• USD 482.27
  • GBP 632.79
  • EUR 567.63
  • RUB 7.31
  • GEL 183.9
Սեպտեմբեր 24, 2018
Հպարտանում եմ

Ես հպարտ եմ իմ ճյուղերով ու սաղարթով

Բայց առավել՝ իմ արմատով

Եվ իմ բնի վաղեմությամբԺողովրդիս ծերունական 

Խիստ բնական խոհեմությամբ,

Բայց ավելի՝ Նոր շիվերի դալարությամբ -

Նրա ջահել որդիներից հենց լավերի խելառությամբ... 

ՊԱՐՈՒՅՐ ՍԵՎԱԿ

Հայաշխարհի ձայն, Լրահոս, Մեր ձայնը, Խմբագրական, Հայաստան
21.02.2018 | 12:31

Գիրք նվիրելու օրը ՌԱԿ Շիրակի մարզային գրասենյակում (Տեսանյութ, լուսանկարներ)

Փետրվարի 19-ը՝ Հովհաննես Թումանյանի ծննդյան օրը, արդեն 10 տարի Հայաստանում տոնվում է նաև որպես Գիրք նվիրելու օր:

ՌԱԿ Շիրակի մարզային գրասենյակում այդ օրը հյուրընկալվել էին մարզի բազմաթիվ գրողներ, երիտասարդ ստեղծագործողներ, գրադարանավարներ, գրահրատարակիչներ, գրականագետներ և թարգմանիչներ, խմբագիրներ, գրքի ձևավորողներ, մանկավարժներ, մտավորականության ներկայացուցիչներ, ուսանողներ և դպրոցականներ, ասել է թե՝ ողջ գրքասեր հասարակությունը:

 

Միջոցառումն իր օրհնանքի խոսքով և Տերունական աղոթքով սկսեց ՀԱԵ Շիրակի թեմի հոգևոր հովիվ Տեր Հակոբ քահանա Գրիգորյանը՝ գրասենյակին և գրադարաններին նվիրելով մեկական Նոր Կտակարան:

Շնորհավորելով Ամենայն հայոց բանաստեղծի ծննդյան 149-ամյակը՝ ներկաները խոսեցին նրա՝ ինչպես հայ գրականության զարգացման, այնպես էլ հայապահպանության և ազգային միասնության գործում ունեցած անգնահատելի ավանդի մասին:

 

 

Իրենց ստեղծագործություններն ընթերցեցին մարզի գրողների միության նախագահ Անդրանիկ Կարապետյանը, բազմաթիվ գրողներ ու երիտասարդ ստեղծագործողներ:

Իրենց գրքերից 1-ական օրինակ՝ թվով 23 հատ, հեղինակները սեփական մակագրությամբ նվիրեցին նորաստեղծ ՌԱԿ մարզային գրադարանին՝ փոխադարձաբար նվեր ստանալով 1-ական գիրք իրենց ընտրությամբ՝ «Փանոս Թերլեմեզյան» երիտասարդական ակումբի կողմից՝ 83 գիրք ընդհանուր քանակությամբ:

 

 

Ներկաները հույժ կարևորեցին գրքի, հատկապես տպագիր գրքի նշանակությունը մեր հասարակության կյանքում, ողջունեցին ՌԱԿ մարզային գրասենյակում գրադարան հիմնելու նախաձեռնությունը, գրողների հետ ընթերցողների, հատկապես ուսանողների և դպրոցականների հետ հաճախակի հանդիպման, շնորհանդեսների կազմակերպման անհրաժեշտությունը:

 

 

 Միջոցառումն անցավ դասական երաժշտության ուղեկցությամբ, ջերմ մթնոլորտում՝  եզրափակվելով մտերմիկ թեյախմությամբ:

 

  

 

 

Անուշ Հեքիմյան

 

ՌԱԿ «Փանոս Թերլեմեզյան» երիտասարդական ակումբի անդամ, բանաստեղծուհի

 

 

 

 

 

 



    Լրահոս
    «Հայաստան» համահայկական հիմնադրամի տնօրենի պաշտոնում նշանակվել է Հայկակ Արշամյանը
    Օրացույց
    Ամենաընթերցված
    Եկեղեցական օրացույց
    /