• USD 480.62
  • GBP 625.72
  • EUR 560.16
  • RUB 7.58
  • GEL 196.33
Հուլիս 22, 2018
Ազգի պահողը լեզուն ա ու հավատը

Մեկ ազգի պահողը, իրար հետ միացնողը լեզուն ա ու հավատը: Լեզուդ փոխի´ր, հավատդ ուրացի´ր, էլ ընչո՞վ կարես ասիլ, թե որ ազգիցն ես: Էն վայրի ազգերն էլ իրանց սոպռ (կոպիտ) լեզուն աշխարհքի հետ չեն փոխիլ:

ԽԱՉԱՏՈՒՐ ԱԲՈՎՅԱՆ

Աշխարհի ձայն, Հայաշխարհի ձայն, Լրահոս, Հարցազրույց
27.12.2017 | 14:01

«Երուսաղէմի վիճակը վտանգաւոր կը դառնայ, եթէ այլ պետութիւններ Ամերիկայի օրինակին հետեւին». Տ. Սեւան արք. Ղարիպեան

«Հայ Ձայն»ի հարցերուն կը պատասխանէ Երուսաղէմի Միաբանութեան երէց անդամներէն ՝ Տ. Սեւան արք. Ղարիպեան

«Երուսաղէմի մասին Թրամբի ըրած յայտարարութիւնը ճիշդ չէ» այսօր «Հայ Ձայն»ին ըսաւ Երուսաղէմի Հայոց Պատրիարքութեան երէց անդամներէն Տ. Սեւան արք. Ղարիպեան: Սրբազան հայրը նկատել տուաւ, որ Երուսաղէմը որեւէ քաղաք մը չէ եւ այն կը վայելէ յատուկ կարգավիճակ մը նշելով, որ սուրբ քաղաքի քրիստոնեայ առաջնորդները հարցին առնչութեամբ հանդիպումներ ունեցած են Պաղեստինի նախագահ Մահմուտ Ապպասին եւ յորդանանեան մարմիններուն հետ, նշելով, որ «ներկայիս գործնական քայլեր չկան ու հաւանաբար տօնական օրերէն ետք է միայն, որ գործնական քայլեր ընթացք կրնան առնել»: Պատասխանելով Երուսաղէմի ապագային ու այդ առումով Հայոց Պատրիարքութեան ունեցած մտավախութիւններուն վերաբերեալ սրբազան հայրը մտավախութիւն յայտնեց, որ այսօր իրաւունքը կը պատկանի ուժեղին ու զօրավորին ու այս առումով ըսաւ « ապագան դիւանագէտներուն ձեռքն է ու այդ մէկն է, որ վտանգաւոր է, որովհետեւ անոնք որեւէ ատեն կրնան սուտ խօսիլ յանուն իրենց շահերուն:Պարզ ըսեմ, որ այսօր ուժն է, որ կը խօսի, իսկ տեսութիւնները յօդս կը ցնդին, եթէ ուժը խօսի»:

 

Սրբազանը նշեց, որ «Երուսաղէմի բոլոր պատրիարքները եւ տարբեր յարանուանութիւններու առաջնորդները նախագահ Թրամբին բողոքի նամակ մը գրեցին, բայց եւ այնպէս նամակը բաւարար չէ: Իմ կարծիքով, Երուսաղէմի բարձրաստիճան կրօնաւորները պէտք է քով-քովի քան եւ այս իրավիճակը քննարկեն»: Սրբազան հայրը նաեւ ըսաւ, որ ներկայիս իրավիճակը հանդարտ է սակայն յատկապէս ուրբաթ օրերը բողոքի հաւաքներ կը կատարուին: Ան այս առումով դիտել տուաւ, որ «Հայկական թաղամասին մէջ իրավիճակը բնականոն է, սակայն յատկապէս ուրբաթ օրերը պաղեստինցիները իրենց աղօթքը կատարելէ ետք փողոց կ'իջնեն եւ բողոքի հաւաքներ կը կատարեն»:

 

Ղարիպեան սրբազան նաեւ կարծիք յայտնեց, որ «Իրավիճակը ներկայիս յղի է ու մտահոգիչ կրնայ ըլլալ, եթէ տարբեր երկիրներ միանան ամերիկայի որոշումին ու իրենք ալ իրենց դեսպանատուները Թէլ Աւիւէն Երուսաղէմ փոխադրեն»: Պէյրութի ծնունդ սրբազան հայրը, որ ներկայիս կը վարէ Երուսաղէմի Սրբոց Յակոբեանց վանքի լուսարարապետի պաշտօն կարծիք յայտնեց, որ «Ներկայիս ամէնէն բարդ դրութիւնը, որուն մատնուած են Երուսաղէմի քրիստոնեաներն են, որովհետեւ չեն գիտեր, որուն հետեւիլ եւ ինչ ընել:

 

Ինչ կը վերաբերի մեր հարցին Երուսաղէմի Սուրբ Աթոռին Հայաստանի պետութիւնենէն այս հարցին վերաբերեալ ակնկալելի կեցուածքէն ան ըսաւ «Իմ կարծիքով միակ բանը, որ Հայաստան կրնայ ընել Թրամբի հրապարակած յայտարարութեան դէմ կեցուածքի մը որդեգրումն է, որուն շնորհիւ ալ մենք իրապէս պիտի զգանք, որ կը վայելենք Հայաստանի պետութեան նեցուկը: Հայաստանի ընելիքը պարզապէս բարոյկական նեցուկ մը պիտի ըլլայ, որպէսզի մենք ալ որպէս միաբանութիւնը զգանք, որ առանձին չենք ու զգանք, որ նեցուկ մը ունինք» իր խօսքը եզրափակեց Տ. Սեւան արք. Ղարիպեան:

 

 

Սագօ Արեան «Հայ Ձայն»ի աւագ յօդուածագիր



    Լրահոս
    Հայ եկեղեցի, ՌԱԿ
    Ժամանակն է համազգային զգօնութեան. ՌԱԿ հայտարարութիւնը եկեղեցւոյ տագնապի շուրջ
    Օրացույց
    Ամենաընթերցված
    Եկեղեցական օրացույց
    /