• USD 482.76
  • GBP 618.95
  • EUR 556.14
  • RUB 7.17
  • GEL 187.84
Օգոստոս 22, 2018
Հայրենասիրությունը բանաձևելու կարիք չունի

Հայրենասիրությունը բանաձևելու կարիք չունի. նրանով պիտի ապրես, գործես, արարես:

Գարեգին Բ Ամենայն Հայոց Կաթողիկոս

Հայաշխարհի ձայն, Լրահոս, Հայաստան
07.12.2017 | 13:33

Հերթական հիմնադրամը հերթական ՊՈԱԿ-ի փոխարեն

ՀՀ կառավարությունը մտադիր է «Ալեքսանդր Թամանյանի անվան ճարտարապետության ազգային թանգարան-ինստիտուտ» պետական ոչ առևտրային կազմակերպությունը վերակազմակերպել «Ալեքսանդր Թամանյանի անվան ճարտարապետության ազգային թանգարան-ինստիտուտ» հիմնադրամի: Հարցը դրված է հանրային քննարկման:

 

Ըստ կառավարության, «Ալեքսանդր Թամանյանի անվան ճարտարապետության ազգային թանգարան- ինստիտուտ» պետական ոչ առևտրային կազմակերպության կազմակերպաիրավական կարգավիճակի փոփոխությունը հնարավորություն կտա առավել արդյունավետ իրականացնել ձեռնարկատիրական գործունեության՝ մասնավորապես. հրատարակչական գործունեություն, ցուցահանդեսների կազմակերպում, ձեռագրերի, արխիվային վավերագրերի թարգմանություն, արխիվային փաստաթղթերի թվայնացում և այլն: Հիմնադրամի կողմից լրացուցիչ ֆինանսական միջոցների ներգրավումը կապահովի թանգարան-ինստիտուտի ինքնավարության ավելի բարձր մակարդակ և տեխնիկապես լավ հագեցվածության պայմաններում կնպաստի ճարտարապետության բնագավառում կազմակեչպվող միջազգային ցուցահանդեսներին առավել ներկայանալի մասնակցությանը:

 

Հայաստանի Հանրապետության պետական բյուջեի միջոցների հաշվին, ինչպես նաև նվիրատվության կամ նվիրաբերության պայմանագրով պատմամշակութային նշանակություն ունեցող հավաքածուներ (հին ձեռագրեր, արխիվային փաստաթղթեր, հնատիպ գրքեր, արվեստի գործեր՝ գեղանկարչական և այլն) ձեռք բերելիս հիմնադրամը հանդես է գալիս Հայաստանի Հանրապետության անունից, և ձեռք բերված պատմամշակութային նշանակություն ունեցող հավաքածուները պետական սեփականություն են, որոնք համարվում են անորոշ ժամկետով, անհատույց օգտագործման իրավունքով հիմնադրամին տրամադրված:

 

 

ՊՈԱԿ-ները հիմնադրամների վերակազմակերպելու գործընթացը սկսվել է Կարեն Կարապետյանի վարչապետ դառնալուց հետո: Հիմա Հայաստանում տասնյակ հիմնադրամներ կան:


    Լրահոս
    Օրացույց
    Ամենաընթերցված
    Եկեղեցական օրացույց
    /