• USD 480.18
  • GBP 675.23
  • EUR 590.67
  • RUB 7.82
  • GEL 196.69
Ապրիլ 23, 2018
Ապրիլի 24-ի նախօրեին չի կարելի մասնատել հասարակությունը

 

ՀՀ նախագահ Արմեն Սարգսյան

Գլխավոր լուր, Աշխարհի ձայն, Հոդվածներ, Լրահոս
09.01.2018 | 15:15

Անգարա եւ ... Դամասկոս նոր փուլի մը առջեւ. Տուժողները քիւրտերն են

Վերջին օրերուն Սուրիոյ Իտլիպ քաղաքին շուրջ ընթացք առած զինուորական գործողութիւնները կը միտին շրջանը ազատագրել իսլամիստ զինեալներէ:

Երբ Իտլիպի մասին կը խօսինք, ապա բնորոշ կը դառնայ, որ այդ քաղաքին մէջ տեղակայուած զինեալներուն մեծ տոկոսը կը հպատակի թրքական իշխանութիւններուն: «Ֆայլաք ալ ռահման», «Ժընտ ալ շապ» եւ յատկապէս «Ալ նուսրա» անունը կրող խմբաւորումները նոր չէ, որ կը մասնակցին Սուրիոյ պատերազմին ու Սուրիոյ մէջ ընթացող զինուորական գործընթացներուն հետեւողները լաւ գիտեն, որ սիւննի թեքում ունեցող այս խմբաւորումներուն գլխաւոր պատուիրատուն Անգարան է:

Ճիշդ է նաեւ, որ անոնք տարբեր փուլերու փոխած են իրենց արեւելումները եւ յանուն նիւթականի Անգարայէն երես թեքելով իրենց հայացքներն ուղղած են դէպի Ռիատ եւ Քաթար, բայց եւ այնպէս անոնց զինուորական պէտքերը եւ յատկապէս անցքի ճանապարհներն ու նաեւ թաքստոցները կը գտնուին թրքական տարածքներուն մէջ:

Ամիսներ առաջ, երբ ռուսական ուժեր, քրտական ջոկատներ եւ Սուրիոյ կառավարական ուժեր իրենց թիրախը կը դարձնէին Ռաքքան, բոլորին հայացքները կ'ուղղուէին դէպի Իտլիպ, որ ժամանակի ընթացքին կը դառնար Սուրիոյ իսլամիստներուն «վերջին դրախտ»ը:

Այստեղ պէտք է նաեւ շեշտադրել, որ անցեալ օգոստոսին Լիբանանի մէջ տեղի ունեցած թէժ բախումներէն ետք «Ալ նուսրա» ճակատի մեծաթիւ զինեալներ իրենց ընտանիքներուն հետ Լիբանանի Արսէլ եւ Ռաս Պաալպէք շրջաններէն կը փոխադրուէին իրենց համար «ապահով» համարուող Իտլիպ քաղաքը:

Ու եթէ այդ զինեալներուն ընդհանուր թուային եւ զինուորական կարելիութիւնները աչքի առաջ ունենանք, ապա պիտի համոզուինք, որ Սուրիոյ բանակը դէմ հանդիման պիտի գտնուէր

բաւական ամուր եւ կուռ շարքեր ունեցող իսամիստներուն դիմաց:

Սակայն անցնող օրերուն տեղի ունեցող զարգացումները ցոյց կու տան, որ խորքին մէջ այդպէս չէ:

Իսլամիստները սկսած են արագ «թէմբեր»ով նահանջել եւ անոնց տարբեր թեւերուն առաջնորդներն մեղադրական խօսքերով եւ մէկը միւսին դասալիք համարելով ջղագրգիռ յայտարարութիւններ կը կատարեն:

Արդիւնքը կ'ըլլայ այն, որ Սուրիոյ բանակը արագօրէն իր տիրապետութեան տակ կ'առնէ Իտլիպի Հարասաթա աւանը եւ կը մօտենայ վերջին տարիներուն ընդդիմադիրներու տիրապետութեան տակ գտնուող եւ այդքան կարեւոր «Ապու ալ զուհուր» զինուորական օդակայանին:

Այս բոլորը անշուշտ պատահականութեան կամ «կախարդական գաւազան»ի արդիւնքով չեն կատարուիր, այլ արդիւնք են համակարգուած գործունէութեան մը եւ վստահաբար կ'արտացոլացնեն Դամասկոս- Անգարա «գաղտնի համաձայնութիւն» մը, որն արդէն սկսած է նոր վիճակ մը ստեղծել:

Անշուշտ չպէտք է մոռնալ, որ Անգարա առանց որոշ «գին»ի մը չընէր այս գործը ու Էրտողանի եւ իր թիմակիցներուն համար ամենակարեւորը Թուրքիա-Սուրիա սահմանային հատուածներուն մէջ գտնուող քիւրտերը ճզմելն է:

Թէ ինչքան երկար կը տեւէ այս համագործակցութիւնը կամ արդեօք այս տիպի «գործարք» մը բացայայտ կերպով ջուրի երես կ'ելլէ դեռ յստակ չէ, սակայն աւելի քան պարզ է-, որ Սուրիոյ մէջ գտնուող եւ ամերիկեան զէնքերով զինուած ու վերջին երկու տարիներուն որոշ անկախութեան մը երազներով «օրօրուող» քիւրտերը կարեւոր «ներուժ» ունին զիրար մօտեցնելու ցայսօր ալ զիրար թշնամի եւ հակառակորդ դաւանող Անգարան եւ ... Դամասկոսը:

Ու այս մօտեցումը աւելիով շեշտակի իրականութիւն կրնայ դառնալ յառաջիկայ շաբաթներուն:

Կարի՞ք կայ յիշեցնելու, որ քաղաքականութեան մէջ յաւերժ բարեկամներ, կամ յաւերժ թշնամիներ չկան.այլ կան միայն մշտական շահեր:

 

 

 


    Լրահոս
    Օրացույց
    Ամենաընթերցված
    Եկեղեցական օրացույց
    /