• USD 482.65
  • GBP 646.46
  • EUR 566.1
  • RUB 7.86
  • GEL 194.94
Մայիս 25, 2018
«Մեր կուսակցության նախաբանն է Ժողովրդին, ժողովրդով, ժողովրդի համար:

Այժմ ցանկանում եմ հայտարարել՝ այսուհետ մեր նախաբանն է Երիտասարդներին, երիտասարդներով, երիտասարդ Հայաստանի համար: Կեցցեք բոլորդ: Շուտով այնքան զորանանք, որ անցնենք Արաքսի մյուս ափին և Արարատ լեռը մյուս կողմից դիտենք: Գալիք տարի էլ հանդիպենք Վանում...»

Վարդան Նազիրյան, Հայաստանակենտրոն Ռամկավար Ազատական Կուսակցության Գերագույն Խորհրդի Ատենապետ

Աշխարհի ձայն, Հայաշխարհի ձայն, Լրահոս, Մեր ձայնը, Խմբագրական
31.01.2018 | 08:01

Հ.Հ. Գանատայի Մօտ Արտակարգ եւ Լիազօր Դեսպան Լեւոն Մարտիրոսեան Կ'ընդունի Մոնթրէալի Ռ.Ա.Կ. եւ Թէքէեան Մշակութային Միութեան Ներկայացուցիչները

Շաբաթ 27 Յունուար 2018-ին, Մոնթրէալ ՌԱԿ Էօժէն Փափազեան Ակումբի, Թէքէեան Մշակութային Միութեան եւ «Ապագայ» շաբաթաթերթի վարչական ներկայացուցիչները, գլխաւորութեամբ Ռ.Ա.Կ. Գերագոյն Խորհուրդի անդամ Դոկտ. Արշաւիր Կէօնճեանի պաշտօնական այցելութիւն մը տուին Գանատայի մօտ Հ.Հ. Արտակարգ եւ Լիազօր Դեսպան Պրն. Լեւոն Մարտիրոսեանին, Օթթաուա-ի Հ.Հ. Դեսպանատան մէջ.

Մօտ երկու ժամ տեւող ջերմ մթնոլորտի մէջ կայացած այս այցելութեան ընթացքին, Վսեմաշուք Դեսպանը լայն տեղեկութիւններ տուաւ Հայաստանի մէջ այս օրերուն, քաղաքական, տնտեսական եւ այլ բնագաւառներուն մէջ տեղի ունեցող կոնկրէտ եւ դրական կարեւոր զարգացումներուն մասին:

Ապա, պրն. դեսպանը յատուկ կերպով մանրամասնեց եկող ամիսներուն ընթացքին Երեւանի մէջ տեղի ունենալիք կարեւոր նշումշները: Յաջորդաբար, Հայաստանի Պետականութեան Հարիւրամեակը, Երեւանի 2800 ամեակը եւ մանաւանդ Համաշխարհային Ֆրանքօֆոն-ի համաժողովը որ տեղի պիտի ունենայ Հոկտեմբեր ամսուայ ընթացքին եւ ուր անձնապէս ներկայ պիտի ըլլան աւելի քան յիսուն երկիրներու պետական գլուխները իրենց պաշտօնական շրջապատով:

Մասնաւորելով Գանատայի պարագան, պարոն դեսպանը տեղեկացուց թէ Գանատայի Վարչապետ Ճասթին Թրուտօն ներկայ ըլլալով այս համաժողովին, ընդունած է երկարաձգել իր այցելութիւնը, այս անգամ որպէս Գանատական Պետական Պաշտօնական այցելութիւն Հայաստանի Պետութեան:

Փոխադարձ խօսակցութեան ընթացքին ՌԱԿ եւ Թէքէեան Մշակ. Միութեան ներկայացուցիչները տեղեկութիւններ եւ բացատրութիւններ տուին Մոնթրէալահայ գաղութին մէջ երկար տարիներէ ի վեր, կազմակերպութեան տարած անցեալի եւ ներկայի լայնածաւալ եւ արդիւնաշատ գործողութեանց մասին:

Ջերմ այս հանդիպման վերջաւորութեան պրն. դեսպանը իր գնահատանքը եւ յաջողութեան մաղթանքները յայտնեց այցելու պատուիրակութեան որուն պատասխանելով ՌԱԿ եւ Թէքէեանի ներկայացուցիչները փոխադարձ մաղթանքներով իրենց հաստատ պատրաստակամութիւնը յայտնեցին կարելի բոլոր ձեւերով, ի պահանջել յարկին, օգտակար հանդիսանալու Հայաստանի երիտասարդ եւ կորովի Դեսպանին գործունէութեանց:

 

Ոտքի ձախէն աջ, Աւետիս Պագգալեան՝ «Ապագայ»-ի խմբագիր, Աբրահամ Տէմիրճեան, Աւետիս Ճիհանեան, Դոկտ. Արշաւիր Կէօնճեան, Դեսպան Լեւոն Տէր Մարտիրոսեան, Արա Պալեան, Արթօ Մանուկեան, Տօքթ. Հրայր Տէր Գէորգեան, Պարգեւ Նազարէթեան եւ Նուպար Պապիկեան:

 

 

 



    Լրահոս
    ՌԱԿ
    ՌԱԿ պատվիրակությունը հանդիպել է ՀՀ նախագահ Արմեն Սարգսյանի հետ
    Օրացույց
    Ամենաընթերցված
    Եկեղեցական օրացույց
    /