• USD 480.13
  • GBP 670.45
  • EUR 587.25
  • RUB 7.74
  • GEL 196.17
Ապրիլ 24, 2018
Մեր ժողովուրդը կարողացավ վերապրել այդ արյունալի աղետը և նորից շենացնել հարազատ հողը և պաշտպանել այն

 

Բակո Սահակյանի ուղերձը Հայոց ցեղասպանության զոհերի հիշատակի օրվա առթիվ

Գլխավոր լուր, Հոդվածներ, Լրահոս
08.02.2018 | 12:50

«Ազգիս հայոց, սէր միութիւն»

«Մինչեւ Պատրիարքը չմեռնի, դուք նոր Պատրիարք մը պիտի չկարողանաք ընտրել»

 

Պոլսոյ մէջ տեղի ունեցած վերջին օրերու զարգացումները ցոյց կու տան, որ Թուրքիոյ իշխանութիւնները ոչ մէկ կերպ հետաքրքրուած են նոր Պատրիարքի ընտրութեան խնդրով: Աւելին Անգարայի կողմէ այս նուրբ հարցին համար լիազօրութիւններ ունեցող ներքին գործոց նախարար Սուլայման Սոյլու երէկ հանդիպելէ ետք համայնքը ներկայացնող պատուիրակութեան անդամներուն հետ բառացիօրէն ըսած է, որ «մինչեւ Պատրիարքը չմեռնի ապա դուք նոր Պատրիարք մը պիտի չկարողանաք ընտրել»:

Սոյլու, որուն յարիր է օգտագործել «թրքական դիւանագիտութեան» ամէնէն նուրբ «տերմիններ»ը կրնար նաեւ ըսել՝ «ձեզի արգիլուած է Պատրիարք մ'ունենալ»:Իրաւական առումով ալ թուրք պաշտօնեային կատարած յայտարարութիւնները կամ ցուցաբերած մօտեցումը ունին մէկէ աւելի խոցելի երեսակներ:

Խօսքը միայն նոր Պատրիարք ընտրել-չընտրելու մասին չէ, այլ այն մասին, որ Անգարա բացայայտ կերպով կ'անտեսէ Պոլսոյ Միաբանաական բարձր ժողովի բոլոր որոշումները ու յատկապէս Պատրիարաքական ընդհանուր փոխանորդ Արամ արք. Աթէշեանին նախօրօք ներկայացուցած հրաժարականը:

Կայ նաեւ հարցերուն վերաբերելու Անգարայի ժամկէտներուն «էնթրիկային» բաժինը, որ մեծաւ մասամբ կը բանայ «խաղ»ին քողարկուած մասը:

Հարցում, ինչու տասնըմէկ երկար ամիսներու սպասումէ ետք Անգարա դիմեց այս քայլին, բան մը որ կրնար ընել աւելի վաղ:

Յետոյ ինչ պատահեցաւ, որ այսքան «խիստ» ոճով մը յայտարարեց, որ «մոռցէք նոր պատրիարք մը ընտրելու հարցը եւ յիշեցէք, որ ունիք ողջ բայց հիւանդ Պատրիարք մը» մինչ նոյն Անգարան աւելի վաղ մէկէ աւելի առիթներով յայտարարած էր, որ իրենք ամէն բան պիտի ընեն, որպէսզի Պոլսոյ հայկական համայնքը ընտրէ իր նոր 85-րդ Պատրիարքը:

 

Ուրեմն ենթադրելի ու բացայայտ է, որ Անգարայի ընդհանուր կեցուածքներուն փոփոխութիւնը եւ յատկապէս մատները դէպի Մութաֆեան Պատրիարքին ուղղելը պատահական չէ:

Հիմա ինչ ենթադրութիւններ են պէտք, որպէսզի աւելի յստակ կերպով հասկնալի դառնայ, որ Անգարայի «խաղացած» խաղը զուտ «թրքական խաղ մը» չէ, այլ անոր մէջ կան բազմապիսի երեսակներ ու յստակօրէն կ'երեւի, որ այս «խաղ»ը առաջ քաշող կողմը «ներսէն» գիտէ Պոլսոյ հայկական համայնքը:

Մտահոգիչը միայն Պատրիարքի աթոռին թափուր մնալը չէ, այլ համայնքին ընդհանուր իրավիճակը եւ պառակտումը, որուն վրայ ալ Անգարա հանգիստ կերպով «իր երգը կ'երգէ»:

Ու տխուրն այն է, որ ներ-հայկական ճակատին վրայ գոյութիւն ունեցող այս վիճակը, օտարումը, ատելութիւնը, անմիաբանութիւնը նորութիւն մը չեն ու միայն Պոլսոյ մէջ չէ, որ այդ անմիաբանութիւնը կ'ուրուագծուի:

Պարզապէս մեզի բոլորիս համար շատ աւելի «հաճելի»է Պոլսոյ մասին գրել, խօսիլ ու նոյնիսկ պոռալ, որովհետեւ հոն կայ եւ կը գործէ թուրքի ֆաքթէօրը:

Այլապէս ալ անմիաբանութեան եւ ուժերու ջլատման տասնեակ պարագաներ կան, որոնց մասին մենք կը դժուարանանք խօսիլ կամ պարզապէս «հաշիւ կ'ընենք» անոնց մասին խօսելէ առաջ:

Սուրբ պատարագի ընթացքին հայ ժողովուրդի «նախասիրած» երգեցողութիւններէ մին «Տէր ողորմիա»ն է: Այդ մաղթանքը, բաւական լալագի՜ն, հառաչագի՜ն եւ մաղթանքներով հարուստ ցաւի երգ մըն է, որուն կատարման ընթացքին հաւատցեալները իրենց հանգուցեալներուն համար հոգիի հանգստութիւն կը հայցեն ու իրենց համար մխիթարութիւն: Անոնք նաեւ կը հայցեն «ազգիս Հայոց սէր միութիւն»:

Պատարագի այդ հատուածը բնականաբար յատկացուած է հանգուցեալներուն: Հին ու նոր հանգուցեալներ, ծանօթ եւ անծանօթ մեռելներ, անոնց որոնք դժուարին պայմաններու, հիւանդութեան, տխուր պատահարներու եւ աղէտներու ընթացքին հեռացան, անշուշտ խոստանալով անոնց «երկնքի արքայութիւն» եւ յիշելով ու յիշատակելով, որ օր մը «ծովն ալ իր մեռելները պիտի տայ» եւ բոլոր մեռեալները Քրիստոսի յարութեան ուժով «ոտքի պիտի ելլեն» եւ իրենց յաւիտենական կեանքը շարունակեն... Այստեղ է նաեւ, որ այդ մաղթանքին մէջ տեղ մը լսելի կը դառնայ «ազգիս հայոց սէր միութիւն»ը , որպէս մշտական ապաւէն ու մաղթանք ողջ ազգի մը, որ երբեք չէ սորված իր պատմութեան դասերէն:

 

«Հայ Ձայն»ին իր տուած հարցազրոյցին ընթացքին Արեւելեան Ամերիկայի Թեմի Առաջնորդ Տ. Խաժակ արք. Պարսամեան անդրադարձ ընելով Պոլսոյ Տ. Մեսրոպ արք. Մութաֆեանի Պատրիարքին մասին նկատել կու տար, որ Պատրիարքը անդառանալիօրէն հիւանդ է եւ մենք, որպէս քրիստոնեաներ կը հաւատանք հրաշքին ու այս պարագային ալ միայն հրաշքն է, որ կրնայ փրկել Մութաֆեան Պատրիարքը:

Անգարայի պաշտօնեային երէկ յայտարարածին եւ հայ ժողովուրդին «հրաշք»ի մը սպասելուն վերաբերալ հասարակաց գիծ մը կայ:

Բաւական ծանր, տխուր եւ կրօնաւորի մը մահուան կամ ապրելու յոյսին մէջ ներփակուած:

Ու տխուրն այն է, որ մեզի յայտնի կամ անյայտ խողովակներու միջոցով այս թէզին զարգացման մէջ դեր մը վերցուցած են հայեր, որոնք երբեք չեն ուզած հասկնալ Պատարագի ընթացքին հնչող «Տէր ողորմիա»ի իրական պատգամը:

 

Հատուկ Հայ ձայնի համար



    Լրահոս
    ՌԱԿ
    Զուտ ազգային, ապաքաղաքական երթ՝ դեպի Ծիծեռնակաբերդ. ՌԱԿ հայտարարությունը
    Օրացույց
    Ամենաընթերցված
    Եկեղեցական օրացույց
    /