• USD 482.19
  • GBP 640.83
  • EUR 561.8
  • RUB 7.64
  • GEL 196.01
Հունիս 24, 2018
Մեսրոպ Մաշտոցի թարգմանած առաջին նախադասությունը

  «Ճանաչել զիմաստութիւն եւ զխրատիմանալ զբանս հանճարոյ»

Հայաշխարհի ձայն, Լրահոս, Հայաստան
10.03.2018 | 11:35

Վերջնանպատակը Արցախի գյուղատնտեսության համապարփակ զարգացումն է

Արցախի Հանրապետության գյուղատնտեսության նախարար Ժիրայր Միրզոյանի` օրերս կայացած մամուլի ասուլիսը նվիրված էր 2017 թվականի գործունեության արդյունքներին: Նախարարը միաժամանակ անդրադարձ է կատարել իրականացվելիք ծրագրերին` նշելով, որ ընդհանուր առմամբ անցած տարին գյուղատնտեսության համար բարենպաստ էր, ինչն ակնկալվոմ է նաև ընթացիկ տարում:

Համաձայն ներկայացված վիճակագրության` 2017 թվականին հանրապետությունում գյուղատնտեսության համախառն արդյունքը կազմել է շուրջ 76. 2 միլիարդ դրամ, որից 38. 261 միլիարդը բաժին է ընկնում բուսաբուծության ոլորտին, 37.760.4 միլիարդը` անասնաբուծության ոլորտին և 10.8 միլիոնը` ձկնաբուծությանը: Աճը կազմել է 7.8 տոկոս: Իրականացվել է ավելի քան 75 հազ հա աշնանացան, ինչն աննախադեպ ցուցանիշ է վերջին երկու տասնամյակի կտրվածքով: Միևնույն ժամանակ, արձանագրվել են ցրտահարության դեպքեր` հիմնականում ծխախոտի բերքի: Վնասված բերքի դիմաց ծխախոտագործներին տրվել է պետական աջակցություն: Կարկտահարության վնասի դիմաց խաղողագործներին և մյուս տուժածներին, գարնանացան մշակաբույսեր մշակողներին160 մլն դրամի աջակցություն է ցուցաբերվել:

Շոշափելի աշխատանք է կատարվել ոռոգման համակարգերի ներդրման և սպասարկման ուղղությամբ: «Հայաստան» համահայկական հիմնադրամի հետ համագործակցությամբ նախատեսվում է ընթացիկ տարում իրականացնել 37 խորքային հորերի հորատումը, որը հնարավորություն կտա ոռոգել շուրջ 900 հա հողատարածք:

Ժ. Միրոզոյանը կարևորեց գյուղատնտեսության զարգացման նոր հայեցակարգը՝ ընդգծելով ոլորտի զարգացման ուղղությունները: Հայեցակարգը համարելով գաղափարական ուղղությունների ամբողջություն` նա իբրև վերջնանապատակ նշեց հանրապետությունում գյուղատնտեսության համակողմանի զարգացումը: Հայեցակարգը կազմվել է նվազագույնը 10 տարվա կտրվածքով և ներառում է երեք հիմնական` բուսաբուծության համալիր, անասնապահությանը ներկայացվող պարտադիր պահանջները հաստատելու մասին և արոտավայրերի կառավարման մասին որոշումների նախագծերը:

Հայեցակարգն էականորեն կփոխի ոլորտի ռազմավարությունը՝ համոզված է նախարարը: Այս համատեքստում նա հատկանշեց կանոնակարգումը կամ կարգապահությունը, որը կկանոնակարգի գյուղոլորտի բոլոր հարաբերությունները: Ոլորտի համակողմանի զարգացման համար էական նշանակություն ունի մասնագետների կատարելագործումն ու մասնագիտական գիտելիքների բարձրացումը, որի շրջանակում նախարարությունը կկազմակերպի սեմինարներ և մեթոդական օգնությանը նպատակամղված այլ միջոցառումներ: Խնդիր կա նաև համալրել գյուղատնտեսական բնագավառին վերաբերող օրենսդրական դաշտը, նշեց Ժ. Միրզոյանը:

Նախարարն համոզմունքն ունի, որ հայեցակարգի կիրարկումն առաջացնելու է նոր խնդիրներ: Մասնավորապես, անհրաժեշտ կլինի խստապահանջություն դրսևորել ոչ պատշաճ ձևով գյուղատնտեսություն վարողների նկատմամբ, ստեղծել կոոպերատիվներ, ուժեղացնել վերահսկողական մեխանիզմները՝ ագրոկանոնները հստակ կատարելու համար, որպեսզի կամայական գյուղատնտեսությունից անցում կատարվի դեպի ինտենսիվ գյուղատնտեսության: Ավանդական գյուղատնտեսությունն այլևս սպառել է իրեն, և Արցախի Հանրապետությունը չպիտի հետ մնա համաշխարհային ընդհանուր զարգացումներից, եթե ուզում է իր տեղն ունենալ միջազգային շուկայում` բավարարելով ներքին և արտաքին սպառողի պահանջները: Հայեցակարգը միաժամանակ ենթադրում է արտաքին ներդրումների աճ, ոռոգման և հողի պարարտացման նոր մշակույթի ձևավորում:

Գերատեսչությունը պատրաստ է ցանկացած մարտահրավերների: Անլուծելի խնդիրներ, փակուղային իրավիճակներ չկան` եթե կա քաղաքական կամք ու արգելքները հաղթահարելու վճռականություն:



    Լրահոս
    Օրացույց
    Ամենաընթերցված
    Եկեղեցական օրացույց
    /