Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ:

Րաֆֆի

Ռամկավար Ազատական կուսակցության հայտարարությունը Արցախի վերջին իրադարձությունների առթիվ

am en ru es
Rhamkavar Azatakan kowsakts`owt`yan haytararowt`yowne  Arts`akhi verjin iradardzowt`yownneri arht`iv_64512

Ռամկավար Ազատական կուսակցությունը իր մտահոգությունն է հայտնում Արցախում ստեղծված իրավիճակի՝ շարունակվող ցույցերի ու պաշտոնաթողության պահանջների կապակցությամբ:

Արցախը ռազմավարական-անվտանգային գերկարևոր նշանակություն ունի Հայաստանի ու հայ ժողովրդի համար, այստեղով է անցնում Ադրբեջանի հետ շփման՝ ռազմաճակատային գծի կարևորագույն մասը, որը պահպանվում է հայկական ուժերի կողմից: Հանդարտությունը և խոհեմությունը երկրորդ հայկական հանրապետության տարածքում կարևոր նշանակություն ունի իրավիճակի՝ ռազմաքաղաքական հավասարակշռության պահպանման և սահմանային գծում խաղաղության պահպանման համար.

ՌԱԿ Կենտրոնական վարչությունը և Գերագույն խորհուրդը կոչ են անում ստեղծված իրավիճակը հանգուցալուծել հնարավորինս արագ բանակցությունների միջոցով՝ Արցախի նախագահ Բակո Սահակյանի գլխավորությամբ: ՌԱԿ-ը կոչ է անում չտրվել սադրանքների ու չդիմել անխոհեմ քայլերի, ինչը կվտանգի թե՛ Արցախին, թե՛ ՀՀ-ին և թե՛ սահմանին կանգնած հայ զինվորի կյանքը:

ՌԱԿ-ը միաժամանակ հայտարարում է, որ կուսակցություն այս պահին չունի ներկայացուցչություն Ստեփանակերտում, և կուսակցության անունից հանդես եկող ցանկացած փորձ գնահատում է որպես սադրանք ուղված իրավիճակի ապակայունացմանը:

 

 

05.06.2018 թ.

 

 

Ռամկավար Ազատական Կուսակցութիւն

 

 

Գերագոյն Խորհուրդ

Ատենապետ 

Վարդան Նազիրեան

 

 

Կեդրոնական Վարչութիւն

 

Ատենապետ

Յակոբ Աւետիքեան

 

Լրահոս
Ամենաընթերցված

Նմանատիպ նորություններ