Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Օսման Քաւալա բանտէն յայտարարութիւն մը ըրած է

am
Osman K`awala banten yaytararowt`iwn me erats e_38466

Թուրք իրաւապաշտպան, «Անա­տոլու Գիւլթիւր» կազմակերպու­թեան նախագահ Օսման Քաւալա յայտարարութիւն մը ըրած է իր ձերբակալման եւ իրեն վերագրուող ամբաստանութիւններու մասին: Թուրք ծանօթ հասարակական գործիչը ձերբակալուած էր 2017 Նոյեմբեր 1-ին` Պոլսոյ օդակայանին մէջ` Կազիանթէպէն վե­ րադարձին: Ան կը մեղադրուի 2016-ին. Թուրքիոյ մէջ ռազմական յեղաշրջման փորձին աջակցելու յանցանքով: Սիլիվրիի բանտին մէջ պահուող Քաւալա այս յայտարարութիւնը տարածած է իր փաստաբաններուն միջոցով: «Երբ Կազիանթէպէն վե­րադարձիս զիս ձերբակալեցին, ես մտահոգ չէի: Յոյս ունէի` անմի­ջապէս կը հասկնան, որ իմ նկատ­մամբ կասկածները անհիմն են: Սակայն իմ ձերբակալութիւնը եւ ինծի վերագրուած մեղադրանքնե­րը, որոնք յանգեցուցին իմ կա­լանաւորման, անակնկալ էին ինծի համար: Մեղադրանքին մէջ, որ ես Կե­զիի հանրապարտէզի դէպքերու կազմակերպիչն եմ, պնդում կայ, թէ ես գանձատրեր եմ ցոյցերը: Ինչպէս կը յիշէք, Կեզիի դէպքերէն յետոյ յայտարարութիւններ եղան, որ ցոյցերը կազմակերպուած եւ անոնց նիւթական աջակցութիւն տրամադրուած էր արտասահմանէն: 2014-ին լոյս տեսած յօդուածի մը մէջ նոյնպէս կը նշուէր, որ հե­տաքննական գրութիւն կայ, որ կը վերաբերի ինծի եւ Կեզիի դէպքերուն: Այնուհետեւ` 2015ին այս խնդրով հետաքննութիւնը վարողը ձերբակալուեցաւ եւ ցայսօր բ ա ն տ ա ր կ ո ւ ա ծ կը մնայ: Վերջ ի վերջոյ, այս անհիմն պնդումներուն վերաբերեալ ցայժմ որեւէ ապացոյց չէ յայտնաբերուած, եւ ես միակ անձն եմ, որ ձերբակալուած է այս հարցով: Ինչ կը վերաբերի իմ ձերբակալութեան, ես յատկապէս տարօրինակ կը համարեմ այն պնդումները, որոնք իբրեւ թէ զիս կ՚առընչեն Կիւլէնին եւ Յուլիս 15-ի յեղաշրջման փորձին: Ցնցուած եմ ի տես նման ամբաստանութիւններու ինծի վեագրումով, մինչ ես իմ ամբողջ կեանքի ընթացքին հանդէս եկած եմ յեղաշրջումներու դէմ եւ փորձած՝ հանրութեան ուշադրութիւնը գրաւել այն բացասական ազդեցութիւններուն վրայ, զորս կիւլէնական համայնքը տարիներ շարունակ ունեցած է պետութեան ներսը: Ամէն պարագայի` որպէս մէկը, որ ապրած է Սեպտեմբեր 12-ի փորձառութիւնը (խօսքը 1980-ի յեղաշրջման մասին է - «ՆՅ») եւ երբեք չէ մոռցած այդ օրերու սարսափելի յիշատակները, ինծի համար խիստ վիրաւորական են այն պնդումները, ըստ որոնց իբրեւ թէ ես առընչուած եմ այդ շրջանակ­ներուն: Կ՚ուզեմ ընդգծել, որ այդ առընչութեամբ ես դիմեցի իրա­ւական միջոցներու:  Վստահ եմ՝ շուտով պիտի պարզուի, որ այդ պնդումները ան­հիմն են: Ինչեւիցէ, կը կարծեմ, որ երկրին արտակարգ դրութիւնը եւս կ՚ազդէ դատավարութեան մթնոլորտին վրայ, եւ որ ձերբակալութեան որոշումն ալ կրնայ բխած ըլլալ այդ երեւոյթէն: Արտակարգ դրութեան պայմաններուն մէջ կասկածեալը կորսնցնելու մտահոգութիւնը կը գերադասուի անարդար հետապնդումը կանխարգիլելուն: Անմեղութեան կանխավարկածը եւս նկատի չ՚առնուիր: Հակառակ այս ամէնուն` ես կը հաւատամ, որ նոր տարին աւելի լաւ տարի մը պիտի ըլլայ ժողովրդա­վարութեան եւ ազատութիւններու համար: Իմ բարեմաղթութիւնները կը յղեմ բոլոր անոնց, որոնք զօրակցեցան ինծի իրենց յայտարարութիւններով եւ ուղերձներով, իմ ձերբակալութենէն ի վեր: Եւ կ՚ու­զեմ ըսել, որ առողջութիւնս լաւ է: Կը յուսամ` շուտով կը տեսնեմ բո­լորդ…»:

 

Աղբիւրը՝ Նոր Յառաջ

Լրահոս
Ամենաընթերցվածը

Նմանատիպ նորություններ