• USD 480.13
  • GBP 670.45
  • EUR 587.25
  • RUB 7.74
  • GEL 196.17
Ապրիլ 24, 2018
Ես թողնում եմ երկրի ղեկավարի, Հայաստանի վարչապետի պաշտոնը

 

Սերժ Սարգսյանը հրաժարական տվեց

Հայաշխարհի ձայն, Լրահոս, Հայաստան
31.12.2017 | 14:07

Նռնօրհնեք. Նռան նշանակությունը հայ եկեղեցում և մշակույթի մեջ

2014 թ.-ից սկսյալ Ն.Ս.Օ.Տ.Տ. Գարեգին Բ. Ամենայն Հայոց Հայրապետի բարձր տնօրինությամբ Հայոց Եկեղեցում հաստատվեց նռնօրհնեքի արարողությունը, որը տեղի է ունենում յուրաքանչյուր տարվա դեկտեմբերի 31-ին, ժ. 00.30-ին՝ Ամանորի գիշերը՝ Գոհաբանական աղոթքից հետո բոլոր եկեղեցիներում: Նռնօրհնեքով է ավարտվում հին տարին և սկսվում նորը: Նռնօրհնեքի արարողությունը հանդիսապետում է Ամենայն Հայոց Կաթողիկոսը:

Հայկական մշակույթում նռան մասին վկայություններ կան դեռևս վաղ ժամանակներից, հատկապես եկեղեցական ճարտարապետության և որմնանկարչության մեջ: Ինչպես խաղողը, նուռը ևս 5-րդ դարից իսկ պատկերված է մեր եկեղեցիների զարդաքանդակներում՝ լինելով եկեղեցական ծիսակարգի կարևոր բաղադրատարր: Նուռն իր կլոր տեսքով խորհրդանշում է երկրագունդը, իսկ կարմի գույնը Քրիստոսի արյունն է՝ թափված մարդկության փրկության համար:

Հայկական ավանդության մեջ նուռը` իբրև ազգային խորհրդանիշ, կրում է կյանքի, ծաղկունքի և առատության իմաստը: Քրիստոնեական խորհրդաբանության մեջ նուռը խորհրդանշում է   Քրիստոսի թափած արյունը: Հայոց Եկեղեցու վարդապետների և հայրերի մեկնություններում նուռը ներկայացվում է նաև այն խորհրդաբանությամբ, որ նռան հատիկների պես Եկեղեցու անդամները շատ ու բազմատեսակ են, սակայն պատված են նռան նման պինդ կեղևով` միավորված լինելով մեկ Եկեղեցու մեջ:

 

Այս պատճառով նռան խորհրդաբանությունը լայնորեն օգտագործվել է հայկական եկեղեցական ճարտարապետության, արվեստի և մանրանկարչության մեջ:



    Լրահոս
    Ես թողնում եմ երկրի ղեկավարի, Հայաստանի վարչապետի պաշտոնը. Սերժ Սարգսյան
    Օրացույց
    Ամենաընթերցված
    Եկեղեցական օրացույց
    /