Մեր ճակատի գիրը մենք պիտի գրենք

Ժամանակն է` գրենք մեր ճակատի գիրը, որ ուրիշները չգրեն, որովհետև ինչ էլ որ գրել են ուրիշները մինչև հիմա, ի վնաս մեզ է եղել

ՍՈՍ ՍԱՐԳՍՅԱՆ

Վաղը ճակատագրական օր Փարիզի հայութեան համար. Պիտի կայացուի Դատ Տէմիրեանի եւ Դրօ (Միքայէլ) Մոմճեանի դատավարութիւնը

am
Vaghe chakatagrakan or P`arizi hayowt`ean hamar. Piti kayats`owi Dat Temireani ew Dro (Mik`ayel) Momcheani datavarowt`iwne_26245

Վաղը Փարիզի դատական ատեան պիտի ներկայանան երկու հայորդիներ, որոնք 2015 թուականին նռան հիւթ թափած էին Ֆրանսայի մօտ Թուրքիոյ դեսպանին վրայ: Այս մասին «Հայ Ձայն» տեղեկութիւն ստացաւ երկու երիտասարդներու դատական հարցերով զբաղուող «Շարժում» միաւորման մօտիկ եղող աղբիւրէ մը:

Մեր աղբիւրը նաեւ յայտնեց, որ վաղուան դատավարութիւնը շատ կարեւոր է իրենց համար, եւ դատի ընթացքին հայ երիտասարդները պատմական շեշտադրումներ կատարելով պիտի խօսին իրենց արարքին դրդապատճառներուն մասին: Մեր աղբիւրին փոխանցմամբ հայ երիտասարդներու դատական պաշտպանութիւնը պիտի կատարէր ֆրանսացի անուանի փաստաբան Մարթին Փրատէլ:

Յիշեցնենք, որ երկու երիտասարդները մարտ 2015 -ին հրապարակային միջոցառման մը ընթացքին մօտեցած էին Ֆրանսայի մօտ Թուրքիոյ դեսպան Հաքքը Աքիլին եւ Թուրքիոյ իշխանութիւններու որդեգրած ուրացման քաղաքականութեան դէմ, որպէս բողոքի արտայայտութիւն դեսպանին վրայ նռան հիւթ թափած էին:

Երիտասարդները ձերբակալուած էին եւ հարցաքննուելէ ետք ազատ արձակուած: «Շարժում» միաւորման մօտիկ աղբիւրին համաձայն սոյն դատը լաւագոյն առիթ պիտի հանդիսանայ հայութեան խնդիրները դարձեալ հրապարակ հանելու եւ հանրայնացնելու հայոց ցեղասպանութեան ժխտման քրէականացման պահանջը:

Կը սպասուի, որ վաղուան դատական նիստի աւարտին դատարանը վերջնական վճիռ մը կայացնէ երկու հայ երիտասարդներուն դէմ յարուցուած գործին վերաբերեալ:

Լրահոս
Ամենաընթերցվածը

Նմանատիպ նորություններ