Փետրվար 21, 2018
Ղարաբաղը ապացուցեց, որ անկասելի է ժողովրդի միասնության ուժը

Կ.Գ

Գլխավոր լուր, Աշխարհի ձայն, Հոդվածներ, Լրահոս
07.02.2018 | 16:01

Ո՞ր կողմին ձեռնտու էր ռուսական «Սու-25»ին վար առնուիլը

Սուրիոյ մէջ օրեր առաջ վար առնուած ռուսական Սու-25 օդաչուին դին երէկ յանձնուեցաւ ռուսական մարմիններուն:

Արաբական շարք մը լրատուական ծառայութիւններ այս լուրը վերլուծելու փորձ կատարելով գրեցին, որ Ռոման Ֆիլիփովի դին ռուսական կողմին յանձնուած է թրքական կողմին անմիջական «օգնութեամբ»: Եթէ մէկդի դնենք թրքական կողմին «մարդասիրական» մօտեցումը, ապա նաեւ քննարկման թեմա պէտք է դարձնել, թէ որ կողմին ձեռնտու է ռուսական կործանիչին վար առնուիլը:

Ռազմական առումով վերջին շաբաթներուն Սուրիոյ բանակին ու անոր զօրակցող կողմերուն գետնի վրայ գրանցած յաղթանակները անհանգստութիւն սկսած են պատճառել ոչ միայն ամերիկացիներուն, այլ նաեւ թրքական կողմին: Խնդիրն այն է, որ Սուրիոյ բանակը շատ հաստատակամ քայլերով կ'ուղղուի դէպի Իտլիպի մերձ գտնուող Սարաղէպ քաղաք, որ կը համարուի Իտլիպին տիրանալու գլխաւոր բանալին: Այլ կերպ ասած այն կողմը, որ կը գրաւէ Սարաղէպը յառաջիկայ օրերուն ալ իր տիրապետութեան տակ պիտի առնէ ամբողջ Իտլիպը: Շուրջ 100 հազար բնակչութիւն հաշուող Իտլիպի մէջ այսօրուան դրութեամբ գտնուող հիմնական ուժերը կը ղեկավարուին Անգարայի կողմէ ու այս առումով ալ Թուրքիոյ իշխանութիւններուն համար երբեք ալ նպատակայարմար չէ յատկապէս այս փուլին կորսնցնել «Իտլիպի խաղաքարտ»ը:

Չպէտք է մոռնալ նաեւ, որ այսօր կը լրանայ «Ձիթենիի ճիւղ» անունով գործողութեան 17-րդ օրը: Անգարայի նախաձեռնած այս գործողութիւնը, որ հիմնականին մէջ նպատակ ունի «ցաւցնել» Հալէպի հիւսիսային սահմանային շրջաններուն եւ յատկապէս Աֆրինի ու անոր 366 գիւղերուն մէջ տեղակայուած քրտական զինեալ ջոկատները չէ յաջողած ակներեւ յառաջխաղացք մը իրականացնել:

 

Ու ատոր փոխարէն թրքական հրետանին կը հարուածէ այդ շրջանի անզէն քաղաքայիններու բնակավայրեր որուն ն հետեւանքով ալ քաղաքային զոհերուն թիւը անցած է 130-ը իսկ վիրաւորներուն 330-ը:

Աֆրինը ամէն գնով կը շարունակէ դիմադրել Թուրքիոյ ներխուժման փորձին ու յստակ է նաեւ, որ շրջանի քիւրտերը վճռած են մինչեւ վերջ տանիլ իրենց պայքարը:

Աֆրինի պարագան կը տարբերուի Իտլիպէն, ուր նաեւ շատ հաւանական է, որ PYD-ի դրօշին տակ մէկտեղուած քիւրտ զինեալներ գործակցութեան նոր ճանապարհ մը բանան Սուրիոյ բանակին հետ, որուն այդ շրջան մուտք գործելն ալ պիտի փոխէ բոլոր «նախատեսուած» սենարները:

 

Իսկ ինչ կը վերաբերի Իտլիպին ապա յստակ է, որ եթէ փորձենք վերլուծել յառաջիկայ օրերուն այդ շրջանին մէջ տեղակայուած իսլամիստներուն ճակատագիրը ապա բացայայտ է, որ անոնք կողմնակից չեն որեւէ ձեւի համաձայնութեան: Սուրիոյ իշխանութիւններուն ու արդէն ռուսական ուժերուն համար ալ շատ յստակ է, որ Իտլիպը այսօրուան կտրուածքով կը համարուի սուրիական մարմնին վրայ գոյացած «չարորակ ուռ» մը, որուն մաքրման համար անհրաժեշտ է «վիրաբուժական» գործողութիւն մը:

Այլ հարց, թէ երբ եւ ինչ պայմաններու տակ տեղի կրնայ ունենալ այդ գործողութիւնը եւ ատոր դիմաց ինչ գին պիտի վճարէ Սուրիա- Ռուսաստան զինուորական դաշինքը:

 

Վերադառնալով Իտլիպի վերեւ վար առնուած ռուսական կործանիչի խնդրին մասին ու եթէ հաշուի առնենք Սուրիոյ մէջ այսօր առկայ ընդհանուր իրադրութիւնը ապա յստակ է, որ Անգարայի համար այդ դէպքը Ռուսական կողմին որոշ պատգամներ փոխանցելու ձեւ մըն է: Պատգամ, որ միայն թրքական չէ այլ նաեւ ամերկեան ու այս առումով ալ կը հիմնաւորուի այն մօտեցումը, որ վերջին օրերուն Իտլիպի շուրջ կարեւոր առաջխաղացում արձանագրող սուրիական բանակին առաջ երթալը նպատակայարմար չէ այդ ուժերուն համար, որոնք մեծ նեցուկ կը ստանան ռուսական օդուժէն:

 

Այս բոլորէն անդին կարեւոր է ռուսական կողմին հակազդեցութիւնը, յատկապէս որ առաջին անգամը չէ որ ռուսական կործանիչ մը կ'իյնայ Իտլիպի վերեւ:

Նոյնը տեղի ունեցած էր 2016 թուականին:

Յստակ է նաեւ, որ այսօր Մոսկուայի ղեկավարութիւնը պատրաստ չէ մեծ գործողութիւններ կատարել տրուած ըլլալով, որ Ռուսաստան բաւական «զբաղած» է եւ կը պատրաստուի նոր նախագահի մը ընտրութեան, որ պիտի կայացուի յառաջիկայ մարտին:

 

Հատուկ Հայ ձայնի համար



    Լրահոս
    Արցախ
    Պատմական որոշում, որի հետևում ժողովուրդն էր կանգնած
    Օրացույց
    Ամենաընթերցված
    Եկեղեցական օրացույց
    /