Մեծ քիմիայի ժամանակաշրջան է, մի օրում մարդուն կարող են աղբի վերածել կամ աղբը դարձնել մարդ...

Գուրգեն Մահարի

Ռոբերտ Քոչարյանը երազում է, բայց կյանքում չի դառնա կոնսոլիդացիոն ուժ. Վահագն Խաչատրյան

am
Rhobert K`och`aryane erazowm e, bayts` kyank`owm ch`i darhna konsolidats`ion owzh. Vahagn Khach`atryan _91542

Հեղինակ՝ ԳՈՀԱՐ ԱՎԵՏԻՍՅԱՆ 

ՀԱՅ ՁԱՅՆ լրատվականի զրուցակիցն է «Հայ ազգային կոնգերս» կուսակցության անդամ, տնտեսագետ ՎԱՀԱԳՆ ԽԱՉԱՏՐՅԱՆԸ:

-ՀՀ երկրորդ նախագահ Ռոբերտ Քոչարյանը երեկ ռուսական «НТВ» հեռուստաալիքին տված հարցազրույցում հայտարարել է, որ կարող է լուրջ կոնսոլիդացնող կենտրոն լինել քաղաքական ուժերի համար: Ըստ Ձեզ՝ դաշտում կա՞ն ուժեր, որ կարող են միավորվել Քոչարյանի շուրջ:  

-Ռոբերտ Քոչարյանի երազանքն է, որ այդպիսին լինի: Ինքը կյանքում չի դառնա ո՛չ կոնսոլիդացիոն ուժ, ո՛չ էլ որևէ մեկը իր հետևից կգնա:

-Այսինքն, երբ նա հայտարարում է քաղաքականություն վերադառնալու և կոնսոլիդացիայի կենտրոն դառնալու մասին, դա դեռևս հիմք չի տալիս կարծելու, թե նա կարող է լուրջ ընդդիմադիր զանգված համախմբել իր շո՞ւրջ:

-Ես համազված եմ, որ նա չի կարող լուրջ ուժ ձևավորել, քանի որ ինքը հասարակության մեջ ավելի շուտ հանցագործի իմիջ ունի, քան թե քաղաքական գործիչի: Քոչարյանն ի սկզբանե՝ 1998 թվականից սկսած, հակաօրինական ճանապարհներով է պաշտոններ ստանձնել և երբևէ Հայաստանի Հանրապետության նախագահ չի եղել, այլ եղել է այդ պաշտոնը զբաղեցնող մարդ: Սկսած այն օրվանից, երբ նա տեղեկանք է ներկայացրել, որ ապրել է Հայաստանի Հանրապետությունում, կոնկրետ՝ Երևանում, վերջացրած այն բոլոր գործողություններով, որ նա կատարել է՝ եղել են անօրինական:

-Ըստ Ձեզ՝ ՀՀԿ-ն էլ չի միանա Քոչարյանի ձևավորած քաղաքական ուժի՞ն:

-Ես չգիտեմ: Դա պետք է ՀՀԿ-ին հարցնել:

-«НТВ» հեռուստաալիքին տված հարցազրույցում Ռոբերտ Քոչարյանը ևս մեկ անգամ հայտարարել է, որ իր նկատմամբ քաղաքական վենդետա է իրականացվում: Ի՞նչ կասեք այս մասին:

-Քաղաքական վենդետա նա է իրականացրել տարիներ շարունակ իր քաղաքական հակառակորդների դեմ, և դրա կուլմինացիան եղել է մարտի 1-ը: Ռոբերտ Քոչարյանը պետք է  պատասխան տա մարտի 1-ի համար, դա պարզ է: Ուզի, թե չուզի, իր դուրը գա, թե չգա, NTV-ով խոսի, թե BBC-ով, որևէ նշանակություն չունի, նա օրենքի առաջ պատասխան պետք է տա մարտի 1-ի համար: Ճիշտ է՝ ամեն քաղաքացի իրավունք ունի պաշտպանվելու, Հայաստանի Հանրապետության ներկա օրենքները թույլ են տալիս՝ ի տարբերություն իր ժամանակների: Հիմա թող ինքը պաշտպանվի դատական ատյաններում ու իրավապահ մարմիններում, թող ապացուցի իր անմեղությունը, եթե կարող է: Թեև դա անհնար է:

-Իր հարցազրույցում Քոչարյանը քննադատել էր նախկին նախագահ Սերժ Սարգսյանին Սահմանադրական փոփոխությունների համար՝ ասելով, որ եթե նա երրորդ ժամկետով առաջադրման համար Սահմանադրությունը չփոխեր՝ հեղափոխություն չէր լինի: Այս հայտարարությունն ինչպե՞ս կմեկնաբանեք:

- Այդ հայտարարությունը պետք է հասկանալ այնպես, ինչպես ասել է: Ես Ռոբերտ Քոչարյանի հայտարարությունների մեկնաբանողը չեմ և չեմ ցանկանում լինել: Ես ընդամենը այս հարցում պահանջատեր եմ մարտի 1-ի գործի բացահայտման համար:

Լրահոս
Ամենաընթերցվածը

Նմանատիպ նորություններ