• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 19, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Գլխավոր լուր, Աշխարհի ձայն, Հայաշխարհի ձայն, Հոդվածներ, Լրահոս, Միջին Արևելք
30.01.2018 | 17:39

Սոչիի ժողովը եւ ... սուրիահայութիւնը

Այս օրերուն Սոչիի մէջ կը գումարուի Սուրիոյ տագնապին յատկացուած հերթական համաժողովը: Ժողովը, որ 7- րդ է իր տեսակին մէջ (խօսքը անշուշտ Սոչիի մէջ իրականացուող ժողովներուն մասին է) տեղի կ'ունենայ բաւական տարբեր պայմաններու տակ: Խօսքը Սուրիոյ հիւսիսային հատուածին մէջ Թուրքիոյ «նախաձեռնած» զինուորական գործողութեան մասին է, որուն պատճառով ալ ժողովին մասնակցութիւն բերելու հրաւէր ստացած քիւրտ խմբաւորումները մերժեցին ներկայ ըլլալ այս ժողովին: Քիւրտերը «նեղացած» են Մոսկուայէն, ոչ անոր համար ռուսական կողմը ռազմերու սկիզբէն օրեր առաջ իր ուժերը հեռացուց շրջանէն, այլ յատկապէս անոր համար, որ Ռուսաստան, ինչպէս քիւրտերուն խոստացած էր չմիջամտեց եղած դէպքերուն վերաբերեալ ու հանդէս եկաւ, որպէս «դիտորդ» կողմ:

Քրտական բանբերներ անցնող օրերուն յայտարարութիւններով հանդէս եկան ու յայտնեցին, որ իրենք ռուսական կողմէն որոշ «խոստումներ» ունին սակայն այդ խոստումները մնացած են խօսքի սահմաններուն մէջ:

Ինչ կը վերաբերի գետնի վրայ ընթացող զարգացումներուն ապա բացայայտ է արդէն, որ թրքական բանակի հրամանատարութիւնը կ'ապրի «շոքային» պահեր, այն իմաստով, որ ռազմական գործողութիւնները տեղի չեն ունենար նախատեսուածին պէս:

Տակաւին կայ վտանգ, որ սեղանին տակ եղած համաձայնութեամբ թրքական կողմը մտած է ճահճային շրջան մը, որուն հետեւանքով ալ կրնայ արիւնահոսիլ եւ ունենալ անդառնալի քաղաքական կորուստներ: Անշուշտ երբ քաղաքական կորուստներու մասին կը խօսինք, ապա թեման կապ ունի Թուրքիոյ մէջ տեղի ունենալիք զարգացումներուն հետ, որոնք երեւելի կրնան դառնալ յառաջիկայ ամիսներուն:

Վերադառնալով Սոչի ապա բացայայտ է, որ հակառակ ամէն տեսակ ուժերուն այս ժողովին ալ գետնի վրայ ազդեցութիւն ունեցող

կողմեր ներկայ չեն այս ժողովին: Խօսքը յատկապէս սիւննի (ճանչցուած ՝ որպէս ոչ ծայրայեղականներ կամ չափաւորականներ) ջոկատներու մասին է, որոնք «կը կառավարուին» սէուտցիներուն եւ քաթարցիներուն կողմէ:

Այս փաստարկն ալ նկատի առնելէ ետք Մոսկուա կը շարունակէ հաւատալ, որ պիտի կարողանայ ինչ որ «ծակ մը բանալ» Սուրիոյ տագնապի «ճարպակալուած» շերտին մէջ:

Բաւական բարդ, իրերամերժ ու հակասական ուղղութիւններով գործող սուրիական կողմերը իրար մօտ բերելը անշնորհակալ գործ մըն է, սակայն Քրէմլի ղեկավարութեան համար շարունակէ գետնի վրայ տարուած զինուորական յաղթանակները պէտք է անպայման «ուղղորդել» քաղաքական «յաղթանակներ»ով:

Ճիշդ է, որ Սուրիան առաջուան իրավիճակին մէջ չէ: Հոն առաջուան «մարդակեր» իսլամիստները չկան, բայց եւ այնպէս երկիրը կը շարունակէ հեռու մնալ քաղաքական հարթակի վրայ համաձայնութիւններ կայացնելու կամ երկխօսութիւն իրականացնելու տեսլականէն:

 

Գալով հայկական գետնին (Սոչիի ժողովին սուրիահյութիւնը կը ներկայացնեն Սուրիոյ խորհրդարանի երկու անդամներ ՝ դոկտ. Նորա Արիսեան եւ Ժիրայր Ռէիսեան, ինչպէս նաեւ Դամասկոսի Թեմի Առաջնորդ տ.Արմաշ եպս. Նալպանտեան) յստակ է, որ նման ժողովի մը սուրիահայ ներկայացուցիչներու բերած մասնակցութիւնը դրական է: Սուրիահայութեան համար շատ կարեւոր է, որ երկիրը շարունակէ մնալ համակեցութեան եւ կրօնա-դաւանական տարբերութիւններով հարուստ երկիր մը, ուր կը յարգուին փոքրամասնութիւններուն իրաւունքները:

Այստեղ կայ նաեւ իրականութիւն մը, որուն հետ հայերը պէտք է առերեսուին, այդ ալ կը վերաբերի պատերազմին պատճառով ստեղծուած ընդհանուր պատկերին:

Այսօր այդ համայնքը աւելի նօսրացած է եւ դարձած է «փոքրամասնութեան մէջ փոքրամասնութիւն»: Բաց աստի նոր սահմանադրութեան մը ստեղծուելու պարագային սուրիահայութիւնը պարտաւոր է «մեծ ներկայութիւն» ցոյց տալ պահպանելու համար իր իրաւունքները:

Ու այստեղ մեծապէս կարեւոր է, որ համայնքի տարբեր կառոյցները, մարմինները եւ եկեղեցիները յաւելեալ աշխուժութիւն մը ցոյց տան հաստատելու եւ ըսելու համար, որ «մենք հոս ենք», հետեւաբար պէտք է «հաշուի նստիք մեր հետ» ու մանաւանդ ճիշդ գնահատականներ տաք այն համայնքին, որ հակառակ պատերազմի ամէնէն ահասարսուռ փուլերուն չըսաւ, «մենք չկանք» կամ «մենք յոգնեցանք ու պիտի հեռանանք» այլ դարձաւ վկայութեան արժանի եւ իր երկրին կապուած համայնք մը:

 

Այս բոլորէն զատ ռուսական կողմին ունեցած ուժը եւ տագնապին մէջ Մոսկուային վերապահուած եւ «նուաճուած» դերը բախտորոշ է ու հոս է նաեւ, որ սուրիահայութիւնը կարեւոր եւ քուլիսային ակնկալիքներ կրնայ ունենալ ՀՀ իշխանութիւններէն: Այս բոլորը անշուշտ, որպէս ապրի եւ գոյատեւէ Թուրքիոյ սահմանակից եւ իր ռազմավարական դիրքով այնքան կարեւոր սուրիահայ գաղութը:



    Լրահոս
    Հայ եկեղեցի
    Խմբի գործողություններն ուղղված են ոչ միայն Հայոց Կաթողիկոսի դեմ, այլև ընդհանրապես՝ Եկեղեցու դեմ
    Օրացույց
    Ամենաընթերցված
    Եկեղեցական օրացույց
    /