• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 17, 2017
Աշխարհի ձայն, Հայաշխարհի ձայն, Լրահոս, Միջին Արևելք
28.11.2017 | 16:35

Պատրիարքարանի հարցով Պոլսոյ մէջ փակուղի՞

Վերջին օրերուն Պոլսոյ մէջ կատարուած յայտատարութիւնները ցոյց կու տան, որ պատրիարաքական ընտրութեան հարցը մտած է փակուղի:

Այս մասին յաւելեալ ապացոյցներ լոյսին բերելու համար հարկ է ուշադիր աչքերով կարդալ այսօր Պոլսոյ «Ժամանակ»ին մէջ լոյս տեսած «Քարացած հիմնախնդիրներ» խորագրեալ գրութիւնը:

Գրութիւնը, որ ներկայացուցած է Սուրբ Փրկիչ Ազգային Հիւանդանոցի յարկին տակ երէկ տեղի ունեցած ՎԱՏԻՓ-ի ( VADIP-Համայնքային Վաքըֆներու Հարթակ.Խմբ.՝ Ս. Ա.):

Ժողովին ընդհանուր մթնոլորտը, ուր Սուրբ Փրկիչ Ազգային հիւանդանոցի հոգաբարձութեան ատենապետ ՝ Պետրոս Շիրինօղլու կարեւոր յայտարարութիւն մը ընելով ըսած է, որ յետ այսու պատրիարքական հարցին առընթեր ինք ոչ մամուլին եւ ոչ ալ պատրիարքարանին (յատկապէս տեղապահ Տ. Գարեգին սրբազանին) ըսելիք պիտի չունենայ:

Շիրինօղլու նաեւ ըսած է, որ իր ունեցած տեղեկութիւններով Պոլսոյ պատրիարքութաեն խնդիրը այսօր կը գտնուի Թուրքիոյ ներքին գործոց նախարարի սեղանին:

Ան իր խօսքը եզրափակելով նաեւ ըսած է, որ Տեղապահ Տ. Գարեգին արք. Պեքճեան գրաւոր դիմում մը ներկայացուցած է Պոլսոյ կուսակալութեան, կուսակալ Վասիփ Շահինին հետ հանդիպելու առաջարկով:

«Ժամանակ» նաեւ կը գրէ, որ մինչեւ այս պահը Տեղապահ սրբազանին Պոլսոյ կուսակալին հետ հանդիպելու վերաբերեալ յղած նամակին մասին պատրիարքարանը չէ արձագանքած:

 

Այս իրավիճակին մէջ յստակ կը դառնայ, որ Շիրինօղլուի կատարած յայտարարութիւններուն լոյսին տակ համայնքին մէջ Տեղապահ Սրբազան հօր գործունէութեան հանդէպ յստակ վերապահութիւններ ունեցող կողմերը «կը քաշուին» խաղէն ու կ'որդեգրեն «դիտող»ի դեր մը, բան մը որ աւելի կրնայ ծանրացնել պատրիարաքական ընտրութիւնը յաջողցնելու համար կազմուած «Նախաձեռնարկ մարմնի»ին ու մասնաւորապէս Տեղապահ նորին սրբազնութեան գործը:

Ամէն պարագայի տակ բացի անկէ, որ յառաջիկայ օրերը յաւելեալ յստակութիւն պիտի մտցնեն ընդհանուր տեսարանին մէջ, սակայն սկսած է յստակ դառնալ, որ Անգարա սկսած է որոշ պատգամներ ուղղարկել Պոլսահայ համայնքին ու յատկապէս Պատրիարքական յարկին տակ մէկտեղուած կրօնական ու աշխարահիկ («Նախաձեռնարկ մարմին» ) այն մարմիններուն, որոնք այսօր կոչուած են հեզասահ հունի մը տանիլ դարաւոր Աթոռի 85-րդ Պատրիարքի ընտրութեան ընդհանուր գործընթացը:

 

 

Սագօ Արեան. «Հայ ձայն»ի աւագ յօդուածագիր



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ