• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 24, 2018
Անկախությունը մարդու ծնվելու, ապրելու, սիրելու պես մի բան է

Անկախությունը բացարձակ արժեք էախր, ինչպե՞ս կարելի է  հարցնել՝ ի՞նչ կարծիք ունես անկախության մասին, դա նույնն է, թե ասես՝ ի՞նչ կարծիքի ես ծնողիդ մասին: Այս ծանր փորձությունների գնով անգամ՝ Անկախությունը քննարկման կարիք չունի: Անկախությունը մարդու ծնվելու, ապրելու, սիրելու պես մի բան է: Ամեն ինչի հավաքականությունն է Անկախությունը:

ՎԱԶԳԵՆ ՍԱՐԳՍՅԱՆ

Գլխավոր լուր, Հոդվածներ, Լրահոս
23.02.2018 | 13:35

Դամասկոսը, Ղութան եւ Սուրիոյ «անկարելի» խաղաղութիւնը

Այսօր երեկոյեան ՄԱԿ-ի անվտանգութեան խորհուրդը պիտի քուէարկէ օրինագծի մը վրայ, որուն հիմքով Սուրիոյ մէջ մէկ ամսուան հրադադար պիտի յայտարարուի: Առանց նախապայմաններու հրադադար յայտարարելու օրինագիծը առաջարկն է Քուէյթի ու ներկայ պահու դրութեամբ շատ հաւանական է, որ Անվտանգութեան Խորհուրդի բոլոր անդամները «այո՛» քուէարկեն այս օրէնքին: Սուրիոյ խնդիրը դարձեալ ՄԱԿ-ի ամպիոն կը հասնի յատկապէս Դամասկոսի մէջ տիրող ծանր դրութեան հետեւանքով: Խօսքը անշուշտ մայրաքաղաք Դամասկոսի մասին է, ուր Սուրիոյ բանակը յատկապէս անցնող օրերուն զինոորական մեծ կուտակումներ կատարած էր նպատակ ունենալով վերջնականապէս «մաքրել» Ղութա գիւղաւանն ու անոր շրջակայ շրջանները, որուն մէջ տեղակայուած ահաբեկչական խմբաւորումները վերջին ամիսներուն թիրախ դարձուցած են մայրաքաղաքի խաղաղ բնակչութեան թաղամասերը: Զինուորական առումով թէժացած իրավիճակին հիմնական զոհերը բնականաբար ահաբեկիչ զինեալները չեն, այլ յատկապէս մայրաքաղաքի երկու կողմերը բնակող անզէն քաղաքացիները:

Այստեղ պէտք է նշել, որ Սուրիոյ կառավարութիւնը մէկէ աւելի առիթներով փորձեց ահաբեկիչներուն հետ «լեզու գտնել», որպէսզի ինչպէս Սուրիոյ այլ շրջաններու պարագային այդ շրջանին մէջ եւս համաձայնութիւն գոյացուի եւ զինեալները հեռանան, սակայն ի զուր:

Նոյն առումով կարեւոր նախաձեռնութեամբ մը հանդէս եկաւ Ռուսաստանը, որ նոյնիսկ յատուկ բանագնացներ ուղղարկեց եւ փորձեց «համոզել» «Ալ Նուսրա»ի պատասխանատուները, որպէսզի համաձայնութեան սեղանին նստելու: Մոսկուա նոյնպէս ձախողեցաւ իր խաղաղարար առաքելութեան մէջ, որմէ ետք ալ ահաբեկիչ զինեալներ սկսան ամէնօրեայ դրութեամբ հարուածել խաղաղ բնակչութեան շրջանները: Այս բոլորէն ետք է, որ սուրիական բանակը վճռեց վերջին երկու տարիներուն ամէնէն մեծ զինուորական կուտակումները կատարելով պատրաստուիլ վճռական գործողութեան: Տեղին է յիշեցնել, որ Ղութայի մէջ կ'ապրին շուրջ 25 հազար սուրիացիներ, որոնք յայտնուած են մարդկային ծանր վիճակներու մէջ: Աւանին մէջ գործող հիւանդանոցները նոյնպէս յայտնուած են գրեթէ անդամալուծուած վիճակի մը մէջ եւ այս բոլորին կողքին բացայայտ է, որ մօտիկ անցեալին Անգարայի, Քաթարի եւ Սէուտական Արաբիոյ նեցուկը ստացող ահաբեկիչները որդեգրած են անզէն բնակիչները «մարդկային վահան» դարձնելու ռազմավարութիւնը:

Չենք կրնար ըսել, որ ահաբեկիչները այսօր ալ վերը նշուած երկիրներուն անմիջական նեցուկը կը ստանան կամ ոչ, բայց յստակ է, որ արեւմտեան թեւի երկիրները գլխաւորութեամբ Միացեալ Նահանգներուն կտրականապէս դէմ են, որ «ընդդիմութիւն»ը վերջնականապէս կորսնցնէ Ղութան եւ անոր յարակից հատուածները: Հոս է նաեւ, որ պարզ կը դառնայ, թէ ինչ պատճառներով եւ ինչո՞ւ Ղութայի հարցը ՄԱԿ-ի Ապահովութեան Խորհուրդի ամպիոն կը տարուի: Հաւանականութիւն կայ, որ Մոսկուա Վեթոյի իր իրաւունքը գործածէ կանխելու համար մէկ ամսուան եւ առանց նախապայմաններու հրադադար յայտարարելու օրինագիծի ընդունումը, բայց եւ այնպէս Մոսկուայի համար այդպիսի Վեթոի մը օգտագործումը պիտի ունենայ իր վատ ազդեցութիւնները, որովհետեւ խնդրին էութիւնը այսօր մարդկային այն բարդ իրավիճակն է, որուն մէջ է Ղութա շրջանը:

Այլ առումով ալ Ղութան այսօր դարձած է սուրիական արդէն եօթ տարեկան հակամարտութեան կարեւորագոյն փուլերէն մին, որուն հանգուցալուծումը կրնայ ընդհանրապէս ուշանալ, պարզ այն պատճառով, որ այս պատերազմին մէջ ազդեցիկ խօսք ունեցող կողմերէն ոչ մէկը նպատակ ունի Սուրիան եւ անոր ժողովուրդը դէպի խաղաղութեան ափ առաջնորդել:

 

Հատուկ «ՀԱՅ ՁԱՅՆ»ի համար


    Լրահոս
    Օրացույց
    Ամենաընթերցված
    Եկեղեցական օրացույց
    /