Հողը ոչ թե մերն է, որովհետև արյուն ենք թափել, այլ արյուն ենք թափել, որովհետև այդ հողը մերն է…

ԼԱՐԻՍԱ ԱԼԱՎԵՐԴՅԱՆ

ՌԱԿ Գերագույն խորհրդի նախագահ Վարդան Նազիրյան

am en ru
RhAK Geragowyn khorhrdi nakhagah Vardan Naziryan_34950

ՌԱԿ Գերագույն խորհրդի նախագահ Վարդան Նազիրյանի շնորհավորական ուղերձը «Հայ Ձայն»-ի տարեդարձի կապակցությամբ

 

Մեծայարգ Եւ Պատուարժան Խմբագրութիւն

«Հայ Ձայն» Ելեքտրաթերթի

 

 

Մեծայարգ Տիարք,

«Հայ Ձայն» ելեքտրաթերթի հրատարակման Առաջին Տարեդարձին առիթով, Ռամկավար Ազատական Կուսակցութեան Գերագոյն Խորհուրդի կողմէ կուգանք մեր սրտագին շնորհաւորութիւններն ու բարեմաղթութիւնները փոխանցել ձեզի։

Յստակօրէն «Հայ Ձայն»ը եկաւ մեծ բաց մը գոցելու հայրենի մեր ելեքտրամամուլին մէջ։ «Հայ Ձայն»ին մէջ երեւցող լուրերն ու լուրջ յօդուածները, քաղաքական իրատես մեկնաբանութիւնները, թղթակցութիւններն ու նկարները նոր լուսամուտ մը բացին դէպի հայրենիքի իրականութիւնները։ Որպէս Հայաստանակեդրոն Ռամկավարներու խօսափողներէն մին, մենք հոն կը տեսնենք Հայաստանի մեր առողջ երիտասարդութեան մարզական, ընկերային, մշակութային թէ այլ մարզերու մէջ արձանագրած նուաճումները։

Գիտենք որ մամուլը, մանաւանդ հայ մամուլը, մեծ զոհողութիւններ կը պահանջէ իր խմբագիրներէն, աշխատակիցներէն եւ հովանաւորներէն։ Նիւթաբարոյական այդ մեծ զոհողութիւնները յանձն առնելով, դուք ցոյց տուիք որ պատրաստ էք հայրենիքի ժողովուրդին եւ սփիւռքի հայրենակարօտ զանգուածներուն հրամցնել անհրաժեշտը։ Ձեր զոհողութիւններուն պատճառաւ, այսօր հայ մամուլը աւելի եւս հարստացած է նոր եւ փայլուն յաւելումով մը։

Կրկին անգամ շնորհաւորելով «Հայ Ձայն»ի հայրենանպաստ լուսաւոր ուղին, անոր կը մաղթենք ամեն յաջողութիւն։

Կը շնորհաւորենք նաեւ ձեզ, բարձրօրէն գնահատելով ձեր նիւթաբարոյական զոհողութիւնները։

 

 

 

Ընկերական Յարգանքներով ՝

Վարդան Նազիրեան, Նախագահ Ռամկավար Ազատական Կուսակցութեան

Գերագոյն Խորհուրդ

 

Լոս Անճելըս

Լրահոս
Ամենաընթերցվածը

Նմանատիպ նորություններ