• USD 483.02
  • GBP 614.45
  • EUR 546.97
  • RUB 7.23
  • GEL 184.53
Օգոստոս 15, 2018
Զա՛րկ, Արցախ

 Ուրեմն, զա՛րկ, Արցախ,
Զա՛րկ, իմ զարմանալիդ...
Չկա ուրիշ հնար և ուրիշ ելք չկա,
Քանզի ոսոխը քո՝ այդ քոչվորը վայրի
Այդ լեզուն է միայն, որ հասկանում ճշտիվ
Եվ այդ լեզվից է լոկ, որ փոխվում է կրկին
Խուճապահար հոտի...

 ՎԱՀԱԳՆ ԴԱՎԹՅԱՆ

Հայաշխարհի ձայն, Լրահոս, Հայաստան
07.01.2018 | 15:05

Տոնածիսական համերգային ծրագիր՝ Ազատության հրապարակում. «Սուրբ ծնունդը՝ Երևանում»

Երևանի քաղաքապետարանի «Նոր տարին Երևանում 2018» ծրագրով հունվարի 6-ին մայրաքաղաքի Ազատության հրապարակում կայացել է Սուրբ ծննդյան տոնածիսական համերգային ծրագիրՍուրբ ծնունդը՝ Երևանում» խորագրով: Ձևավորված ավանդույթի համաձայն, Արարատյան Հայրապետական թեմի հետ համատեղ անցկացվող այս միջոցառումը մեկնարկել է տոնի խորհուրդը ներկայացնող հատուկ արարողակարգով: Սուրբ Սարգիս առաջնորդանիստ եկեղեցու հոգևոր հայրերի և երգչախմբի մասնակցությամբ տեղի ունեցած արարողությանը հաջորդել է բուն տոնածիսական համերգային ծրագիրը:

Այս մասին տեղեկանում ենք Երևանի քաղաքապետարանի տեղեկատվության  և հասարակայնության հետ կապերի վարչությունից:

 

Հանդիսությանը ելույթ են ունեցել ազգագրական, ժողովրդական երգի ու պարի սիրված համույթներ ու կատարողներ, ինչպես նաև Երևանի քաղաքապետարանի ենթակայության երաժշտական դպրոցների սաներ:

Միջոցառմանը ներկա երևանցիներն ու մայրաքաղաքի հյուրերը նշել են, որ, ի թիվս Երևանի քաղաքապետարանի նախաձեռնած տոնական բազմաթիվ այլ միջոցառումների, մեծ բավականություն են ստացել նաև այս երեկոյից և իրենց գոհունակ խոսքը հղել համերգի կազմակերպիչներին: Ոմանք էլ նկատել են, որ ամեն տարի անցկացվող այս տոնը հատկապես երեխաների համար հոգևոր արժեքներին հաղորդակից դառնալու հրաշալի առիթ է:

 

 

 



    Լրահոս
    Օրացույց
    Ամենաընթերցված
    Եկեղեցական օրացույց
    /