• USD 482.27
  • GBP 632.79
  • EUR 567.63
  • RUB 7.31
  • GEL 183.9
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Գլխավոր լուր, Հոդվածներ, Լրահոս
20.02.2018 | 14:34

Աֆրինը քիւրտերուն համար «վե՞րջ կամ սկիզբ»

Ռուսիոյ արտաքին գործոց նախարար Սէրկէյ Լաւրով օրերս քիւրտերուն մասին խօսած է: Ան ըսած է, որ Ռուսաստան խորապէս մտահոգուած է Սուրիոյ քիւրտերու ընդհանուր կեցուածքով. «Մենք խորապէս մտահոգ ենք, որ Սուրիոյ քիւրտերը, որպէս գործիք կը ծառայեցուին կարգ մը ուժերու կողմէ, որոնք նպատակ դրած են մասնատել Սուրիան»: Լաւրով նաեւ չէ թաքցուցած, որ Սուրիան մասնատելու հիմնական ծրագիրը կը պատկանի Միացեալ Նահանգներուն ու ան այդ առումով ըսած է «Մենք Միացեալ Նահանգները կը զգուշացնենք, որպէսզի Սուրիոյ մէջ կրակի հետ չխաղան»:

Ամէն պարագայի տակ մէկ ամիս երկարած մարտերէն ետք Սուրիոյ բանակին Աֆրին մուտք գործելը նոր դրութեան մը հասունացման մասին կը խօսի:

Թուրքիա, որ ուշի ուշով կը հետեւի այս գետնի վրայ տեղի ունեցող զարգացումներուն իր արտաքին գործոց նախարարին բերնով յայտարարած է, որ «եթէ սուրիական բանակը Աֆրին մտնելով պիտի պայքարի քիւրտ ահաբեկիչներուն դէմ ապա մենք խնդիր չունինք, իսկ եթէ պիտի օժանակէ անոնց, ապա մենք պատրաստ ենք պատերազմը շարունակելու»:

 

 

Հակառակ կարգ մը վերլուծաբաններու այն կարծիքին, որ սուրիական ուժերուն դէպի Աֆրին մուտք գործելը սուրիական «խաղ»ին մէջ իր խօսքը ունեցող եռակողմ դաշինքի այսինքն Դամասկոսէն բացին ՝ Մոսկուայի եւ Թեհրանի «կանաչ լոյս»ը ունի, հետեւաբար նաեւ Անգարա «ըմբռնում»ով պիտի ընդունի այդ քայլը, բայց այս մօտեցումը վերջնականօրէն «հաստատուած» մօտեցում մը չէ: Երբ Աֆրինի, հետեւաբար այդ հատուածներուն մէջ տեղակայուած քրտական ուժերուն մասին կը խօսինք, ապա նաեւ յստակ կը դառնայ, որ այդ ջոկատներուն յառաջիկայ օրերուն որդեգրելիք ընդհանուր կեցուածքը պիտի վեաբերի, ոչ միայն Աֆրինին այլ բոլոր այն հատուածներուն, ուր այսօր քիւրտերը «խօսք ունեցող» ուժ մըն են:

Եւ այս առումով գլխաւոր հարցումը, որ կը ծագի այն է, որ երկար ամիսներէ ի վեր քրտական «հայրենիք»ի մը երազով ապրած քիւրտերը պատրաստ են ետ Սուրիոյ կառավարութեան «գիրկը մտնել», կամ թէ շարունակեն իրենց սկսած պայքարը:

Բաց աստի կայ նաեւ Սուրիոյ բանակին հետ բախումներու երթալու հաւանականութիւնը, որ հակառակ այս օրերու կողմերուն միջեւ «բարի դրացիական» կապերուն կրնայ յանկարծ «շուռ գալ» եւ ընդունիլ պատերազմական նոր վիճակ մը:

Հետաքրքական է նաեւ, որ Սուրիոյ բանակի բարձրագոյն հրմանատարութիւնը քիւրտերուն հետ համաձայնութիւն մը կնքած է, ուր ոչ մէկ բառ կայ քիւրտերուն զինաթափութեան մասին: Ու սուրիական կողմին այս համաձայնութիւնը, իր մէջ կը պարփակէ բաւականին ուշագրաւ «պատգամներ»:

 

Կամ այն է, որ ներկայիս քիւրտերու զինաթափուելու խնդիրը սեղանի վրայ չէ, կամ ալ քրտական կողմը իր յոժարութիւնը յայտնած է օրերս կողմերուն միջեւ կնքուած համաձայնութեան կարգ մը «գաղտնի» կէտերուն: Ամէն պարագայի բացայայտ է, որ Սուրիոյ այդ հատուածներուն մէջ քիւրտերը դեռ ըսելիք ունին, մանաւանդ որ անոնց մօտ եղած զէնքերը արդիական գետնի վրայ առաւելութիւն «կորզող» ամերիկեան զինատեսակները են:



    Լրահոս
    «Հայաստան» համահայկական հիմնադրամի տնօրենի պաշտոնում նշանակվել է Հայկակ Արշամյանը
    Օրացույց
    Ամենաընթերցված
    Եկեղեցական օրացույց
    /