Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Սոչիի ժողովը Մոսկուայի յաղթանակի ամրագրումն է.Նոյն կարծիքին են ամերիկացիները

am
Soch`ii zhoghove Moskowayi yaght`anaki amragrowmn e.Noyn kartsik`in en amerikats`inere_31906

Սուրիոյ շուրջ ծաւալուող քննարկումները արագ թափ կը ստանան: Այս օրերուն սուրիական խնդրին հետեւող վերլուծաբաններուն «ուշքն ու միտք»ը կեդրոնացած են Սոչիի վրայ, ուր տեղի պիտի ունենայ երկար ժամանակէ սպասուած «եռակողմ հանդիպում» մը հովանաւորութեամբ Ռուսաստանի նախագահ Վլատիմիր Փութինին եւ ներկայութեամբ Թուրքիոյ եւ Իրանի նախագահներ ՝ Ռէճէփ Թայէպ Էրտողանին եւ Հասան Ռուհանիին: Այս ժողովին զուգահեռ երէկ Փութին Սոչիի իր նստավայրէն ներս հիւրընկալեց Սուրիոյ նախագահ Պաշշար Ասատը, որուն հետ ալ քննարկեց գետնի վրայ տիրող իրադրութիւնը ու ամէնակարեւորը սուրիական հարցը քաղաքական հարթակ տանելու անհրաժեշտութիւնը:

Սոչիի ժողովէն անդին Ռիատի մէջ եւս կարեւոր խմորումներ կը կատարուին,ուր Սէուտական «հովանոց»ին տակ մտած Սուրիոյ «չափաւորական» համարուած ընդդիմադիր ուժեր ժողով գումարելով կը պատրաստուին Ժընեւի մէջ կայացուելիք միջ- սուրիական համաժողովի մը:

Ռիատի մէջ կայացուելիք ժողովը նոյնպէս ուշագրաւ է, որովհետեւ մինչեւ երէկ Ասատի իշխանութենէն հեռացուելու խնդիրը առաջնային համարած Ռիատի ղեկավարներ այդ պահանջին վրայ «գիծ մը քաշելով» կը փորձեն նոր տինամիզմ հաղորդել գալիք քաղաքական քննարկումներուն:

Այս առումով ալ պէտք է կարեւոր նախանշան համարել Սուրիոյ նախկին վարչապետ եւ ընդդիմադիր պարագլուխ Ռիատ Հըժապի ընդդիմադիրներու համակարգող մարմնէն հրաժարելու երեւոյթը, որուն մասին երէկ Երեւանի մէջ կարեւոր ակնարկութիւն մը կատարեց Ռուսաստանի արտաքին գործոց նախարար Սէրկէյ Լավրովը:

Լավրով, որ սուրիական խնդրին մասին կը խօսէր բաւական ինքնավստահ դիրքերէ կը շեշտէր, որ իրենք Սուրիոյ մէջ կարեւոր համագործակցութեան մէջ են ամերիկացիներուն հետ:

Վերադառնալով արեւմուտք յստակ է նաեւ, որ Սպիտակ Տան համար շատ կարեւոր է, որ Սուրիոյ մէջ գրանցոգած յաղթանակը չվերագրուի իրանցիներուն այլ ամբողջութեամբ «մենաշնորհ»ը դառնայ Մոսկուային, այդպէսով հաւատալով, որ կարելի է ինչ որ կերպ ռուսներուն հետ լեզու գտնել:

Ամէն պարագայի Սոչիի մէջ ընթացք առնող գագաթաժողովը նախընթաց մը ըլլալէ աւելի պիտի բանայ քաղաքական լուծումներու իրական ճամբան, որուն ամէնէն կարեւոր դերաբաշխում կատարողը պատերազմէն յաղթական դուրս եկած Փութինի Մոսկուան է:

 

 

 

Սագօ Արեան «Հայ Ձայն»ի աւագ յօդուածագիր

Լրահոս
Ամենաընթերցվածը

Նմանատիպ նորություններ