• USD 480.62
  • GBP 625.72
  • EUR 560.16
  • RUB 7.58
  • GEL 196.33
Հուլիս 22, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Հայաշխարհի ձայն, Լրահոս, Հարցազրույց, Հայաստան
30.11.2017 | 17:43

13 տարվա համար զարգացման ծրագիր գրելը նպատակահարմար չէ. Կրթության փորձագետ

«Այս տարվա համեմատ 2018թ. պետական բյուջեն կրթության ոլորտում նախատեսում է   ֆինանսավորման  կրճատում  600-700 մլն դրամով»,- այս մասին «Հայ ձայնի» հետ զրույցի ընթացքում ասաց կրթության փորձագետ Սերոբ Խաչատրյանը։

Ըստ մեր զրուցակցի՝ չենք կարող պնդել, որ ֆինանսավորման կրճատումը արմատապես կվատացնի կրթության ոլորտում այսօր գոյություն ունեցող վիճակը, քանի որ կրճատման ենթակա ծախսերը ազդում են որոշակի հաստիքների վրա։ «Կրթության ոլորտում կան ծախսեր, որոնք առաջնահերթ են, և ցանկալի կլինի կրճատված գումարներն ուղղորդել այդ բացը լրացնելուն։ Բայց, ցավոք սրտի, կրճատված գումարն այլ ծախսերի համար չի հատկացվում։ Օրինակ, դպրոցների վերանորոգում, մասնագիտական տարբեր ծախսեր, մարդկային կապիտալի հետ կապված ծախսեր և այլն»,- ասաց Խաչատրյանը։

Անդրադառնալով «Հայաստանի Հանրապետության կրթության մինչև 2030 թվականը զարգացման պետական ծրագրի» նախագծին՝ փորձագետը նշեց, որ օրենքի նախագիծը սահմանում է մինչև 2030թ. կրթական համակարգը։ Կրթության զարգացումը, համաձայն այս օրենքի նախագծի, բաժանվում է 3 փուլի։ Առաջին փուլով ռացիոնալացվելու է համակարգը, երկրորդ փուլով պետք է զարգացնել ուղղություններ, իսկ երրորդ փուլով Հայաստանը պետք է ունենա ուժեղ կրթական համակարգ։ Ծրագիրն, ըստ Խաչատրյանի, բավականաչափ բանաձևային է, գրված է շատ ընդհանրական, ինչը հնարավորություն չի տալիս լուծել եղած խնդիրները։ «Գրված չէ, օրինակ, թե այսօր Հայաստանում կոնկրետ ինչ խնդիրներ կան կապված ոլորտի հետ, քանի որ որևէ լուծում առաջարկելուց առաջ, պետք է բարձրաձայնել եղած խնդիրները»,-ասաց մեր զրուցակիցը և այն կարծիքը հայտնեց, որ այս ծրագրով շատ բան չի փոխվի։

Ըստ փորձագետի՝ կարևոր է, որ ԿԳՆ-ը կարողանա համակարգել, աջակցել մարդկանց, որպեսզի այդ ծրագիրը յուրաքանչյուրն իր տեղում իրականացնի։

 

Խաչատրյանը ընդգծեց նաև, որ 13 տարվա համար ծրագիր գրելն այնքան էլ նպատակահարմար չէ, քանի որ ծրագիրը պետք է կարճաժամկետ լինի, որպեսզի հնարավոր լինի ռեալ քայլեր կատարել, իսկ 13 տարվա համար նախատեսված ծրագրի դեպքում ընթացքը երկար է ստացվում։

 

Հարցազրույցը՝ Գոհար Մակարյանի


    Լրահոս
    Հայ եկեղեցի, ՌԱԿ
    Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
    Օրացույց
    Ամենաընթերցված
    Եկեղեցական օրացույց
    /