• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս, Մեր ձայնը, Խմբագրական
23.11.2017 | 20:17

Հրաչ Գույումջյանի ելույթը Աթենքում ՌԱԿ 96-րդ տարեդարձին

Նոյեմբերի 12-ին Աթենքում տեղի ունեցավ ՌԱԿ  96-րդ ամյակին նվիրված արարողություն: Միջոցառմանը ներկա էին կուսակցության մի շարք ղեկավար անդամներ, կուսակցական ներկայացուցիչներ, համակիրներ:

 

Ձեռնարկի հիմնական խոսնակը Լոնդոնից   ՌԱԿ Գերագույն խորհուրդի գլխավոր քարտուղար դոկտոր Հրաչ Գույումջյանն էր:

Վերջինիս ելույթը ներկայացնում ենք ստորեւ.

 

Յարգելի Նախագահ, Ատենապետ եւ անդամներ ՌԱԿ Աթէնքի մասնաճիւղին Թեմական Խորհուրդի անդամներ ՀԲԸՄիութեան վարչական անդամներ Արարատ ՄՄՄիութեան անդամներ եւ Տիկնանց Յանձնախումբ Սոցիալ Դեմոկրատ Հնչակեան կուսակցութեան անդամներ Ռուս յունական միութեան անդամներ Էջմիածնասէր Տիկնանց Միութիւն Ներկայացուցիչներ Հայկական կազմակերպութիւններու Սիրելի ներկաներ, Ամէն բանէ առաջ կ՛ուզեմ փոխանցել ձեր բոլորին Գերագոյն Խորհուրդին բարեմաղթութիւնները այս տօնակատարութեան առիթով:

Այսօր ինչպէս նախորդ տարիներուն հաւաքուած ենք Աթէնքի այս շքեղ սրահին մէջ միասնաբար տօնելու Ռամկավար Ազատական Կուսակցութեան հիմնադրման 96-րդ տարեդարձը: Արդարեւ 1921 Հոկտեմբեր 1-ին,Պոլսոյ Մեծ կղզիին մէջ հաւաքուած էին ՌԱԿ-ի բաղկացուցիչ բոլոր կազմակերպութիւններու ներկայացուցիչները, միասնաբար հիմք դնելու մեր կուսակցութեան որուն ժառանգորդներն ենք մենք այսօր:

Այս հիմնադիր կուսակցութիւնները հետեւեալներն էին:

-Արմենական կազմակերպութիւն հիմնուած Վան 1885-ին

-Վերակազմեալ Հնչակեան կուսակցութիւն հիմնուած Գահիրէ 1898-ին

-Միացեալ Հայ Յեղափոխական Միութիւն, վերանուանուած իբրեւ Ազատական հիմնուած Գահիրէ 1908-ին

-Հայ Սահմանադրական Ռամկավար Կուսակցութիւն հիմնուած Գահիրէ 1908-ին

-Հայ Ժողովրդական Կուսակցութիւն հիմնուած Թիֆլիս 1917-ին

-Հայ Ազգային Ազատական Միութիւն, Փարիզ 1919

-Հայ Ազգային Ռամկավարական Միութիւն, Պոսթոն 1919 Արդարեւ, 3 Մկրտիչներու շունչով թռծուած Արմենականները կը վերամկրտուէին իբրեւ Ռամկավար Ազատական Կուսակցութիւն:

Վայրկեանի մը համար հոտնկայս յարգենք յիշատակը այն անձերուն որոնց անունները մեր պանթէօնին մէջ արձանագրուած են ոսկէ տառերով:

1 վայրկեան

Սիրելի ներկաներ, Եթէ պատմական ակնարկ մը նետենք 1921-էն մինչեւ այսօր պիտի նկատենք որ ՌԱԿ-ը մնացած է անփոփոխ իր քաղաքական, Ռամկավար ու ազատական սկզբունքներուն մէջ մնալով միշտ հայրենիքի կողքին, սատարելով անոր բարգաւաճման եւ ապահովութեան անկախաբար անոր վարչակարգէն եւ կամ քաղաքական գոյնէն:

Արդարեւ արդէն իսկ 1921-ին ՌԱԿ-ը մեծ ջանքերով գնած էր 20 պատերազմական օդանաւեր Անգլիական կառավարութենէն, արագելու համար Հայաստանի նորաստեղծ բանակին, սակայն դժբախտաբար վերջին վայրկեանին Անգլիական կառավարութիւնը խախտեց համաձայնագիրը եւ ջեղեալ նկատեց զայն: Ետ դարձ ակնարկ մը նետելով պատմութեան վրայ կը տեսնենք որ ՌԱԿ-ը իր մեծ դերը ունեցաւ 1946-47 տարիներուն կազմակերպուած ներգաղթի աշխատանքներուն մէջ: Ան ջատագովը եղաւ համագոյութեան Հայաստանի արուեստներու ներկայացուցիչներուն հետ վառ պահելով հոգեկան կապը Սփիւռքի եւ Հայրենիքի միջեւ բերելով լայնածաւալ նիւթական եւ բարոյական աջակցութիւնը ազգային զարթօնքին հայրենիքին մէջ: ՌԱԿ-ը ներկայ էր Հայաստանի մէջ երկրաշարժի այդ սեւ օրերուն կազմակերպելով հանգանակութիւններ ու բերելով իր բարերար նպաստը այդ աշխատանքներուն մէջ:

Իսկ 1991-ին ՌԱԿ-ը արդէն իսկ մաս կը կազմէր առաջին խորհրդարանական ընտրութիւններուն ունենալով իր 20 երեսփոխանները խորհրդարանէն ներս: Այսօր սակայն անցեալին մասին չէ որ կ՛ուզեմ խօսիլ, այլ ապագային մասին ձեզ տեղեակ պահելու ու բաժնեկից ընելու այն աշխատանքներուն որոնք վերապահուած են ՌԱԿ-ին ներկայ դարուս պայմաններուն տակ: Ի՞նչ պիտի ըլլայ մեր դերը Ուրարտացիներէ, Երուանդեաններէ, Արտաշէսեաններէ, Արշակունիներէ, Բարգատունիներէ եւ Ռուբինեաններէ աւանդ մնացած այդ հայրենիքին մէջ ուր 2 ամիս առաջ տօնուեցաւ անկախութեան 26րդ տարեդարձը: Արդարեւ Սարդարապատի յաղթանակով սկսած արշաւը շարունակուեցաւ հայ ժողովուրդի բոլոր հատուածներու ջանքերով եւ զոհողութիւններով հասնելու համար մինչեւ Մայիս 28, ծնունդովը անկախ Հայաստանի որը եղաւ գրաւականը ցեղասպանութենէ փրկուած բեկորներու երազին, հիմը դնելով առաջին կառավարութեան որուն մէջ ՌԱԿ-ը ունեցաւ իր 4 նախարարները որոնք այս հաւաքական աշխա-տանքին մէջ բերին իրենց բաժինը մինչեւ իրենց հրաժարականները: Այսօր դժբախտաբար ՌԱԿ-ը ունի ներքին վէրք մը որ տակաւին կը կոտտայ 20 տարիէ ի վեր: Իբրեւ այս դժբախտ կացութեան հետեւանք ՌԱԿ-ը կրնայ ժամանակավրէպ ըլլալու վտանգին առջեւ գտնուիլ եթէ չկարենայ համակերպիլ նոր դարուս եւ հայրենիքի ու սփիւռքի նոր իրականութիւններուն:

Անհրաժեշտ է ունենալ նոր մտածելակերպ ու նոր աշխարհայեացք դիմագրաւելու համար մեր առջեւ ծառացած այս դժուարութիւնները: Հետեւաբար, Հոկտեմբեր 2016-էն սկսեալ ՌԱԿ-ը կը ներկայանայ իբրեւ մէկ Հայաստանակեդրոն կուսակցութիւն իր բաղկացեալ 4 մասերով: Հայաստան ու Արցախ, Միջին Արեւելք, Եւրոպա եւ Ամերիկաներ: Այս բոլորը համադրելու համար պէտք էր ունենալ գերագոյն մարմին մը զօրացնելու համար այս կապը շղթային 4 մասերուն միջեւ: Սակայն, դժբախտաբար ունինք խմբակ մը որոնք տակաւին կառչած կը մնան հին մտածելակերպին անտեսելով մեր տարիներու երազը 1921-էն ի վեր ունենալու համար հայաստանակեդրոն կուսակցութիւն մը:

Այսօր 1991-էն ի վեր ՌԱԿ-ը կը գործէ Հայաստանի մէջ իբրեւ գրանցուած պաշտօնական կուսակցութիւն որուն կը պատկանին մեր զինանշանն ու դրօշը: Մեր նոր տեսլականը որմով ճամբայ ելած ենք հետեւեալ ձեւով կ՛ամփոփուի: Մաս կազմել Հայաստանի քաղաքական, ընկերային եւ մշակութային հիւսուածքին տարածելով մեր ազատական եւ տեմոքրադական սկզբունքները եւ ջատագովելով արդար կառավարման գաղափարներու տարածմանը: Սատարել Հայաստանի, Արցախի եւ Սփիւռքի անվտանգութեան ապահովման եւ բարգաւաճման, պաշտպանել Մայր Աթոռն ու Ցեղասպանութեան ենթարկուած ժողովուրդներու իրաւունքները կեդրոնանալով Հայկական ցեղասպանութեան վրայ: Այս տեսլականի իրագործման համար ՌԱԿ-ը կը հետապնդէ հետեւեալ գլխաւոր նպատակները եւ աշխատանքային ծրագիրները:

1. Կիրարկել ժողովրդային կամքի գերիշխանութիւնը եւ ռամկավար ազատական սկզբունքները Հայ հանրային կեանքի մէջ ջատագովելով ազատ եւ անկաշկանդ քուէարկութիւն, արդար ու թափանցիկ կառավարութիւն, կազմակերպելով դասախօսութիւններ, վերա-կազմակերպման դասընթացքներ եւ սեմինարներ ու տարածել այս նպատակներն ու ծրագիրները մամուլի եւ հրատարակութիւններու միջոցաւ:

2. Մասնաւոր ուշադրութեան առարկայ դարձնել ՌԱԿ-ը Հայաստանի մէջ եւ անոր միջոցաւ սատարել Հայաստանի եւ Արցախի ապահովմանը եւ բարգաւաճումին առանց անտեսելու սփիւռքը: Քաջալերելով նիւթական ներդրումներ ու գործարարնային աշխատանքներ միշտ ի մտի ունենալով այս աշխատանքներուն հետեւողականութիւնը, հանրային առողջապահութիւնը եւ կենսոլորտի պաշտպանումը.

3. Սատարել Հայ մշակոյթի եւ պատմութեան պահպանման ու տարածման, կազմակերպելով մշակութային ձեռնարկներ , դասախօսութիւններ եւ դասընթացքներ, օժանդակել Հայ ուսուցչին եւ ուսանողին, պաշտպանել Մայր Եկեղեցին եւ միւս հարանուանութիւնները հիմնելով մշակութային եւ հասարակական կազմակերպութիւններ ամրապնդելու կապն ու յարաբերութիւնները Հայաստանի, Արցախի եւ սփիւռքի միջեւ գործակցութեամբ համակիր բոլոր կազմակերպութիւններու հետ ինչպէս ՀԲԸՄ եւ ԹՄՄ-ը:

4. Հաւատալով Հայ դատին անժամանցելիութեան, հետապնդել Ցեղասպանութեան միջազգային ճանաչումը ինչպէս նաեւ տարածքային եւ գույքային պահանջատիրութիւնը բոլոր ատեաններու մէջ: Սատարել Արցախի Հանրապետութեան, որպէս ազգերու ազատ ինքնորոշման իրաւունքով ստեղծուած անկախ պետականութիւն: Իբրեւ գործնական աշխատանք այս բոլորին, ՌԱԿ-ը այսօր կը գործէ Հայաստանի մէջ իր 2 գլխաւոր կեդրոններով Երեւանի եւ Վարդենիսի մէջ, ու երկու մասնաճիւղերով Արմաւիր, Սիսեանի, Կոտայքի, Վարդենիսի եւ Նոր Նորքի մէջ: ՌԱԿ-ը կը շարունակէ իր երթը ըլլայ սփիւռքի եւ ըլլայ հայրենիքի մէջ նշանաբան ունենալով «Բարգաւաճ Հայաստան» Անկախ Արցախ եւ միակամ Սփիւռք: Առանց ՌԱԿ-ի,կարելի չէ երեւակայել սփիւռքահայութիւն եւ հայապահպանում: Բարի երթ 96 ամեայ տակաւին երիտասարդ Ռամկավար Ազատական Կուսակցութեան:



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ