Սա պատմելու բան չէ, Սա զգալո՜ւ բան է: Դրա համար պիտի, Տեսնել Երևա՜նը…

Պարույր Սևակ

Թուրքիա-Ռուսաստան յարաբերութիւնները զգալիօրէն կը զարգանան

am
T`owrk`ia-Rhowsastan yaraberowt`iwnnere zgalioren ke zarganan_35766

ՊՈԼԻՍ, «Մարմարա».- Մինչ Միացեալ Նահանգներու հետ Թուր­քիոյ յարաբերութիւնները ամէն օր նոր տագնապներ կ՛ապրին, Ռուսաստանի հետ կապերը օրէ-օր կը բարելաւուին։ Այս իրողութեան մէկ ցոլացումը հանդիսացաւ Ռուսաստա­նի նախագահ Վլատիմիր Փութինի Դեկտեմբեր 11-ի Անգարա այցելու­ թիւնը։

Այս մէկը ութերորդ հանդի­պումն էր, որ կ՛իրականանար այս տարի Էրտողանի ու Փութինի միջեւ։ Էրտողան ըսաւ, որ Թուրքիոյ եւ Ռուսաստանի միջեւ յարաբերու­ թիւնները ամէն օր աւելի կը զար­ գանան։Այս անգամ ալ մեզ յու­զող խնդիրները քննարկեցինք ու հասարակաց տեսանկիւններ ստեղ­ծել ջանացինք”, ըսաւ Էրտողան։

Անդրադառնալով Երուսաղէմի կար­գավիճակին մասին ստեղծուած նոր փոթորիկին՝ ան ըսաւ, որ ամե­րիկեան որոշումը մեծ յուսախաբու­թիւն ստեղծած է, միաժամանակ քննադատելով Իսրայէլի կողմէ ցուցաբերուած անհամաչափ հակադարձութիւնը, որուն հետեւանքով ցարդ չորս պաղեստինցի սպաննուած է եւ հարիւրաւորներ վիրաւորուած են։

 Փութին, որ Սուրիա այցելելէ ետք Անգարա հասած էր, իր կարգին քննադատեց Երուսաղէմի մասին ամերիկեան որոշումը՝ զայն «ապակայունացնող» որակելով, եւ դիտել տուաւ, որ Պաղեստինի կարգա­վիճակը իր վերջնական ձեւը կրնայ առնել միա՛յն Իսրայէլի ու Պաղեստինի միջեւ համաձայնութեամբ։

Նշենք նաեւ որ Թուրքիոյ մէջ կատարուած հարցախոյզի մը ար­դիւնքներուն համաձայն՝ Թուրքերը իրենց կարեւորագոյն դաշնակիցը կը նկատեն Ռուսաստանը, թրքա­լեզու միւս երկիրներուն հետ:

 

 

Աղբիւրը՝ Նոր Յառաջ

Լրահոս
Ամենաընթերցվածը

Նմանատիպ նորություններ