան-Կարեն Կարապետյան բանակցությունները տեղի կունենան ապրիլի 25- ին

am en ru
Nikol P`ashinyan-Karen Karapetyan banakts`owt`yownnere teghi kownenan aprili 25- in_56707

Հանրապետության հրապարակում ապրիլի 23-ին կայացած հանրահավաքում Ազգային ժողովի պատգամավոր Նիկոլ Փաշինյանը հայտարարեց, որ քաղաքական երկխոսության իրենց առաջարկած օրակարգը շարունակում է մնալ ուժի մեջ:

«Մեր օրակարգում ոչ թե մեկ, այլ մի քանի հարց էր դրված»,-  նշեց Նիկոլ Փաշինյանը:

Նրա խոսքով՝ չորեքշաբթի ապրիլի 25-ին ժամը 11:00-ին «Արմենիա Մարիոթ» հյուրանոցում նա սկսելու է բանակցել ՀՀ վարչապետի պաշտոնակատար Կարեն Կարապետյանի հետ:

«Քայլ երկու՝ Ազգային ժողովը վարչապետ է նշանակում, և դա պետք է տեղի ունենա առաջիկա մեկ շաբաթվա ընթացքում, որից հետո ձևավորվում է ժամանակավոր կառավարություն, որից հետո էլ հնարավոր ամենաշուտ տրամաբանական ժամկետներում պետք է տեղի ունենան արտահերթ խորհրդարանական ընտրություններ»,- նշեց Փաշինյանը:

Նիկոլ Փաշինյանն ընդգծեց նաև, որ Հայաստանում ատելության մթնոլորտի էջը փակված է: «Ներքաղաքական, ներհասարակական կյանքում ատելության և վենդետայի մթնոլորտը պետք է բացառել, և ես ուզում եմ դիմել բոլոր նրանց, ովքեր մտածում են, թե այս հեղափոխությունը թշնամական է նրանց նկատմամբ, բոլոր գործարարներին՝ վենդետտա չի լինելու, ատելություն չի լինելու, վրեժխնդրություն չի լինելու: ՀՀ-ում հաստատվելու է ազատության , եղբայրության, օրինականության և ազգային միասնության մթնոլորտ»,- շեշտեց ԱԺ պատգամավորը:

 

Լրահոս
Ամենաընթերցվածը

Նմանատիպ նորություններ