• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս
30.11.2017 | 18:05

Սաու Փաուլոյի մէջ նշուեցաւ Տ. Նարեկ Սրբազանի քահանայական ձեռնադրութեան 25-ամեակը (Լուսանկարներ)

Պրազիլիոյ հայկական համայնքը յատուկ միջոցառման մը ընթացքին տօնախմբած է Հայաստանեայց Առաքելական Եկեղեցւոյ Պրազիլիոյ Թեմի Առաջնորդ Տ. Նարեկ եպս. Պէրպէրեանի քահանայական ձեռնադրութեան 25 -ամեակը:

Այս մասին «Հայ Ձայն» տեղեկութիւն ստացաւ Պրազիլիոյ Թեմին մօտիկ կանգնող աղբիւրէ մը:

 

Մեր աղբիւրը նաեւ փոխանցեց, որ յանուն Հայաստանի Հանրապետութեան Սփիւռքի նախարարութեան սրբազան հօր շնորհուած է երախտագիտութեան ոսկեայ մետալ, ձեռամբ Պրազիլիոյ մօտ ՀՀ Արտակարգ եւ Լիազօր դեսպան՝ Տիար Աշոտ Գալոյեանին:

 

Միջոցառումը տեղի ունեցած է Սաու Փաուլոյի մէջ ի ներկայութիւն թեմական եւ համայնքային գործիչներու, հիւրերու, ինչպէս նաեւ քոյր եկեղեցիներու ներկայացուցիչներուն:

Դեսպան Գալոյեան յաւուր պատշաճի խօսք մը արտասանելէ ետք Սրբազան հօր կուրծքը զարդարած է ՀՀ Սփիւռքի նախարարութեան յատուկ մետալով:

 

Իր կարգին խօսք առնելով Տ. Նարեկ Սրբազանը, երախտագիտութեան խօսք ըսած է ՀՀ ներկայացուցչութեան եւ համայնքի անդամներուն:

Սրբազան հայրը յատուկ շեշտադրումով մը դիտել տուած է, որ ինչպէս 25 տարիներ առաջ ուխտ կատարած էր Մայր Աթոռի վեհանիստ տաճարի սուրբ սեղանին առջեւ, այսօր եւս այդ ուխտը կը շարունակուի, յայտնելով իր պատրաստակամութիւնը եւ այս առթիւ փոխանցելով իր սէրն ու երախտիքը հանդէպ համայնքի բոլոր զաւակներուն:

 

Նոյն երեկոյին ընթացքին ՀՀ Սփիւռքի նախարարութեան համանման մետալով պարգեւատրուած է գաղութի երիցագոյն միաբաններէն ՝ Տ. Եզնիկ Աւ քհնյ. Կիւզէլեանը, որն այս տարի կը նշէր իր քահանայական ձեռնադրութեան 35-րդ տարեդարձը:

 

Յիշեցնենք, որ Տ. Նարեկ եպս. Պէրպէրեանի անունը վերջերս շրջանառութեան մէջ դրուած էր կապուած Պոլսոյ Պատրիարքութեան ընտրութեան օրակարգին, սակայն ցարդ ալ Սրբազան հայրը չէ վճռած իր թեկնածուութեան հարցը:

 

 

 

Սագօ Արեան. «Հայ Ձայն»ի Աւագ յօդուածագիր

 



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ