Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Թբիլիսին եւ աշխարհի մյուս մայրաքաղաքները պետք է եզրահանգում անեն, որ ցանկացած ագրեսիա պատժելի է. ՌԴ ԱԳՆ

am
T`bilisin ew ashkharhi myows mayrak`aghak`nere petk` e ezrahangowm anen, or ts`ankats`ats agresia patzheli e. RhD AGN_85403

Թբիլիսին եւ աշխարհի մյուս մայրաքաղաքները 2008 թվականի օգոստոսի իրադարձությունների օրինակի վրա պետք է ագրեսիայի համար պատժի անխուսափելիության մասին եզրահանգումներ անեն։

Այս մասին երեքշաբթի հայտարարել է ՌԴ պետական քարտուղար, Ռուսաստանի ԱԳ փոխնախարար Գրիգորի Կարասինը՝ հայտնում է news.am-ը։

Նրա խոսքով՝ այսօր Վրաստանը պետք է զղջա իր որոշման համար. «Այն ժամանակ Միխայիլ Սաակաշվիլին վաբանկ գնաց, եւ ինչպես միշտ լինում է ազարտային եւ ոչ այդքան պատասխանատու ղեկավարների դեպքում, տանուլ տվեց։ Գնալով Հարավային Օսիայի դեմ արյունոտ ագրեսիայի՝ արդյունքում նա բացարձակապես նոր իրականություն ստացավ՝ այն է՝ երկու երիտասարդ պետությունների գոյություն, որոնց մենք ճանաչել ենք 2008 թվականի օգոստոսի 26-ին։ Դրանք ենք՝ Աբխազիայի Հանրապետությունն ու Հարավային Օսիան, որոնց հետ մենք զարգացնում ենք դաշնակցային հարաբերություններ եւ կշարունակենք դա անել»,–պարզաբանել է փոխնախարարը։  

«2008 թվականի իրադարձությունը, անկասկած, միջազգային մասշտաբի  իրադարձություն էր, որը ցույց տվեց, որ ցանկացած ագրեսիա պատժելի է, իսկ ցանկացած ագրեսիվ գործողության արդյունքները հակասում են այն նպատակներին, որոնք ագրեսորը մտադրվել էր»,–նշել է նա։

«Այս երկու անդրկովկասյան պետությունների միջազգային ճանաչումն ընդլայնվում է, իսկ հանրապետությունները աշխատում են իրենց կյանքը կարգավորելու ուղղությամբ»,–հավելել է դիվանագետը։

ՌԴ ԱԳ փոխնախարարը բարձր է գնահատել Անդրկովկասում անվտանգության եւ կայունության ժնեւյան քննարկումները, որին մասնակցում են Ռուսաստանը, Աբխազիան, Հարավային Օսիան, Վրաստանը եւ Միացյալ Նահանգները:

 

 

Լրահոս
Ամենաընթերցվածը

Նմանատիպ նորություններ