Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ:

Րաֆֆի

Սելինա Տողան խօսած է Թուրքիա հաստատուած սուրիահպատակ հայ աշակերտներուն մասին

am
Selina Toghan khosats e T`owrk`ia hastatowats sowriahpatak hay ashakertnerown masin_29908

Թուրքիոյ խորհրդարանի հայ անդամ Սելինա Տողան օրերս խորհրդարանին մէջ ելոյթ ունենալով, խօսած է Սուրիոյ պատերազմին հետեւանքով Թուրքիա հաստատուած ոչ-իսլամ աշակերտներուն մասին: Այս մասին «Հայ Ձայն» տեղեկութիւն ստացաւ Սելինա Տողանի գրասենեակէն:

Աղբիւրը նաեւ նշեց, որ Տողան իր խօսքին մէջ շեշտը դրած է այն մասին, որ այն աշակերտները որոնք իսլամ չեն, կը յաճախեն տեղի կառավարական վարժարանները եւ տարբեր խնդիրներու դէմ հանդիման կը գտնուին: Ան նաեւ այս առումով նպատակայարմար տեսած է, որ Պոլսոյ հայ վարժարանները օրէնքի որոշ փոփոխութիւններու հիմամբ, կարողանան յետայսու ընդունիլ նաեւ այս սուրիացի հայ աշակերտները, որոնք պատերազմի հետեւանքով ապաստանած են Թուրքիա:

Մեր ընթերցողներուն յիշեցնենք, որ առաջին անգամը չէ, որ հայ երեսփոխանուհին նման թեմաներով հանդէս կու գայ: Ան աւելի վաղ այցելած էր Թուրքիոյ այն նահանգները, ուր Իրաքի եւ Սուրիոյ պատերազմներու հետեւանքով տասնեակ հայորդիներ հաստատուած էին եւ պետութեան կողմէ ալ ընդունուած որպէս գաղթականներ:

Տողան, որ կը պատկանի Թուրքիոյ ընդդիմադիր «Ժողովրդահանրապետական» կուսակցութեան, իր կուսակիցներուն կոչ ուղղած էր տարբեր առիթներով, օգնելու Թուրքիա հաստատուած հայ գաղթականներուն, որմէ ետք ալ այդ առումով տեղի ունեցած էին շօշափելի օժանդակութիւններ:

Լրահոս
Ամենաընթերցված

Նմանատիպ նորություններ