• USD 483.14
  • GBP 613.68
  • EUR 549.86
  • RUB 7.16
  • GEL 187.41
Օգոստոս 18, 2018
Հայությանը միավորողը ազգային սերն է

Կա մի բան, որ աշխարհի զանազան ծայրերից կարող է միավորել հայերին հոգով, մտքով և արյունով, այն է՝ ԱԶԳԱՅԻՆ ՍԵՐԸ

Րաֆֆի

Գլխավոր լուր, Հոդվածներ, Լրահոս
08.03.2018 | 18:25

Ինքնութիւն, արմատներ եւ քաղաքական «հաշուեյարդար». Այս մասին կը խօսի Nüfus ve Vatandaşlık İşleri Genel համակարգը

Անցնող օրերուն Թուրքիոյ լայն հասարկութեան մօտ քննարկման թէժ թեմա կը դառնար երկրի կառավարութեան կողմէ «հրապարակ հանուած» համակարգ մը, որուն շնորհիւ Թուրքիոյ ցանկացած քաղաքացի պիտի կարողանար իր անձնական տուեալները մուտքագրելով իմանալ իր նախնիներու ծագման մասին վաւերական տուեալներ: Խնդիրն այն են, որ այս համակարգը կրնար փորձակէտ դառնալ երկրի մը համար, որուն ազգաբնակչութեան կարեւոր մէկ մասը բնիկ թուրքեր չեն: Պոլսահայ նախկին քաղբանտարկեալ եւ տարի մը առաջ Իզմիրի «Ֆուճա» բանտէն խոյս տուած Սեւան Նշանեան իր «51 հարցում Քեմալական Թուրքիոյ կամ սխալ հանրապետութիւն»ը գիրքին մէջ այլ թեմաներու կողքին անդրադարձած է նաեւ ինքնութեան խնդրին:

Ո՞վքեր են Թուրքիոյ այսօրուան քաղաքացիները, ինչ սերում ունին անոնք եւ ինչ կրնանք ըսել այն մասին, որ Թուրքիոյ քաղաքացիներու մեծագոյն տոկոսը թուրքեր չեն: Անցեալ 8 փետրուարին շրջանառութեան մէջ դրուած եւ Nüfus ve Vatandaşlık İşleri Genel անունը կրող համակարգի հիմնական «առաքելութիւն»ը այդ ինքնութեան խնդիրը պարզելը պիտի ըլլայ: Ճիշդ է, որ մօտիկ անցեալին ալ Թուրքիոյ ցանկացած քաղաքացի երկրի դատական համակարգին ուղղելով իր հարցումները պիտի կարողանար, որ ինք արմատներով թուրք մը չէ, այլ յոյն, ասորի, ալեւի, հրեայ եւ նոյնիսկ հայ, այսօր արդէն նշեալ «ինքնութեան համակարգ»ին շնորհիւ տուեալ անձը առանց մարմիններու օգնութեան պիտի կարողանայ իր ինքնութիւնը լիարէք կերպով պարզել: Այլ հարց, որ Թուրքիոյ իշխանութիւնները մտածած կ'ըլլա՞ն այս համակարգին «բերելիք» վտանգներուն մասին, սակայն յստակ է նաեւ, որ նման «ծառայութիւններ» հրապարակ հանելով անոնք ունին յետին նպատակներ:

 

Այլ խօսքով Նէօ-օսմանեան շապիկով «պարուրուած» Անգարայի իշխանութիւններուն համար «խանգարող» հանգամանք մը չի կրնար ըլլալ, այն, որ իրենց համար ընդդիմադիր համարուող ցանկացած կերպարի արմատները սերին ոչ թրքական արմատներէ ու ըլլան, յոյն, ասորի, ալեւի, քիւրտ, հրեայ ու յատկապէս հայ: Այդ տուեալները բնականաբար քաղաքական շահարկման պիտի դրուին ու իշխանութեանց ձեռքը «զէնք» մը դառնալով ծառայել «հեռակայ» նպատակներու: Ճիշդ է նաեւ, որ նման համակարգի մը գործարկումը, կրնայ իր հետ բերել շարք մը անակնկալներ, սակայն ամէն պարագայի դժուար է պատկերացնել, որ ինքնութեան լուրջ տագնապ ապրող Թուրքիան նման համակարգի մը շնորհիւ «ներսէն տրաքի»:

Կայ ենթադրութիւն, որ այս համակարգին համար ամէնէն շատ աշխատող «գոնթէքսթ»ը Անգարայի հակառակորդները «զսպելու» եւ «կարգի հրաւիրել»ու մօտեցումն է:

 

Ի վերջոյ չմոռնանք, որ գործ ունին երկրի մը հետ, որուն նախագահին համար հայ ըլլալը «ամօթ» մըն է: Ինչքան ալ խօսուի, որ Թուրքիան տնտեսական հզօր կարելիութիւններ ունեցող եւ Ամերիկայի ու ՆԱԹՕ-ի «վստահելի» գործընկերն է, մէկ է ան կը շարունակէ մնալ փակ համակարգ ունեցող երկիր մը, որուն յայտնի եւ ոչ յայտնի օրէնքները ստեղծուած են ծառայելու մենատիրական մօտեցումներով երկիրը կառավարող իշխանութեան մը:

 

Հատուկ «ՀԱՅ ՁԱՅՆ»ի համար



    Լրահոս
    Օրացույց
    Ամենաընթերցված
    Եկեղեցական օրացույց
    /