• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս, Մշակույթ, Մեր ձայնը, Խմբագրական, Ամերիկա, Եվրոպա
23.11.2017 | 17:19

Փառաշուք կերպով նշուեցաւ Թէքէեան Մշակութային միութեան 70-րդ տարեդարձը

Թէքէեանական օրեր եղան անցնող շաբաթավերջը Մեծագոյն Նիւ Եորքի հայութեան ու թէքէեանականցիներուն համար: Արդարեւ, աշխարհի զանազան շրջանակներէ մեկտեղուած ներկայացուցիչներ ունեցան իրենց անդրանիկ հաւաքը ԹՄՄի կեդրոնին մէջ ու հիմը դրին ԹՄՄ Համաշխարհային Խորհուրդին:

Նոյեմբեր 18ի երեկոյեան կազմակերպութեամբ Մեծագոյն Նիւ Եորքի մասնաճիւղին նշուեցաւ Թէքէեան Մշակութային Միութեան 70րդ տարեդարձը Փարամըսի, (Նիւ Ճըրզի) The Terrace at Biagioþs գեղատեսիլ սրահին մէջ, աւելի քան 250 հրաւիրեալներու, հովանաւորութեամբ` Արեւելեան Ամերիկայի Հայոց Առաջնորդ Խաժակ Արք. Պարսամեանի եւ նախագահութեամբ` ազգային մեծանուն բարերարներ Տէր եւ Տիկին Նազար Նազարեաններու: Հանդիսութեան ներկայ էին ՀՀ ՄԱԿի մօտ մշտական ներկայացուցիչ եւ դեսպան Տէր եւ Տիկին Զօհրապ Մնացականեաններ, ազգային զանազան կազմակերպութիւններու` Ռամկավար Ազատական Կուսակցութեան, Հայկական Բարեգործական Ընդհանուր Միութեան, Ամերիկայի Հայկական համագումարի (Արմինիըն Էսեմպլի), Ամերիկայի Հայ Աւետարանակչական Կազմակերպութեան, Հայաստան Համահայկական Հիմնադրամի, Հայ Օգնութեան Միութեան, Հայ Օգնութեան Ֆոնտի եւ այլ կազմակերպութիւններու ներկայացուցիչներ:

 

Օրուան հանդիսավարն էր ԹՄՄ վարչութեան անդամ փաստաբան Ճէրի Միսք: Բացման աղօթքը կատարեց Ֆիլատելֆիոյ Ս. Սահակ Ս. Մեսրոպ եկեղեցւոյ հովիւ Օշական Վրդ. Կիւլկիւլեան` շրջանաւարտ Պէյրութի Վահան Թէքէեան վարժարանի: Բարի գալուստի խօսքով հանդէս եկաւ մասնաճիւղի ժրաջան ատենապետուհին` ընկերուհի Հիլտա Յարութիւնեան որ շնորհակալական ու երախտագիտական իր խօսքը յայտնեց ներկաներուն եւ բարերարներուն: Սրտի խօսքով հանդէս եկաւ յատկապէս այս առթիւ ժամանած ԹՄՄի Լիբանանի Հիմնադիրներու Մարմնի ատենապետ ընկեր Յակոբ Գասարճեան, որ Միութեան անցեալը կապեց ներկայ մեր օրերուն դէմ յանդիման եղող հրամայականներուն: Խօսք առաւ նաեւ շրջանակին վարիչ տնօրէնը` Արամ Արքուն:

Իսկ արուեստագիտուհի Նորա Ազատեան, սրահին մէջ ներկայ եղող ազգայիններուն մէջ միա'կն է որ անձամբ ճանչցած է անմահանուն Վահան Թէքէեանը. ան արտասանեց Վահան Թէքէեանի «Հայու Հոգին», արժանանալով բոլորին գնահատանքին: Մեծարուեցան Տէր եւ Տիկին Նազար եւ Արտեմիս Նազարեանները ԹՄՄի իրենց սրտաբուխ նուիրատուութիւններուն համար: Անոնք կը մնան մնայուն բարեկամները Թէքէեանին քաջ հաւատալով անոր կատարած մեծ գործին: Յանձնուեցաւ յիաշատակի նուէր մը մեծանուն բարերար ամոլին: Օրուան գլխաւոր բանախօսն էր ԹՄՄ Միացեալ Նահանգներու եւ Գանատայի Կեդրոնական Վարչութեան ատենապետ ընկեր Երուանդ Ազատեան, որ ջերմօրէն գնահատեց մասնաճիւղին բեղուն գործունէութիւնը եւ տուաւ հակիրճ կերպով առաջադրանքներ այս մեծ Միութեան:

Հուսկ խօսք առաւ Առաջնորդ Խաժակ Արք. Պարսամեան, որ իր եկեղեցական բոլորանուէր կեանքի ծառայութեան ամբողջ շրջանին հաւատա'ց ԹՄՄի առաքելութեան եւ անհուն սիրով կապուեցաւ բանաստեղծներու իշխանին` Վահան Թէքէեանի հայրենասիրական ուղիին ու անոր գործին: Ան մի'շտ ջատագոված է Թէքէեանի տղոց աշխատանքը եւ գնահատած` անոնց ունեցած ազգային ոգին: Լոյս տեսաւ պահուելու արժանի եւ բովանդակալի գրքոյկ մը այս առթիւ, ներկայացնելով Միութեան 70 տարիներու պատկերազարդ պատմութիւնը:

Ճաշկերոյթ-պարահանդէսը խանդավառեց Էլի Պէրպէրեանն ու իր խումբը, յատկապէս եկած` Մոնթրէալէն: Պատի'ւ Մեծագոյն Նիւ Եորքի թէքէեանականներուն:

 

 

Պայքար շաբաթաթերթ, դրոշակակիր պաշտոնաթերթ Ռամկավար Ազատական կուսակցության



 

 

 

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ