• USD 482.36
  • GBP 647.76
  • EUR 568.99
  • RUB 8.19
  • GEL 188.42
Դեկտեմբեր 16, 2017
Աշխարհի ձայն, Լրահոս
07.12.2017 | 15:10

«Մենք մտահոգ ենք Երուսաղէմի ընդհանուր վիճակով» Երուսաղէմի Պատրիարքութեան դիւանապետ

«Մեր եկեղեցին եւս դէմ է նախագահ Թրամբի այս որոշման» այսօր «Հայ Ձայն»ին յայտնեց Երուսաղէմի Պատրիարքութեան դիւանապետ Տ.Կորիւն վրդ. Պաղտասարեանը: Դիւանապետ հայր սուրբը նաեւ նշեց, որ երէկ Երուսաղէմի քրիստոնեայ բոլոր համայնքները ներկայացնող եկեղեցական պետերը, որոնց շարքին նաեւ Երուսաղէի Հայոց Պատրիարք Տ. Նուրհան արք. Մանուկեանը յատուկ նամակ մը յղած են նախագահ Թրամբին, անկէ պահանջելով ետ կանգնիլ այս որոշումէն:

Ան ըսաւ «Երուսաղէմի մէջ գործող համայնքապետերը իրենց նամակին մէջ ըսած են, որ Երուսաղէմի ներկայ դրութեան որեւէ փոփոխութիւն իր ժխտական անդրադարձը կրնայ ունենալ երկրին վրայ եւ տանիլ նոր ընդհանուրումներու, հետեւաբար կ'ակնկալենք, որ ՄԱՆ նախագահը վերատեսութեան ենթարկէ իր որոշումը»:

Հայր Սուրբը խօսելով Երուսաղէմի մէջ առկայ ընդհանուր իրադրութեան մասին ըսաւ, որ ներկայիս իրադրութիւնը հանգիստ է, բայց եւ այնպէս ընդհանուր մտավախութիւններ կան:

Ան այս առումով ըսաւ. «Գիտենք մամուլէն, որ Պաղեստինի մէջ յայտարարութենէն վերջ ընթացք առած են բողոքի ցոյցեր: Երուսաղէմի մէջ, այս պահուն բան մը չկայ, բայց մենք մտահոգ ենք, որ յայտարարութիւնը կրնայ բռնութեան պառճառ ըլալ» եզրափակեց Տ. Կորիւն վրդ. Պաղտասարեան:

Յիշեցնենք, որ ԱՄՆ նախագահ Տանըլտ Թրամբ երէկ յայտարարութեամբ մը հանդէս գալով Երուսաղէմը, որպէս Իսրայէլի մայրաքաղաք ճանչցած էր, բան մը որ յաւելեալ լարուածութեան եւ նոյնիսկ ընդհանրումներու կրնայ առաջնորդել ամբողջ շրջանը:

 

Սագօ Արեան, «Հայ Ձայն»ի Աւագ յօդուածագիր



    Լրահոս
    Օրացույց
    Ամենաընթերցված
    Եկեղեցական օրացույց
    /
    01/12/2017
    ԵԿԵՂԵՑԱԿԱՆ ՕՐԱՑՈՒՅՑ