• USD 480.62
  • GBP 625.72
  • EUR 560.16
  • RUB 7.58
  • GEL 196.33
Հուլիս 22, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Լրահոս, Մեր ձայնը, Խմբագրական
13.12.2017 | 14:21

Մեծ հայրենադարձության 70-ամյակին քննարկում ՌԱԿ Կենտրոնական գրասենյակում

2017 թ. դեկտեմբերի 12-ին Ռամկավար Ազատական Կուսակցության գրադարան-ընթերցարանում տեղի ունեցավ կլոր սեղան-քննարկում նվիրված Մեծ հայրենադարձության 70-ամյակին: Քննարկմանը ներկա էին Մայր աթոռի, գիտական մտավորականության և ԶԼՄ-ների մեծ թվով ներկայացուցիչներ¸ այդ թվում՝ Գերշ. Փառեն արք. Ավետիքյանը¸ հոգշ. Կոմիտաս վրդ. Հովնանյանը¸ ակադ. Նիկոլայ Հովհաննիսյանը¸ պատմաբաններ¸ սոցիոլոգներ¸ հին ու նոր հայրենադարձ անձնավորություններ:

Ողջունելով ներկաներին եւ զգուշացնելով 70-ամյակը նշելու նախաձեռնության սխալ՝ քաղաքականացված մեկնաբանություններից¸ միաժամանակ շեշտելով¸ որ ՌԱԿ-ը զգալի ավանդ է ներդրել բոլոր հայրենադարձությունների կազմակերպման գործում¸ ՌԱԿ ատենապետ Հակոբ Ավետիքյանը կլոր սեղանը վարելու համար ձայնը տվեց պգդ Սուրեն Սարգսյանին:

Ողջունելով և շնորհակալություն հայտնելով ներկաներին հրավերն ընդունելու և մասնակցության համար` Ս. Սարգսյանը պատճառաբանեց 70-ամյակի հանգամանքը, նշելով, որ թեև հիմնախնդրի վերաբերյալ առկա են զգալի թվով ուսումնասիրություններ, սակայն դեռևս կան բազմաթիվ հարցեր, որոնք կարոտ են և սպասում են իրենց լուսաբանմանը:

Ապա վարողը ելույթի հրավիրեց գլխավոր զեկուցող, ԵՊՀ Սփյուռքի պատմության ամբիոնի վարիչ, պգդ Արման Եղիազարյանին: Հիմնախնրի բոլոր ծալքերին քաջատեղյակ զեկուցողը ներկայացրեց հայրենադարձության եզրույթի էությունը և պարզաբանեց դրա հետ շաղկապված մեծ թվով խնդիրներ: Այնուհետև զեկուցողին ուղղվեցին բազմաթիվ հարցեր, որոնք ստացան սպառիչ պատասխաններ: Ծավալվեց նաև մտքերի աշխույժ փոխանակություն, որի ընթացքում հրավիրյալներն իրենց մասնագիտական տեսանկյուններից արժեքավոր դիտարկումներ կատարեցին և հանդես եկան հետաքրքրական առաջարկություններով:

 

Վերջում ամփոփելով քննարկումները Ս. Սարգսյանը ևս մեկ անգամ շնորհակալություն հայտնեց ներկաներին ակտիվ ու սրտացավ մասնակցության համար և ավելացրեց. այս քննարկումը ցույց տվեց, որ նման միջոցառումներն անկասկած անհրաժեշտ են, ուստի կաշխատենք նմանատիպ նախաձեռնություններով ապագայում ևս պարբերաբար հանդես գալ: 

 

 

 



    Լրահոս
    Հայ եկեղեցի, ՌԱԿ
    Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
    Օրացույց
    Ամենաընթերցված
    Եկեղեցական օրացույց
    /