• USD 486.78
  • GBP 644.89
  • EUR 574.01
  • RUB 8.17
  • GEL 178.88
Նոյեմբեր 20, 2017
Հայաշխարհի ձայն, Լրահոս, Ամերիկա
25.10.2017 | 17:49

Մեծ շուքով պիտի նշուի The Armenian Mirror-Spectator-ի հիմնադրութեան 85- ամեակը

Օրերս մեծ շուքով պիտի նշուի Ռամկավար Ազատական Կուսակցութեան անգլիատառ օրկան The Armenian Mirror-Spectator հիմնադրութեան 85-րդ տարեդարձը:

 

Այս մասին «Հայ Ձայն» տեղեկութիւն ստացաւ պարբերականի խմբագիր Ալին Գրիգորեանէն: Գրիգորեան նաեւ նշեց, որ այս առթիւ պիտի կայացուի լրագրողներու յատուկ սեմինար-խորհրդաժողով մը, որուն հրաւիրուած են եւ ելոյթներով հանդէս պիտի գան միջազգային վարկ ունեցող տասնեակ անուանի լրագրողներ եւ խմբագիրներ:

 

Ան նշեց, որ սեմինար- խորհրդաժողովի գլխաւոր թեման յատկացուած պիտի ըլլայ լրատուական դաշտին մէջ առկայ խնդիրներուն եւ Fake propaganda երեւոյթին:

Ան այս առումով յայտնեց, որ հայութեան համար եւս Fake propaganda -ի հարցը կարեւորագոյն օրակարգ պէտք է դառնայ տրուած ըլլալով, որ Հայաստանի եւ հայ ժողովուրդի թշնամիները յաճախ լրատուական այս տիպի «զէնք»երով կը փորձեն խեղադիւրել ճշմարտութիւնները եւ այդպիսով հարուած հասցընել հայ ժողովուրդին:

 

Խորհրդաժողովի ընդհանուր օրակարգին մաս պիտի կազմէ Հայաստանի եւ Արցախի, ինչպէս նաեւ Միջին Արւելքի հայութեան եւ փոքրամասնութիւններուն դիմագրաւած հիմնահարցերը:

 

Նշենք, որ 85-ամեայ The Armenian Mirror-Spectator կը համարուի Միացեալ Նահանգներու անգլիատառ ամէնէն երկարակեաց պարբերականը, որուն խմբագիր Ալին Գրիգորեան, այս պաշտօնը կը վարէ 20 տարիէի ի վեր:

 

 

Սագօ Արեան



    Լրահոս
    Օրացույց
    Ամենաընթերցված
    30/09/2017 03:07event_type_4
    asas