• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս, Միջին Արևելք
06.10.2017 | 15:45

Պոլսոյ Պատրիարքական Աթոռ. Ինչպէ՞ս ընդունիլ Տ. Նարեկ Սրբազանին թեկնածուութիւնը

Պոլսոյ պատրիարքարանին կողմէ հրապարակուած լուրով մը անցեալ շաբաթ պարզ կը դառնային այն անունները, որոնք իրաւունք ունին մասնակցելու յառաջիկային կայանալիք պատրիարքական ընտրութեանց:

Պատրիարքութեան թղթածրարի , կամ այլ կերպ ասած «տագնապ»ի ծալքերուն հետեւողներուն համար ամէնէն ուշագրաւ նորութիւնը Տ. Նարեկ եպս. Պէրպէրեանի անուան երեւումն էր: Սրբազանը, որ ներկայիս կը վարէ Պրազիլիոյ թեմի առաջնորդի պաշտօն, ունէր բոլոր այն հիմնական համարուած յատկութիւնները, որոնց պէտքն ունի պատրիարքական ընտրութեան մասնակցիլ ուզող թեկնածու հոգեւորական մը:

 

Սրբազանի անուան երեւումին մասին արձագանքները շատ չեղան: Նախ անոր համար, որ Տ. Նարեկ Սրբազանը ցարդ ալ պաշտօնապէս չէ պատասխանած այդ նամակին, երկրորդ այն պատճառով, որ Պոլսոյ պատրիարքութեան ընտրութեան առընթեր շրջանառութեան մէջ եղող «հիմնական» անունները արդէն յայտնի էին բոլորին: Այս տուեալներէն բացի ու անկախ հրապարակին վրայ եղող ընդհանուր մօտեցումներէն յստակ է նաեւ, որ Տ. Նարեկ Սրբազանի առաջադրութիւնը բաւարար ուժը ունի ընտրական կշիռքի մէջ նոր մօտեցումներ առաջ քաշելու:

Այսինքն Տ. Նարեկ սրբազան, որ բաւական երիտասարդ եւ նոր անուն է ընտրական այս փուլին ընտրական գետին կը մտնէ, որպէս բոլորին հետ լեզու գտնել կարողացող, հաւասակշռուած, «հին հաշիւներ» չունեցող, ու մանաւանդ երիտասարդ հոգեւորական մը:

 

Շեշտը պիտի դնել սրբազան հօր առկայ թեկնածուներուն մէջ ամէնէն երիտասարդը ըլլաու հանգամանքին վրայ, որուն որպէս 85-րդ պատրիարք ընտրուիլը պոլսահայ համայնքին համար կրնայ հանդիսանալ երիտասարդացման կարեւոր օղակ եւ հնարաւորութիւն:

Շատեր կ'առարակեն, որ պոլսահայոց համայնքը «ծեր» է ու քիչ չէ թիւը այն մարդոց, որոնք այդ համայնքի ներուժին մէջ չեն տեսներ այն երիտասարդութիւնը, որ այսօր ինչ-ինչ պատճառներով այլացած ու հեռացած է հայ եկեղեցիէն:

 

Անցնող ամրան Գընալը կղզիի Սուրբ Աստուածածին եկեղեցւոյ խորանէն խորիմաստ քարոզ մը տալով Պոլսոյ Պատրիարքութեան կրօնական ժողովի ատենապետ Տ. Սահակ եպս. Մաշալեան ի շարս այլ հարցերու խօսեցաւ նաեւ այն խորունկ խնդրին մասին, որ կը վերաբերէն համայնքի զաւակներուն հայ եկեղեցիէն «օտարուելու» կամ հեռանալու մասին:

Սրբազան հայրը մատնացոյց ըրաւ երեւոյթը ու նաեւ նշեց, որ այդ օտարման մէջ կարեւոր «դեր» ունեցած են եկղեցին ու կղերականները:

Ու այսօր աւելի քան յստակ է, որ պատրիարքարանին մէջ առկայ լարուածութիւններուն հետեւանքով է նաեւ, որ պոլսահայ համայնքի կարեւբր մէկ տոկոսը արդէն իսկ հեռու է եկեղեցիէն: Այս բոլորը նկատի առնելով է նաեւ, որ դրական պարտինք համարել Տ. Նարեկ Սրբազանի թեկնածուութիւնը, որովհետեւ այսպիսի լարուած մթնոլորտի մը մէջ, որեւէ այլ թեկնածուի մը յաղթելը եւ դիմացի կողմին պարտութիւնը պիտի շարունակէ ծանր հետեւանքներ ունենալ համայնքի ընդհանուր, արդէն իսկ ոչ այդքան հանգիստ վիճակին վրայ:

Ուրեմն մէկդի դնելով, անցեալ տարիներուն ու ամիսներուն ընթացքին Պոլսոյ մէջ եղած դէպքերն ու սրացումները, այսօր հայութեան եւ հայ եկեղեցիին համար կարեւոր եւ դրական առիթ պէտք է սեպել Տ. Նարեկ սրբազանի թեկնաղծուութիւնը:

 

 

Անշուշտ, եթէ երիտասարդ եւ կարող սրբազանը ընդունի իրեն առաջ երեւցած դրական իմաստի մարտահրաւէրը եւ հաստատուն քայլերով, որպէս որպէս հաստատակամ եւ լիիրաւ թեկնածու ներկայանայ Պոլսոյ դարաւոր Աթոռին համար:

 

 

Սագօ Արեան



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ