• USD 480.6
  • GBP 624.64
  • EUR 557.74
  • RUB 7.57
  • GEL 196.32
Հուլիս 20, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Հայաշխարհի ձայն, Լրահոս, Հայաստան
25.09.2017 | 15:17

ՌԱԿ պատմության հետքերով. Հայաստանի Ապահովության խորհուրդ (Մաս Ե)

Հայաստանի Ապահովության խորհուրդը ստեղծվել է 1917 թվականի մայիսին՝ Անդրանիկի նախաձեռնությամբ, Արեւմտահայերի Առաջին Համագումարի ընթացքում: Նախագահ է ընտրվել Վահան Փափազյանը՝ Կոմս մականունով: Մայիսի 21-ին խորհուրդը տեղափոխվել է Թիֆլիս: Հայաստանի Ապահովության խորհրդի ստեղծման սկզբնական շրջանում նրա նպատակը եղել է արեւմտահայ փախստականներին տրվող նպաստի բաշխումը, նրանց կյանքի եւ ապահովության երաշխիքների ստեղծումը:

Սակայն խորհուրդը հիմնականում զբաղվում էր Արեւմտյան Հայաստանի ազատագրման, հայրենիքի վերաշինման, գաղթականության վերադարձի կազմակերպման եւ այլ խնդիրներով: Այս մարմինը փաստորեն ինքն իրեն հռչակել էր Հայաստանի կառավարություն: Համագործակցելով Հայոց Ազգային Խորհրդի հետ՝ ղեկավարել է պատմական այդ ժամանակաշրջանում տեղի ունեցած հասարակական ու քաղաքական իրադարձությունները, նաեւ վերահսկել է ռազմական իրավիճակն արեւմտահայերի կյանքում:

Հայաստանի Ապահովության խորհուրդը նաեւ մասնաճյուղեր է ունեցել, որոնք գործել են Հայաստանի տարբեր քաղաքներում: Հայաստանի ազատագրման նպատակով այն ստեղծել էր Հայաստանի երկրապահ զորաբաժինը՝ Անդրանիկի գլխավորությամբ, որ կռվել է Կովկասի կորպուսի կազմում՝ ռուսական զորքի՝ կովկասյան ճակատից հեռանալուց հետո:

Հայաստանի Ապահովության խորհուրդը հրաժարվել է մասնակցել 1917-1918-ի բանակցություններին, որոնց արդյունքում կնքվել էր Բաթումի հաշտության պայմանագիրը: Խորհուրդը համագործակցել է եւ իր ծավալած գործունեությունը միաձայն ու համախորհուրդ է եղել Փարիզի Ազգային Պատվիրակության հետ:

 

 

Աղբյուր՝  Հակոբ Վարդիվառյանի աշխատություններ



    Լրահոս
    Մեկնարկել է վարչապետ Փաշինյանի մամլո ասուլիսը. Ուղիղ
    Օրացույց
    Ամենաընթերցված
    Եկեղեցական օրացույց
    /