• USD 482.76
  • GBP 644.63
  • EUR 565.36
  • RUB 7.81
  • GEL 194.62
Մայիս 28, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Աշխարհի ձայն, Լրահոս
14.11.2017 | 16:30

ԵԱՏՄ-ի նոր Մաքսային օրենսգիրքը ուժի մեջ կմտնի 2018 թվականի հունվարի 1-ից

Եվրասիական տնտեսական միության Մաքսային օրենսգրքի մասին պայմանագրի վավերացումը կավարտվի մինչեւ ընթացիկ տարվա վերջը:

Փաստաթղթի շուտափույթ ստորագրմանն օժանդակելու իրենց պատրաստակամությունը մեկ անգամ եւս հավաստել են Միության երկրների նախագահները՝ իրենց ստորագրությունները դնելով այն համատեղ հայտարարության տակ, որը պատրաստվել Էր Եվրասիական բարձրագույն տնտեսական խորհրդի 2017 թվականի հոկտեմբերի 11-ի նիստի արդյունքում:

Ինչպես ասված Է Եվրասիական տնտեսական հանձնաժողովի մամուլի ծառայության տեղեկագրում, Բելառուսում եւ Ռուսաստանում Մաքսային օրենսգիրքն արդեն ընդունվել եւ հավանության Է արժանացել երկու երկրների իշխանության օրենսդրական մարմինների՝ Բելառուսի Ազգային ժողովի եւ Ռուսաստանի Դաշնային ժողովի ստորին եւ վերին պալատների կողմից:

Ղազախստանի խորհրդարանը՝ Մաժիլիսը, նույնպես վավերացրել Է փաստաթուղթը: Հայաստանում դրան հավանություն Է տրվել հանրապետության Սահմանադրական դատարանի կողմից, եւ այն վավերացման ընթացակարգ Է անցնում երկրի Ազգային ժողովում: Ղրղզստանում փաստաթուղթը քննարկվում Է հանրապետության Գերագույն խորհրդում՝ Ժոգորկու Կենեշում: ԵԱՏՄ-ի Մաքսային օրենսգիրքը փոխարինելու կգա Մաքսային միության՝ 2010 թվականի կեսից գործող Մաքսային օրենսգրքին:

Միության նոր Մաքսային օրենսդրությունը մշակված Է Էլեկտրոնային տեխնոլոգիաների զարգացման ժամանակակից մակարդակի հաշվառմամբ, այն բովանդակում Է ձեռնարկատերերի համար օգտակար բազմաթիվ նորույթներ: Նախատեսվում Է, որ այս հիմնարար փաստաթղթի շնորհիվ մաքսային տեխնոլոգիաները կթվայնացվեն:

Համատեղ հայտարարության մեջ նշվում Է, որ փաստաթղթի ուժի մեջ մտնելու ամսաթիվը՝ 2018 թվականի հունվարի 1-ը, չի հետաձգվելու, ուստի Միության երկրների քաղաքացիներին, տնտեսավարող սուբյեկտներին եւ պետական մարմիններին անհրաժեշտ Է նախապատրաստվել նոր պայմաններում աշխատանքին՝ վաղօրոք կողմնորոշվելով դեպի ԵԱՏՄ-ի նոր Մաքսային օրենսգիրքը:


    Լրահոս
    Մայիսյան 100-ամյակներ
    Սարդարապատում մեկնարկել են տոնական միջոցառումները (ուղիղ)
    Օրացույց
    Ամենաընթերցված
    Եկեղեցական օրացույց
    /