• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս, Հայաստան
30.11.2017 | 11:31

Գարեգին արք. Պեքճեան Մայր Աթոռ պիտի ժամանէ՞

Պոլսոյ Պատրիարքութեան ազգընտիր տեղապահ Տ. Գարեգին արք. Պեքճեան Մայր Աթոռ պիտի ժամանէ: Այս մասին տեղեկութիւնը տրուած է Պոլսոյ «Ժամանակ»ին կողմէ, որ սակայն նորին սրբազնութեան Մայր Աթոռ Սուրբ Էջմիածին ժամանումին օրը չէ նշած:

 

Այս առաւօտ «Հայ Ձայն» կապ հաստատեց Մայր Աթոռի մօտիկ կանգնող աղբիւրի մը հետ եւ վերջինս պատասխանելով մեր հարցին կապուած Տեղապահ Սրբազան հօր Մայր Աթոռ ժամանման մասին յայտնեց, որ մինչեւ այս պահը յստակ տեղեկութիւններ չկան այդ մասին:

Աւելի ուշ կապ հաստատեցինք Մայր Աթոռի վանատան հետ, ուր սովորաբար Սրբազան հայրը կը հիւրընկալուի ու հոն եւս անոր Մայր Աթոռ հասնելուն մասին տեղեկութիւններ չկային:

 

 

Յիշեցնենք, որ Պոլսոյ պատրիարքութեան տագնապը վերջին շաբաթներուն մտած էր փակուղի: Պոլսոյ թրքական մարմիններ, որոնք ցարդ շփոթի մթնոլորտ մը ստեղծած են Տեղապահ սրբազանի լիազօրութիւնները ճանչնալու առումով տարբեր բերաններու ճանապարհով կը յայտարարեն, որ արդէն չեն ճանչնար Գարեգին Արբազան հօր օրինականութիւնը:

 

Երկու օր առաջ Տեղապահ Սրբազան հայրը այս հարցերուն վերաբերեալ նամակներ յղած էր Պոլսոյ կուսակալութեան, ինչպէս նաեւ Անգարա երկրի ներքին գործոց նախարարութեան ճշդելու համար Թուրքիոյ պետական մարմիններուն ընդհանուր կեցուածքը:

 

 

 

Սագօ Արեան. «Հայ Ձայն»ի Աւագ յօդուածագիր



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ