• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Հայաշխարհի ձայն, Լրահոս, Միջին Արևելք
05.12.2017 | 15:03

«Պատրիարքի ընտրութեան հարցը մտած է փակուղի» Արա Գոչունեան

«Պոլսոյ հայ համայնքի կեանքին մէջ փակուղային իրավիճակ մը կայ» այս մասին «Հայ Ձայն»ին յայտնեց Պոլսոյ «Ժամանակ» օրաթերթի խմբագիր Արա Գոչունեան:

 

Գոչունեան ակնարկ ընելով անցեալ շաբաթ տեղի ունեցած հայ համայնքներու (ՎաքըՖ) հարթակի ժողովին նկատել տուաւ, որ այդ ժողովին եւս կ'արտացոլար, որ Պոլսոյ նոր պատրիարքի ընտրութեան խնդիրը մտած է փակուղի: Նշենք, որ այդ ժողովին ընթացքին Սուրբ Փրկիչ Ազգային հիւանդանոցի հոգաբարձութեան ատենապետ Տիար Պետրոս Շիրինօղլու յայտարարեց, որ յետ այսու ինք պատրիարքութեան խնդիրներուն առընթեր ո՛չ մամուլին եւ ո՛չ ալ հանրութեան յայտարարութիւններ պիտի չկատարէ նշելով նաեւ, որ որ իր ունեցած տեղեկութիւններով Պոլսոյ պատրիարքութեան խնդիրը այսօր կը գտնուի Թուրքիոյ ներքին գործոց նախարարի սեղանին:

 

Գոչունեան շարունակելով իր խօսքը ըսաւ դժխաբխատաբար համայնքային կեանքէն ներս ստեղծուած փակուղին այնքան խոր է որ ատենապետներու հարթակին վրայ ալ խնդիրներուն շօշափելի լուծման այլընտրանքներ չկան: Պարզ է որ խօսքը կը վերաբերի, ոչ միայն պատրիարաքական ընտրութեանց, այլ նաեւ առկախուած համայնքային մարմիններու ղեկավարութեանց ընտրութեանց»:

 

Նշենք, որ անցնող շաբաթ Պոլսոյ Պատրիարքութեան Տեղապահ Տ. Գարեգին արք. Պեքճեան գրաւոր դիմում մը ներկայացուցած է Պոլսոյ կուսակալութիւն կուսակալ ՝Վասիփ Շահինին հետ հանդիպելու նպատակով, ու ցայսօր ալ այդ դիմումի ճակատագրին մասին ոչ մէկ տեղեկութիւն կը տրուի:

 

Յիշեցնենք, որ Պոլսոյ Պատրիարքութեան տագնապը կը սրէր մասնաւորապէս կրօնական ժողովի ատենապետ Տ. Սահակ եպս. Մաշալեանի անցնող փետրուարին տուած հրաժարականէն ասդին, որմէ ետք ալ համայնքի կրօնական ղեկավարութիւնը գլխաւորութեամբ Տ. Սահակ, Տ. Արամ եւ Տ. Գարեգին սրբազաններու ժամանած էր Մայր Աթոռ Սուրբ Էջմիածին Ն.Ս.Օ.Տ.Տ. Գարեգին Բ.ն Վեհափառ հայրապետին հետ քննարկելու համար տագնապին էութիւնը եւ մտածելու հնարաւոր լուծման տարբերակներու մասին:

Այդ ժողովէն ետք էր, որ 15 մարտ 2017-ին Պոլսոյ Պատրիարքութեան Կրօնական ժողովը ձայներու մեծամասնութեամբ Տեղապահ ընտրած էր Գերմանիոյ թեմի առաջնորդ Տ. Գարեգին արք. Պեքճեանը, որ ժամանակ մը անց տեղափոխուած ու կայք հաստատած էր Պոլսոյ Գում Գաբու շրջանին մէջ գտնուող Պատրիարքարանին մէջ:

 

Ինչպէս Գոչունեան կը նշէ, ներկայիս Պոլսոյ Պատրիարքութեան ընտրութեան հարցը մտած է փակուղի եւ ներկայ հանգրուանին ալ համայնքային գործիչներու ուշադրութեան հիմնական առանցքը պիտի ըլլայ Տեղապահ Սրբազան հօր Պոլսոյ կուսակալութիւն տալիք այցելութիւնը, անշուշտ եթէ կուսակալը ընդառաջէ ու պատասխանէ Տ. Գարեգին Սրբազանի դիմում-նամակին:

 

 

Սագօ Արեան, «Հայ Ձայն»ի Աւագ յօդուածագիր



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ