• USD 482.19
  • GBP 640.83
  • EUR 561.8
  • RUB 7.64
  • GEL 196.01
Հունիս 23, 2018
Մեսրոպ Մաշտոցի թարգմանած առաջին նախադասությունը

  «Ճանաչել զիմաստութիւն եւ զխրատիմանալ զբանս հանճարոյ»

Հայաշխարհի ձայն, Լրահոս, Արցախ
14.03.2018 | 11:59

Հադրութում կազմակերպվել է նկարչության մրցույթ՝ նվիրված Արցախյան շարժման 30-րդ տարեդարձին

Հադրութի շրջվարչակազմի աշխատակազմի մշակույթի և երիտասարդության հարցերի բաժնի նախաձեռնությամբ շրջկենտրոնում կազմակերպվել է «Ճանաչիր ինձ՝ իմ ունակություններով» խորագրով մանկապատանեկան նկարչության մրցույթ` նվիրված Արցախյան շարժման 30-րդ տարեդարձին:

 

«Արցախպրես»-ի թղթակցի հետ զրույցում Հադրութի շրջվարչակազմի աշխատակազմի մշակույթի և երիտասարդության հարցերի բաժնի վարիչ Երազիկ Հայրիյանն ասել է, որ մրցույթին մասնակցել է Հադրութ քաղաքի և շրջանի համայնքների 6-13 և 14-18 տարիքային խմբերի ավելի քան 100 երեխա:

Ե.Հայրիյանի խոսքով՝ ներկայացված աշխատանքները պետք է արտահայտեին Արցախյան շարժման 30-ամյակի իմաստն  ու  էությունը, հոգեբանական տրամադրվածությունը, զգացմունքային լիցքը:

Մրցույթին   ներկայացված աշխատանքներն ուղեկցվել են կարճ բացատրություններով. ի՞նչ է պատկերված, ո՞րն  է   աշխատանքում  տեղ  գտած   մշակույթի տարրը  և ինչպիսի՞ն է հեղինակի վերաբերմունքն աշխատանքի   նկատմամբ:

Ըստ   մեր զրուցակցի՝  մրցույթի նպատակն էր՝  նպաստել երեխաների հայ ազգագրության, երկրագիտության իմացությանը, նրանց կողմից ազգային աշխարհայացքի, առանձնահատկությունների, գեղագիտական արժեքների յուրացմանը, պատմական իրադարձությունների և հաղթանակի տոնի փաստերի արժևորմանը:

Մրցույթի լավագույն աշխատանքների հեղինակները պարգևատրվել են պատվոգրերով ու նվերներով:

Միջոցառմանը ներկա էին Հադրութի շրջվարչակազմի ղեկավարի տեղակալ Նվեր Գրիգորյանը, հադրութցի  արվեստասեր հասարակության  ներկայացուցիչներ:

 



    Լրահոս
    Օրացույց
    Ամենաընթերցված
    Եկեղեցական օրացույց
    /