• USD 482.44
  • GBP 637.06
  • EUR 564.6
  • RUB 7.28
  • GEL 184.28
Սեպտեմբեր 21, 2018
Նոր Հայաստանը պետք է լինի հաղթանակների Հայաստան

ՀՀ նախագահ Արմեն Սարգսյան

Գլխավոր լուր, Հոդվածներ, Լրահոս
17.03.2018 | 13:00

Արցախի նախագահը ԱՄՆ կոնգրեսում

Արցախի Հանրապետության նախագահ Բակո Սահակյանի այցը ԱՄՆ Կոնգրես, նրա ունեցած հանդիպումները, ինչպես և սպասվում էր, առաջացրել են Ադրբեջանի դժգոհությունը. վերջիններս բողոքի նոտա են հղել Պետքարտուղարություն: 

Ադրբեջանական կողմի՝ Արցախի նախագահի այցին ուղղված այդպիսի հիվանդագին արձագանքն  առաջին հերթին պայմանավորված է այն փաստով, որ Ամերիկայի մի շարք նահանգներ սկսել են Արցախի ճանաչման գործընթացը, և այս հարցում նրանց ակտիվ կերպով աջակցում են հայամետ մի շարք կոնգրեսականեր: Բակո Սահակյանի հետ հանդիպման ժամանակ կոնգրեսական Ֆրենկ Փալոնեն նշել է, որ ժամանակն է՝ Արցախի անուղղակի ճանաչումը փոխվի ուղղակի ճանաչման, ինչին վերջինս պատրաստ է սատարել:

Այս այցը աննախադեպ է այն առումով, որ պաշտոնական ընդունելիություն է կազմակերպվել ԱՄՆ Կոնգրեսի շենքում մեծ թվով կոնգրեսակաների մասնակցությամբ: Մասնավորապես հայտնի է, որ այդ հանդիպմանը մասնակցել են նաև Բրենդ Շերմանը, Աննա Էշոն, Ադամ Շիֆը, Դեւիդ Սիսլին և այլ կոնգրեսականներ, որոնք ակտիվ կերպով աջակցում են ոչ միայն Հայաստանի Հանրապետությանը, այլև Արցախին: Այդ աջակցության արդյունքում պաշտոնական Ստեփանակերտը տարեկան միլոնավոր դոլարների օգնություն է ստանում ԱՄՆ-ից: Հենց սա էլ կոչվում է Արցախի անուղղակի ճանաչում, ինչի դեմ երկար տարիներ պայքարում է Բաքուն:

Բակո Սահակյանի այցը ԱՄՆ Կոնգրես նվաճում է համարել նաև ԱՄՆ Հայ դատի ղեկավար Արամ Համբարյանը՝ նշելով այն ապարդյուն ջանքերը, որոնք թափել էր պաշտոնական Բաքուն այն խափանելու համար: Այս այցը կարևոր էր նաև Արցախի օգնությունը շարունակական դարձնելու տեսանկյունից, քանի որ ԱՄՆ նոր վարչակազմը, ինչպես հայտնի է, կրճատում է օտար պետություններին տրամադրվելիք օգնության չափը: Մասնագետները հատկապես շեշտում են այն հանգամանքը, որ Արցախի նախագահը հանդիպել է Կոնգրեսի արտաքին հարաբերությունների հանձնաժողովի անդամների հետ,  նրանց ներկայացրել Արցախյան հիմնահարցը, ինչը կարևոր է կոնգրեսականների համար ոչ միայն խնդրին ծանթանալու, այլև ադրբեջանական քարոզչամեքենայի աշխատանքները չեզոքացնելու տեսանկյունից:

 

Հատուկ ՀԱՅ ՁԱՅՆի համար



    Լրահոս
    Անկախության օր
    Անկախության օգտին մենք քվեարկել ենք ազգովի ու պատասխանատվությունն էլ պարտավոր ենք կրել ազգովի
    Օրացույց
    Ամենաընթերցված
    Եկեղեցական օրացույց
    /