Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Պատրիարքարանին կը վերադարձուի Սանասարեան խանը

am
Patriark`aranin ke veradardzowi Sanasarean khane_44329
Ժամանակագրական «շա՜տ հետաքրքրական» զուգադիպութեամբ՝ պոլսահայ համայանքը կարեւոր ձեռքբերում մը կ՚ունենայ: Պոլսոյ Վճռաբեկ ատեանին կողմէ արձակուած դատավճիռի մը հիման վրայ, Սիրքեճիի պատմական Սանասարեան խանի սեփականութեան իրաւունքը կը վերադարձուի Պոլսոյ Պատրիարքական աթոռին:
 
Կրօնական ժողովին կողմէ առջի օր կատարուած կտրուկ ետդարձէն ու Արամ արք.ը ընդհ. փոխանորդ նշանակելու որոշումէն ետք, ասիկա, կրնայ պետութեան կողմէ ըլլալ հազիւ թէ թաքուն պատգամ մը, ըսելու համար՝ «հնազանդեցէ՛ք, կը վարձատրուիք»: Կրնայ ըլլալ նաեւ պոլսահայ համայնքի՝ երկրին իշխանութիւններուն մերձաւոր կրօնաւոր եւ աշխարհիկ անդամներու միջամտութեամբ ու խնդրանքով եղած կարգադրութիւն մը: Կամ ինչո՞ւ չէ, թերեւս երկուքը միասին:
 
Բայց այս բոլորը մէկդի ձգելով՝ պէտք է ընդունիլ, որ Սանասարեանի վերադարձը իսկապէ՛ս կարեւոր ձեռքբերում մըն է համայնքին համար: Եւ ամենէն կարեւորն ալ ա՛յդ է: 
 
«Ժամանակ» կը գրէ, թէ այս ձեռքբերումը ապահովուած է պատրիարքական ընդհանուր փոխանորդ Արամ արք. Աթէշեանի կողմէ 3 Յուլիս 2014-ին կատարուած դատական դիմումին հիման վրայ: Անոր կողմէ բացուած դատը շուրջ երեքուկէս տարուան իրաւական պայքարէ ետք՝ տուած է դրական արդիւնք: Իրականութեան մէջ, այդ պայքարը ունի շատ աւելի վաղեմութիւն: Արդարեւ, Պատրիարքական աթոռը այս պատմական խանի սեփականութեան իրաւունքը վերստանալու համար դատարան դիմած էր նախապէս, որպէսզի Վագըֆներու ընդհանուր տնօրէնութիւնը ընէ անհրաժեշտ կարգադրութիւնները: Սակայն Պոլսոյ 13-րդ հիմնական ատեանը առաջին փուլին արձակած էր ժխտական վճիռ, եւ այդ վճիռի բեկանման պահանջով՝ պատրիարքութիւնը դիմած էր Վճռաբեկ ատեան: Երկարատեւ ու հետեւողական աշխատանքէ ետք ապահովուած է այս մեծ յաղթանակը: Այժմ, պիտի կատարուին կալուածաթուղթի եւ համապատասխան արձանագրութիւններու կարգադրութիւնները:
 
Հարկ է նշել, որ Սանասարեան խանը պատմականօրէն կտակուած է՝ Էրզրումի երբեմնի համանուն վարժարանին մատակարարման նպատակով: Հանրապետական շրջանի սկիզբը, այդ վարժարանի չգոյութեան պատճառով, այդ կալուածը կը տնօրինուէր Պոլսոյ պատրիարքութեան կողմէ, եւ օրուան գահակալը կամ առաջին դէմքը կը համարուէր միակ խնամակալը: Կը նախատեսուի, որ յառաջիկային եւս վերահաստատուի նման դրութիւն մը: Այսինքն՝ այս կալուածին պարագային, պաշտօնապէս առանձին վարչական խորհուրդի մը կարիքը պիտի չըլլայ:
 
 
Աղբիւրը՝ Նոր Յառաջ
Լրահոս
Ամենաընթերցվածը

Նմանատիպ նորություններ