Փետրվար 21, 2018
Ղարաբաղը ապացուցեց, որ անկասելի է ժողովրդի միասնության ուժը

Կ.Գ

Աշխարհի ձայն, Լրահոս
23.01.2018 | 17:05

Աֆրինի գործողութիւնը եւ «քրտական գործօն»ի ճակատագիրը

Սուրիոյ արիւնալի պատերազմին ամէնէն վճռորոշ օրերուն Թուրքիոյ իշխանութիւնները յաճախ «բաց» ու երբեմն ալ «գոց» թեքստերով խօսեցան «քրտական ազդակ»ի մը մասին:

Սուրիա- Թուրքիա սահմանային քաղաքներուն ու մարզերուն մէջ քիւրտերու զինուիլը, յատուկ ջոկատներ ստեղծելը եւ վերջերս ալ ամերիկեան արդիական զէնքեր ունենալը մտահոգութիւն կ'առթէր Անգարային:

Չմոռնանք, որ թուրք-քրտական տարակարծութիւնը, որ երեւելի կը դառնար քաղաքական ապահովական քայլերով ի վերջոյ կը հետապնդէր մէկ նպատակ: Ջլատել Թուրքիոյ մէջ գտնուող քիւրտերուն միակամ ձայն մը ունենալու բոլոր տեսակի փորձերը:

Ու այդ քայլերուն հետեւանքով է նաեւ, որ Թուրքիոյ մէջ քրտական ամէնէն ժողովրդավար ուժ համարուող ՝ HDP-ն( Ժողովուրդներու Տեմոկրատական կուսակցութիւն) «կ'ընկճուէր» ու կը կորսնցնէր իր նախկին ուժականութիւնը:

Էրտողանի համար շատ կարեւոր էր, որ իր երկրէն դուրս զինուորական քայլեր առնելով ծանր հարուած տար քիւրտերուն:

 

Այստեղ չպէտք է մոռնալ, որ Էրտողան այս քայլերուն կը դիմէր փորձարկելով վերջին շրջանի Մոսկուայի հետ իր ունեցած «քաղաքական սիրաբանութիւն»ը ու «չափելու» Ամերիկացի իր «վրդոված» դաշնակիցին «համբերութեան» չափը:

Մոսկուա շատ ալ մտահոգ չէ քիւրտերու խնդրով, աւելին ռուսական կողմին համար շատ նպատակայարմար պիտի ըլլար, որ ամերիկեան զէնքերով հրապարակ ելած քիւրտերն ալ իրենց «չափը գիտնան»:

Գալով զինուորական զարգացումներուն, ապա բացայայտ է, որ Թուրքիոյ բանակը յատկապէս Սուրիոյ մէջ իր գործի դրած գործողութիւնները կը պայմանաւորէ կարճատեւ եւ արագ հարուածներով, որոնց շնորհիւ ալ իրականութիւն կը դարձնէ կարճաժամկէտ ծրագիրներ:

Այսպէս «զարկ եւ խոյս տուր» խաղով թրքական բանակը կը խուսափի «ճահիճ»ի մը մէջ իյնալէ ու այդպիսով խորքային հարուած մը կու տայ այն քիւրտ զինեալներուն, որոնք իրենց գրաւը կը դնեն «հաւատքով կռուելու» դրուածին, որ կրնայ պայմաններու բերումով վերածուիլ «գոմանտոյական» գործողութիւններու, որն իր կարգին առաւելութիւն մըն է քիւրտերուն համար, եթէ հաշուի առնենք օրինական բանակ- ջոկատայիններ կռուի «խաղի կանոններ»ը:

Այս տուեալներէ հաշուի առնելէ ետք պարզ կը դառնայ, որ Թուրքիոյ Աֆրինի մէջ սկսած գործողութիւնը կրնայ երկար չտեւել եւ գոհանալ պարզապէս այդ շրջանին մէջ «ոտք մը ունենալ»ու դրուածքով նախապատրաստուելով յաջորդ փուլերուն , որոնք կրնան տեղի ունենալ աւելի ուշ:

 

 

Այս ընդհանուր պատկերին մէջ, այսօր աւելի քան յստակ է, որ Սուրիոյ քիւրտերը հերթական անգամ յայտնուած են «խաբուած»ի կարգավիճակին մէջ:

Հեռու է քրտական միաւորում մը ստեղծելու անոնց երազը ու չի բացառուիր նաեւ, որ Անգարա զանոնք ամէն գնով «ճզմելու» համար սեղան նստին Սուրիոյ կառավարութեան հետ:

 

Ամէն պարագայի տակ Սուրիոյ մէջ ընթացող զարգացումները եւ յատկապէս թրքական բանակին կատարած պատերազմական այս քայլը ունի նաեւ բազում քաղաքական «պատգամներ», որոնց ամէնէն առաջնայինն այն է, որ Ռուսաստան-Անգարա- Թեհրան համագործակցութիւնը այսօր նուաճած է բաւական բարձր դիրք մը եւ ապագային ալ այս եռակողմ դաշինքը կրնայ սուրիական խնդրին իրական լուծումներ առաջարկելու հիմնական առաջադրողը դառնալ:

Այսօր ոչ ոք կը խօսի «Տահէշ»ի մասին ու շատ հաւանական է նաեւ, որ գալիք հանգրուանին Սուրիոյ մէջ առկայ «քրտական գործօն»ը դառնայ ժամանակավրէպ ու անուժ դրոյթ մը:

 

 

 



    Լրահոս
    Արցախ
    Պատմական որոշում, որի հետևում ժողովուրդն էր կանգնած
    Օրացույց
    Ամենաընթերցված
    Եկեղեցական օրացույց
    /