• USD 483.66
  • GBP 640.22
  • EUR 567.24
  • RUB 8.15
  • GEL 178.31
Նոյեմբեր 22, 2017
Գլխավոր լուր, Հայաշխարհի ձայն, Հոդվածներ, Լրահոս, Հարցազրույց, Եվրոպա, Հայաստան
26.10.2017 | 14:02

Հայաստան-ԵՄ համաձայնագրի ստորագրումը նախադեպ կդառնա ՌԴ-ի եւ ԵՄ-ի միջեւ փոխգործակցության նոր ձեւաչափի համար. Վերլուծաբան

«Հայաստան-ԵՄ համակողմանի եւ ընդլայնված գործընկերության մասին համաձայնագրի ապագան շատ առումներով կախված է  եվրոպական կողմի դիրքորոշումից: Եթե ​​Եվրոպան    դասեր է քաղել Ուկրաինայի օրինակից, ապա Հայաստանի դեպքում սա նախադեպ կլինի,  երբ Եվրամիությունը եւ Ռուսաստանը փորձում են փոխգործակցության որոշ ձեւաչափեր գտնել ` առանց գործընկերներին ընտրության առաջ կանգնեցնելու: Հուսով եմ, որ Եվրոպան «սխալները սրբագրել է» եւ կփորձի խուսափել իր գործընկերների համար խնդիրներ ստեղծելուց », -«Հայ ձայնի» հետ զրույցում ասաց  քաղաքական վերլուծաբան Հայկ Խալաթյանը:

 

Առաջիկայում Հայաստան-ԵՄ նոր շրջանակային համաձայնագրի ստորագրման  վերաբերյալ մեր զրուցակիցը նշեց, որ այս հարցն այժմ ավելի շատ կախված է եվրոպական կողմից:

 

«Հայկական կողմը միշտ պահպանեում է իր հստակ գիծը, նա  հստակորեն  հայտարարել է ԵԱՏՄ-ին, ՀԱՊԿ-ին իր մասնակցության մասին, եւ մենք կասկածի տակ չենք դնում մեր հարաբերությունները Ռուսաստանի հետ: Միեւնույն ժամանակ Հայաստանը միշտ կողմնակից է եղել այլ երկրների եւ կառույցների հետ հարաբերությունների զարգացմանը, մասնավորապես, Եվրամիության հետ, որը Հայաստանի կարեւորագույն տնտեսական գործընկերներից է », - ասաց Խալաթյանը:

 

Ըստ նրա՝ մենք նաեւ պետք է հասկանանք, որ ներկայիս համաձայնագիրը մեծապես հիմնված է Ասոցացման համաձայնագրից, որի քաղաքական մասը  հայկական կողմը պատրաստ էր ստորագրել 2013թ.-ի աշնանը:

 

«Սակայն, որքան հիշում ենք, Եվրահանձնաժողովը նշեց, որ դա անհնար է առանց տնտեսական մասի: Ինչպես տեսանք, պարզվեց, որ հնարավոր է: Այդ պատճառով  հայկական կողմը այս տարիների ընթացքում հստակ հետեւել է իր քաղաքականությունը, եւ մեր երկրի ղեկավարությունը միշտ ընդգծել է, որ մենք կողմ ենք «եւ .. եւ ..»-ի բանաձեւին:  Մենք ցանկանում ենք համագործակցել եւ լինել բարեկամ ե՛ւ Ռուսաստանի, ե՛ւ Եվրամիության հետ: Մենք դեմ ենք, որ մեզ  «կամ ... կամ ...» -ի ընտրության առաջ կանգնեցնեն»,- նշեց Խալաթյանը `հավելելով, որ Հայաստանի   ղեկավարությունը մի քանի անգամ շեշտել է, որ նոր համաձայնագիրը չի խախտում եւ չի խանգարում Հայաստանի՝ ԵԱՏՄ-ի շրջանակներում ունեցած  պարտավորություններին:

 

 

Ինչ վերաբերում է Եվրամիության հետ համաձայնագրի շրջանակներում  ատոմակայանի փակման շուրջ առաջացած աղմուկին, ըստ փորձագետի, վաղ թե ուշ ատոմակայանը պետք է փակվի, քանի որ նրա գործունեության ժամկետները մշտական ​​չեն: «Հասկանալի է, որ ատոմակայանը, ի վերջո, փակվելու է, սակայն հարց է առաջանում՝ արդյո՞ք  կհասցնեն կառուցել նոր ատոմակայան, նախքան կփակվի  հինը: Ցավոք, նոր ատոմակայան կառուցելու հարցում առաջընթաց չկա, ամեն անգամ մենք երկարացնում ենք գործող ատոմակայանի շահագործման ժամկետը: Ուստի, ես չեմ տեսնում որեւէ հանցանք ԵՄ հետ համաձայնագրի այս կետում: Կարեւորն այն է, որ Հայաստանը որեւէ սահմանափակում չունենա   նոր ատոմակայան կառուցելու հարցում, որպեսզի Եվրոպան մեզ համար այդ հարցում չառաջացնի խոչընդոտներ», - եզրափակեց Հայկ Խալաթյանը:

 

 

Հարցազրույցը՝ Գոհար Իսախանյանի



    Լրահոս
    ՌԱԿ
    Թէքէեան մշակութային միութեան համաշխարհային խորհուրդի կազմութիւն
    Օրացույց
    Ամենաընթերցված
    30/09/2017 03:07event_type_4
    asas