• USD 480.62
  • GBP 625.72
  • EUR 560.16
  • RUB 7.58
  • GEL 196.33
Հուլիս 20, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Հայաշխարհի ձայն, Լրահոս, Հայաստան
13.10.2017 | 11:29

ՀԱԷԿ-ի մասին ադրբեջանական «մտավախությունները» քաղաքական են

«Ըստ միջազգային եզրակացությունների՝ երկրորդ էներգաբլոկը գործում է լիովին անվտանգ, իսկ մյուս էներգաբլոկի կարողություններն օգտագործվելու են երկրորդի ռիսկայնության նվազման համար»,-այսօր խորհրդարանում ընթացող «Աղետների ռիսկերի կառավարման բնագավառում ազգային կարողությունների զարգացումը» թեմայով խորհրդարանական լսումներիժամանակ Հայաստանի ատոմակայանի անվտանգության մասին ասաց ՀՀ արտակարգ իրավիճակների նախարար Դավիթ Տոնոյանը:  «Ծառուկյան» խմբակցության պատգամավոր Վարդան Բոստանջյանը ի նախարարից հետաքրքրվել էր Ատոմակայանի հետագա աշխատանքի անվտանգության մասին, քանի որ Եվրանեսթի վեհաժողովին էներգետիկ անվտանգության մասին զեկույցում ադրբեջանական պատվիրակության կողմից մեղադրանքներ են ներկայացնում, որ Մեծամորի ատոմակայանը տարածաշրջանի համար ներկայացնում է մեծ վտանգ, այդ պատճառով առաջարկվում է համապատասխան քայլերի իրականացում: Նկատենք, որ այդ մասին տարիներ շարունակ «ահազանգում» է նաեւ Թուրքիան:

Ադրբեջանական կողմի նման գնահատականն անսպասելի չէն, մինչդեռ ոչ մի վտանգ չկա`հավաստիացնում է Դավիթ Տոնայանը. «Որպես ԱԻ նախարար՝ վստահեցնում եմ, որ մենք անհանգստանալու խնդիր չունենք, իսկ ադրբեջանական բոլոր գնահատականները, իհարկե, տեղեկատվական առումով պիտի լինեն ի վնաս մեզ: Մեր հարևանների բոլոր գնահատականները ես կգնահատեի որպես «խանդ», չունենք խնդրահարույց մտահոգություն»:

 

Էկոլոգ Կարինե Դանիելյանն էլ հավելեց` իհարկե կառուցելիս նման խնդիրներ կան.

 

«Բայց նույն Թուրքիան մեր կողքը կառուցում է՝ դարձյալ վտանգավոր տեղերում, և Ադրբեջանը ձայն չի հանում, այնպես որ հարցը քաղաքական է: Չնայած սկզբունքորեն ես չեմ ընդունում ատոմային էներգետիկան, բայց ես եմ ղեկավարել պատվիրակությունը, որ գնացել Է ՄԱԳԱՏԵԷ և խնդրել է ՄԱԳԱՏԵԷ-ին գալ, օգնել վերաբացել ատոմակայանը, որովհետև Հայաստանն առանց ատոմակայանի ուղղակի ահավոր էր: Այնպես որ ուրիշ ելք չունենք, բայց որ զգույշ պետք է լինենք, դա ակնհայտ է»:


    Լրահոս
    Հայ եկեղեցի, ՌԱԿ
    Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
    Օրացույց
    Ամենաընթերցված
    Եկեղեցական օրացույց
    /