• USD 480.62
  • GBP 625.72
  • EUR 560.16
  • RUB 7.58
  • GEL 196.33
Հուլիս 21, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Լրահոս, Մեր ձայնը
11.04.2017 | 06:24

ՌԱԿ Գերագույն խորհրդի և Կենտրոնական վարչության միացյալ հայտարարությունը ՀՀ խորհրդարանական ընտրությունների առթիվ

Անմիջականորեն հետեւելով ապրիլ 2-ին կայացած ՀՀ խորհրդարանական ընտրությունների ընթացքին¸ ինչպէս նաեւ նրանց նախորդած եւ հաջորդող իրադարձություններին¸
ուսումնասիրելով միջազգային¸ տարածաշրջանային¸ սփյուռքյան ու տեղական դիտորդական առաքելությունների եզրակացությունները¸ քվեարկություններին մասնակից ՌԱԿ անդամների զեկուցումները¸ ինչպես նաեւ հայկական ու միջազգային մամուլի հրապարակումները¸
միաժամանակ նկատի ունենալով տարածաշրջանում եւ Հայաստանի անմիջական սահմանների վրա տիրող ռազմաքաղաքական փխրուն ու վտանգավոր իրավիճակի պարտադրանքները¸ որոնք ընդգծում են առաջնահերթ կարեւորությունը ներքաղաքական կայունության եւ պետության անվտանգությունը դարձնում են վեր ամեն տեսակի նկատառումներից¸
նաեւ՝ հուսալից ակնկալությամբ արձանագրելով քարոզարշավի ընթացքում իշխող կուսակցության ներկայացուցիչների տված խոստումները¸
Ռամկավար Ազատական Կուսակցությունը տեղի ունեցած ընտրությունները ժողովրդավարական սկզբունքների տեսակետից գնահատում է ոչ ամբողջովին համապատասխան միջազգայնորեն ընդունված չափանիշներին։ Հակառակ բուն քվեարկության ընթացքում կիրարկված տեխնիկական  նորամուծությունների գոհացուցիչ արդյունքներին¸ քարոզարշավի ընթացքում մրցակից կողմերի եւ առհասարակ մամուլին  թույլատրված ազատության¸ ինչպես նաեւ քվեարկության օրը բռնության եւ խարդախության դեպքերի համեմատաբար սակավաթիվ լինելու փաստին¸ դժբախտաբար հնարավոր չեղավ ձերբազատվել տարբեր մակարդակների վրա բաշխված ընտրակաշառքի¸ պետական ծառայողների¸ կրթական համակարգի պատասխանատուների¸ բանակի¸ ներքին ապահովության ուժերի եւ վերջապես՝ պետական վարչամեքենայի զանգվածային օգտագործման հոռի սովորություններից¸ որ մեծապես կանխորոշեց ընտրությունների արդյունքը՝ ապագա խորհրդարանը ձեւավորելով այնպես՝ ինչպես նախագծված էր։
Ավելին՝ ընտրությունների նախածրագրումի ընթացքում¸ ելնելով ինչ-ինչ հաշիվներից¸ կորավ Սփյուռքի քաղաքական ամբողջ ներուժը Մայր հայրենիքի քաղաքական կյանքին միջնորդավորված ձեւով մասնակիցը դարձնելու առիթը՝ նախընտրելով ընդամենը մեկ ուժ։
Համենայնդեպս¸ ելնելով իր հայաստանակենտրոն եւ հայրենանպատակ սկզբունքից¸ գոհունակությամբ արձանագրելով ետընտրական խաղաղ գոյակեցության իրողությունը¸ Ռամկավար Ազատական Կուսակցությունը շարունակում է իր անպայմանադիր նպաստը ընծայել Հայաստանի Հանրապետության եւ Արցախի Հանրապետության բարօրությանը¸ հայրենիքի խաղաղ եւ ապահով զարգացմանը¸ եւ հաջողություն մաղթելով նորընտիր խորհրդարանին՝ խոստանանում է ուշի-ուշով հետեւել տրված խոստումների իրագործմանը։

11 Ապրիլ 2017
ՌԱԿ Կենտրոնական վարչություն ՌԱԿ Գերագույն խորհուրդ
Երեւան, Հայաստան Բոստոն, ՄիացյալՆահանգներ



    Լրահոս
    Հայ եկեղեցի, ՌԱԿ
    Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
    Օրացույց
    Ամենաընթերցված
    Եկեղեցական օրացույց
    /