• USD 483.1
  • GBP 615.42
  • EUR 551.12
  • RUB 7.2
  • GEL 189.17
Օգոստոս 21, 2018
Ամենամեծը ժողովուրդն է

Մարդիկ մեծանում են մեծերի հետ գործ ունենալով,իսկ ամենամեծը ժողովուրդն է, բոլոր մեծ ստեղծագործողները աշակերտներ են անմահ մեծ ժողովրդի:  

                                                                                           ՀՈՎՀԱՆՆԵՍ ՇԻՐԱԶ

Հայաշխարհի ձայն, Լրահոս, Միջին Արևելք
07.03.2018 | 16:31

Կարօ Փայլան` իշխանութիւններուն. «Թուրքիոյ մէջ դուք կրնաք ճնշում բանեցնել, բայց աշխարհի վրայ 12 միլիոն Հայ կայ ու տէր կը կանգնին մեր պատրիարքարանին»

 Թուրքիոյ Խորհրդարանի հայ երեսփոխան Կարօ Փայլան կրկին բարձրացուցած է Պոլսոյ Հայոց պատրիարքի ընտրութեան հարցը ու յայտարարած, որ պատրիարքարանը այժմ յայտնուած է «պատանդ»-ի կարգավիճակի մէջ:

Պետութեան հետ մօտ կապեր ունեցող մէկը կը գրաւէ Պոլսոյ Հայոց պատրիարքի փոխանորդի պաշտօնը, այսինքն՝ պետութիւնը իշխանական վերահսկիչ կը նշանակէ պատրիարքարանին։ Դուք կրնաք Թուրքիոյ մէջ նման ճնշում բանեցնել Հայութեան նկատմամբ, սակայն աշխարհի վրայ 12 միլիոն Հայ կայ ու գրեթէ բոլորն ալ արմատներով Անատոլիայէն են, բոլորն ալ տէր կը կանգնին մեր պատրիարքարանին, միայն թէ հիմա ան կը գտնուի պատանդի կարգավիճակի մէջ”, ըսած է Փայլան:

Կայ իրականութիւն մը՝ Աթէշեան չի վայելեր աշխարհի Հայութեան յարգանքը։ Այս տագնապի լուծման միակ միջոցը քուէատուփն է։ Այս քաոսը կրնայ լուծել միայն ընտրութիւնը։ Կազմակերպեցէք այդ ընտրութիւնը՝ մենք կը լուծենք այս հարցը, որ տագնապալից է թէ՛ հայ համայնքին, թէ՛ Թուրքիոյ համար”, շարունակած է ան:

Աշխարհի ո՛չ մէկ անկիւնը կայ նման օրինակ, որ նման աթոռ այսքան երկար տարիներ մնայ թափուր եւ ձգուի այլ մարդու մը ղեկավարութեան ներքոյ։ Այս մարդը չի կրնար տարիներով մնալ այս կարգավիճակին՝ ուղղակի ոչինչ ընելով”, աւելացուցած է հայ երեսփոխանը:

Փայլան յայտնած է, որ այս հարցին մասին զրուցած է նաեւ Թուրքիոյ վարչապետին հետ:

Ես ըսի պարոն վարչապետին՝ ո՞ր համայնքը աւելի ձեռնտու է ձեզի. անկառավարելի դարձած, թուլցա՞ծ պոլսահայ համայնքը, թէ՞ համայնքի կողմէ յարգանք վայելող հոգեւոր առաջնորդ ունեցող ու այս երկրի բոլոր բնագաւառներուն իր ներդրումը ունեցող համայնք. այս տեսանկիւնէն ալ դիտեցէք անգամ մը”, նշած է Փայլան:

 

 

Աղբիւրը՝ Նոր Յառաջ



    Լրահոս
    Օրացույց
    Ամենաընթերցված
    Եկեղեցական օրացույց
    /