• USD 482.19
  • GBP 640.83
  • EUR 561.8
  • RUB 7.64
  • GEL 196.01
Հունիս 24, 2018
Մեսրոպ Մաշտոցի թարգմանած առաջին նախադասությունը

  «Ճանաչել զիմաստութիւն եւ զխրատիմանալ զբանս հանճարոյ»

Գլխավոր լուր, Հոդվածներ, Լրահոս
14.03.2018 | 12:55

Հայր Սամուէլը եւ Երուսաղէմի ուղղափառները

Առաջին անգամը չէ, որ հայ-յունական «տարակարծութիւն» մը կը ծագի Երուսաղէմի մէջ: Խօսքը անշուշտ այս օրերուն քննարկման թեմա հանդիսացած «լուսահանութեան» թեմային մասին է, որ հասարակութեան լայն շերտերու ուշադրութեան կեդրոն կը դառնար իսրայէլեան կայանի մը կողմէ պատրաստուած հարցազրոյցի մը առթիւ:

Երուսաղէմի Սրբոց Յակոբեանց վանքի երէց միաբաններէն Հոգեշնորհ Տ. Սամուէլ ծ. վրդ. Աղոյեան, որ կը մասնակցէր քրիստոնէական սրբավայրերու մասին իսրայէլեան կայանին կողմէ պատրաստուած հաղորդման ու ուղղափառներուն համար «անսպասելի» եւ անընդունելի յայտարարութիւններ կը կատարէր:

Հանրութեան «դատ»ին ներկայացուած ռէբորթաժին մէջ հայր Սամուէլ կը պատմէր, որ Սուրբ Յարութեան տօնի նախօրէին Տիրոջ Սուրբ Գերեզմանէն դուրս հանուող «կենարար կրակ»ը միշտ չէ, որ հրաշքի արդիւնքով է, որ «կը յայտնուի»: Ան նաեւ պատմելով իր անհատական փորձառութեան մասին «կը վստահեցնէր», որ ինք առնուազն երեք անգամ մտած է Տիրոջ գերեզմանը եւ յունաց Պատրիարքին հետ իրենց ձեռքերը երկարելով գերեզմանին վրայ տեղադրուած կանթեղէն վառած է իր ձեռքի մոմը եւ ապա մօտեցած «հայկական պատուհան»ին, որմէ ետք ալ այդ «կենարար կրակ»ը կը բաշխուի Սուրբ Գերեզմանին շուրջ հաւաքուած հաւատացեալներուն:

Հիմա, ի՞նչ էր հայր Սամուէլին մեղքը ու ինչ պատճառներով էր, որ մեղադրանքի լայն ալիք մը ընթացք կ'առնէր սաղիմահայ կրօնաւորի հասցէին, զինք մեղադրելով «լուսահանութեան» դէպքը «սխալ բացատրել»ու եւ կրօնական ճշմարտութիւնները աղավաղելու ծանր մեղադրանքներով:

 

Կարեւոր է նշել, որ նոյն Հայր Սամուէլը իսրայէլեան կայանին կողմէ պատրաստուած տեսանիւթին մէջ երբեք չէր հերքէր հրաշքներու գոյութիւնը նկատել տալով, որ Քրիստոս ու Ամենակալ Աստուած չեն շարժիր հանրութեան քմահաճոյքներուն առջեւ տեղի տալով: Հայ վարդապետը բառացիօրէն ըսած էր «Աստուած հրաշքներ կը գործէ, բայց ոչ մարդկանց քմահաճոյքով»:

Հայր Սամուէլի ըսածին դէմ բողոքի «մեծ ալիք» մը չյայտնուեցաւ ու ցարդ ալ յստակ չէ, որ հայ վարդապետը ծանր մեղքի յանցաթոռին վրայ պիտի նստի կամ ոչ, սակայն յստակ է, որ վարդապետին ըսածները ճշմարտացի մօտեցումներ են, հակառակ անոր որ այդ մօտեցումները կրնան անընդունելի համարուիլ ուղղափառներուն համար, որոնք իրենց հաւատացեալները համոզած են, որ Սուրբ Յարութեան տօնը նախորդող ճրագալոյծ շաբաթ օրը Սուրբ Գերեզմանէն «Սուրբ կրակ» դուրս կը բերուի ու իրենք այդ «Սուրբ կրակ»ը Երուսաղէմի հարեւանութեան մէջ եղող քաղաքները կը ղրկեն:

 

Քրիստոնէական ըմբռնումները, հաւատքը, Յիսուս  Քրիստոսի արիւնով կերտուած արժէհամակարգը կարի՞ք ունին փաստարկներու:

Այս հարցումն է, որ պէտք է ուղղուի ուղղափառ աշխարհի կրօնական առաջնորդներուն:

 

Հատուկ ՀԱՅ ՁԱՅՆի համար


    Լրահոս
    Օրացույց
    Ամենաընթերցված
    Եկեղեցական օրացույց
    /